Fréttablaðið - 24.09.2018, Blaðsíða 10

Frá degi til dags
Halldór
Útgáfufélag: torg ehf. Stjórnarformaður: Einar Þór Sverrisson forStjóri: Ingibjörg Stefanía Pálmadóttir Útgefandi: Kristín Þorsteinsdóttir kristin@frettabladid.is
ritStjórar: Kjartan Hreinn Njálssson kjartanh@frettabladid.is, Ólöf Skaftadóttir olof@frettabladid.is, markaðurinn: Hörður Ægisson hordur@frettabladid.is fréttablaðið.iS: Sunna Karen Sigurþórsdóttir sunnak@frettabladid.is.
Fréttablaðið kemur út í 85.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum
án endurgjalds. ISSN 1670-3871 fréttablaðið Skaftahlíð 24, 105 reykjavík Sími: 512 5800, ritstjorn@frettabladid.is helgarblað: Kristjana Björg Guðbrandsdóttir kristjanabjorg@frettabladid.is
menning: Kolbrún Bergþórsdóttir kolbrunb@frettabladid.is ljóSmyndir: Anton Brink anton@frettabladid.is framleiðSluStjóri: Sæmundur Freyr Árnason sfa@frettabladid.is
Kolbrún
Bergþórsdóttir
kolbrunb@frettabladid.is

Klámhundar
og káfarar
hafa aldrei
vakið sérlega
lukku, þótt
þeir ímyndi
sér annað.

