Verslunartíðindi - 01.02.1932, Qupperneq 6

VERSLUNARTÍÐINDÍ
16
að eins að sjerstaklega sje að honum hlynt.
En sú aðhlynning, sem helst og best má
að gagni verða, er sú, að hann fái í friði
að njóta hagsældar góðæranna til þess að
geta riðið af storma harðæranna. — Að
beita stighækkunarkerfi skattamálanna á
þessar atvinnugreinar vorar, verslun og
sjáfarútveg, minnir raunalega á dæmisög-
söguna um konuna, sem slátraði hænunni,
sem varp gulleggjunum, af því að henni
þótti hún of seinfær að verpa.
Rúmsins vegna er eigi unt hjer að ræða
verkanir óbeinu skattanna, eins og þeim
nú er háttað, á athafnalíf og afkomu lands-
búa. Aðeins skal bent á að þeir, sem á
sínum tíma fundu upp rökvilluna um »tvö-
falda skattinn«, hljóta með sinni eigin rök-
færslu að játa að, eins og skattakerfum
vorum nú er háttað, greiða verslunar- og
útgerðarmenn þrefaldan skatt: stighækkandi
tekju- og eignaskatt, útfluttningsgjald af
framleiðsluvöru og aðfluttningsgjald af
nauðsynjum til framleiðslunnar. Það, sem
nú var sagt, nægir til að benda á, að um-
bóta er þörf á skattakerfum vorum. Ef
vjer erum svo aumlega á vegi staddir, að
geta ekkert fundið sjálfir, er oss hagi, verð-
um vjer að minsta kosti að sníða erlendu
fyrirmyndirnar, sem þrátt og oft nánast eru
örþrifaráðstafanir ráðþrota manna, í íslensk-
an búning, sem betur fari þjóðarhag vor-
um en nú er.
Hjer er eigi heldur rúm til að ræða
stefnu þá í skattamálum, er valdhafar vorir
virðast hafa fylgt en síðustu misseri og
sýnist vera sú, að margfalda skatttölurnar
með 2 og 3. Enda eru rökræður um þá
hlið málsins utan veltu þegar fyrir þá sök,
að tímar þeir og menn, sem yfir oss eru
nú, eru alls eigi með eðlilegum hætti.
P.
Tilkynningar frá Forsætis-
ráðaneytinu.
21/i—’32. Þýska ríkisstjórnin hefur fengið
heimild til að hækka innflutningstolla á
vörum frá löndum, sem hafa horfið frá gull-
innlausn. Hefur tollur á dönsku smjöri eftir
þessari heimild verið fyrst tvöfaldaður og
ennfremur valútahækkaður þannig að hækk-
unin er úr 50 mörkum í 136 mörk pr. 100
kg.
8/2—’32. Vegna neyðarástandsins, sem
ríkir á Þýskalandi hefur þýska ríkisstjórnin
fengið heimild til ef sjerstaklega knýjandi
ástæður eru fyrir hendi, að setja gengis-
jöfnunartoll á vörur, sem innflytjast til
Þýskalands frá löndum, sem hafa hækkað
gengi á peningum sínum. Ennfremur hefir
ríkisstjórninn fengið heimild til að hækka
tolla á vörum frá löndum, sem ekki hafa
gert verslunarsamninga við Þýskaland eða
sem láta þýskar vörur sæta óhagstæðari
kjörum en vörur frá einhverju öðru landi.
1 °,2—’32. í Ítalíu hafa sveitarstjórnir
fengið heimild til að krefja neysluskatt af
nokkrum vörum til þess að afla sveitasjóð-
um tekna. Var fyrst tilnefnt vín, nautpen-
ingur, kjöt, feitmeti, gas, rafmagn og bygg-
ingarvörur, En brátt kom í ljós, að þessi
skattur myndi ekki nægilegur, sjerstaklega
af því að tekjurnar rýrnuðu að mun vegna
kreppunnar, og voru þá eftirtaldar vöru-
tegundir einnig gerðar skattskyldar: niður-
soðinn fiskur, saltfiskur, súkkulaði, smákök-
ur, sælgætisvörur, ostur og aðrar mjólk-
urafurðir, að undanteknu smjöri, ennfremur
húsgögn, ilmvötn, fínni sáputegundir og
unnin loðskinn. Flestar sveitastjörnir not-
uðu sjer þessa heimild frá áramótunum.
Hvað saltfisksskattinn snerti hefir hann
verið ákveðinn 12—35 1. pr. 100 kg.. mis-