Sýnt er að
hver króna
sem fer í
fjárfestingu á
háskólastig-
inu skilar sér
áttfalt til
baka.
Sími: 561 1433
mánudaga-föstudaga 7.30 -17.30
laugardaga 8.00 -16.00
sunnudaga 9.00 -16.00
ÖLL BRAUÐ Á
25%
AFSLÆTTI
ALLA MÁNUDAGA
• Austurströnd 14
• Hringbraut 35
• Fálkagötu 18
PREN
TU
N
.IS
www.bjornsbakari.is
Sumt er svo sjálfsagt að engin þörf ætti að vera á að setja það í reglur. Þetta á til dæmis við um almenna kurteisi sem svo eðlilegt er að fólk temji sér í samskiptum við aðra. Hverjum og einum einstaklingi sem er tamt
að sýna kurteisi í samskiptum er ljóst að sumt gerir
maður alls ekki. Þannig ætti ekki að þurfa að setja
vinnustaðareglur um það að einstaklingar séu ekki
að angra aðra með óviðeigandi tölvupósti og sýni þá
sjálfstjórn að sleppa því að tala niðrandi til annarra
og láti vera að káfa á öðrum. Klámhundar og káfarar
hafa aldrei vakið sérlega lukku, þótt þeir ímyndi sér
annað.
Alltaf eru þó einhverjir sem átta sig engan veginn
á þessu. Karlmaður sem klæmist við kvenkyns
vinnufélaga telur sig jafnvel vera að slá á létta
strengi. Hann kann jafnvel að ætla sem svo að hann
eigi í afar skemmtilegum samskiptum þegar hann
káfar á konu, eins og hann telur sig eiga fullan rétt
á. Engum er þó skemmt nema honum. Þá þarf að
koma honum í skilning um það.
Ekki ætti að vera erfitt að siða slíkan mann til, en
þá þarf áhugi til þess að vera fyrir hendi. Stundum
er áhuginn í lágmarki, nánast enginn. Flestir þekkja
dæmi um að stjórnendur kjósi að taka ekki á erf-
iðum málum í þeirri von að þau hverfi. Reyndin er
sú að þau hlaða utan á sig.
Vanda má afstýra ef tekið er á honum strax.
Starfsmannastjóri og/eða forstjóri eiga að bregðast
við með því að kalla til sín þann mann sem er að
valda samstarfsfólki óþægindum og segja honum að
ef hann láti ekki af því að senda óviðeigandi tölvu-
pósta eða segja afdankaða klámbrandara þá verði
honum sagt upp störfum. Hann hafi ekki leyfi til að
eitra andrúmsloft á vinnustaðnum. Sömuleiðis á
káfari ekki að fá að vaða uppi og áreita aðra. Hann
tekur sig á eða víkur. Þarna hefur dóninn val. Það er
ekkert harkalegt við þessi skilyrði. Þarna er verið að
taka á málum af festu, eins og er skylt að gera.
Af hverju var ekki hægt að vinna á þennan hátt
hjá Orkuveitu Reykjavíkur? Þar kvartaði kona
ítrekað undan vinnufélaga, karlmanni sem hegðaði
sér á óviðeigandi hátt. Ekki verður annað séð en að
viðbrögð þeirra sem taka áttu á málinu hafi verið
þau að andvarpa og afgreiða málið með því konan
væri með vesen. Hvað á að gera við konu sem er
með vesen og lætur sér ekki segjast? Lausnin var
einföld, henni var sagt upp störfum. Sem er einfald-
lega galið!
Það er hlálegt að hjá Orkuveitu Reykjavíkur sé
í gildi jafnréttisstefna sem þótti á sínum tíma svo
metnaðarfull að hún var verðlaunuð. Þarna er
skólabókardæmi um það að hægt er að setja alls
kyns fagurlega orðuð markmið á blað, jafnvel gera
þau að reglum, en það jafngildir engan veginn því
að þeim sé framfylgt af sannfæringu. Ýmislegt rotið
leynist svo auðveldlega undir snyrtilegu yfirborði.
Þá er þörf á umtalsverðri hreingerningu.
Klám og káf
Lilja
Alfreðsdóttir
mennta- og
menningarmála-
ráðherra
Hagvöxtur hér á landi verður í framtíðinni fremur drifinn áfram af hugviti en auðlindum. Með því fæst meira jafnvægi í þjóðarbúskap-
inn og minni líkur eru á sveiflukenndum vexti í
efnahagslífinu. Til þess að stuðla að slíku jafnvægi
og umhverfi þar sem nýsköpun blómstrar og verkvit
þróast er mikilvægt að fjárfesta í háskólastiginu
og hvetja til öflugs samstarfs þess við atvinnulífið.
Fjárlög ársins 2019 sem kynnt voru á dögunum bera
þessari áherslu stjórnvalda glöggt vitni. Heildarfjár-
framlög háskólastigsins munu nema tæpum 47 millj-
örðum kr. á næsta ári en að meðtöldum launa- og
verðlagsbreytingum er það hækkun um 2,2 milljarða
eða um 5% milli ára. Þetta eru háar fjárhæðir en sýnt
er að hver króna sem fer í fjárfestingu á háskólastig-
inu skilar sér áttfalt til baka til samfélagsins.
Sem dæmi um hækkanir innan málefnasviðs
háskólastigsins eru fjárveitingar til reksturs háskóla
og rannsóknastofnana sem hækka um 245 milljónir
kr. milli ára og framlög til fræða- og þekkingarsetra
sem hækka um 50 milljónir kr. Í fjárlagafrumvarpinu
er einnig fylgt eftir áherslum um nýliðun kennara
með sérstöku 50 milljóna kr. framlagi til endurskoð-
unar á kennaranámi.
Stuðningur við námsmenn eykst um 3,5% milli
ára, heildarfjárheimild þess málaflokks fyrir árið
2019 er áætluð 8,2 milljarðar kr. og hækkar um tæpar
282 milljónir kr. frá fjárlögum þessa árs vegna aukins
framlags til Lánasjóðs íslenskra námsmanna. Vinnu
við endurskoðun á LÍN miðar vel áfram og er stefnt
að því að frumvarp þess efnis fari í opið samráð á
fyrri hluta ársins 2019.
Markmiðið með auknum framlögum til kennslu
og rannsókna á háskólastigi er fyrst og fremst að
auka gæði náms. Sé miðað við nýjasta meðaltal
Efnahags- og framfarastofnunarinnar (e. OECD) um
framlag á hvern háskólanemanda stefnir í að árið
2020 hafi Ísland náð því markmiði eins og ráðgert er
í sáttmála ríkisstjórnarinnar. Menntun er forsenda
samkeppnishæfni okkar til framtíðar og því þurfa
fjárfestingar okkar að taka mið af.
Fjárfest í háskólastiginu
Þegar við skiljum út undan
Það sannast aftur og aftur
að þegar við skiljum út
undan kemur það í bakið
á okkur. Þegar stjórnmála-
flokkar með rætur í verkalýðs-
baráttu hættu eða gleymdu
alþýðunni myndaðist svigrúm
á hinu pólitíska sviði fyrir
popúlíska flokka sem ala á
ótta og óöryggi fólks og beita
sér fyrir auknu hatri, eins
og Eiríkur Bergmann lýsir í
nýútkominni bók. Nú er svo
komið að hatrið er að verða
sjálfsögð stjórnmálaskoðun
víða á Vesturlöndum, af því
við sinnum ekki stórum hluta
borgaranna.
… og bregðumst fólki í eymd
Það sama gerist þegar við
sinnum ekki fólki sem þarf
á hjálp að halda. Fólki í
fangelsum, í vændi, í eitur-
lyfjum og fólki á vergangi.
Umönnunarkerfin okkar hafa
gefist upp á þessu fólki og
refsivörslukerfið tekið við.
Fólk í viðjum fíknar á ekki
heima hjá lögreglunni. Ekkert
hefst upp úr því annað en
að ýta þessu fólki lengra út á
jaðarinn, þar sem það annað-
hvort drepur sig, drepur aðra
eða hreinlega gleymist í eymd
sinni eða fangelsum landsins.
Við megum ekki gleyma fólki
eða skilja það eftir eitt. Það
er ekki bara skaðlegt fyrir
samfélagið, heldur er það bara
ljótt. adalheidur@frettabladid.is
2 4 . s e p t e m b e r 2 0 1 8 m Á N U D A G U r10 s k o ð U N ∙ F r É t t A b L A ð i ð
SKOÐUN
2
4
-0
9
-2
0
1
8

0
4
:3
4
F
B
0
4
8
s
_
P
0
4
6
K
.p
1
.p
d
f
F
B
0
4
8
s
_
P
0
3
9
K
.p
1
.p
d
f
F
B
0
4
8
s
_
P
0
0
3
K
.p
1
.p
d
f
F
B
0
4
8
s
_
P
0
1
0
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
0
E
5
-5
9
9
0
2
0
E
5
-5
8
5
4
2
0
E
5
-5
7
1
8
2
0
E
5
-5
5
D
C
2
7
5
X
4
0
0
.0
0
1
3
A

F
B
0
4
8
s
_
2
3
_
9
_
2
0
1
8
C
M
Y
K