Morgunblaðið - 02.07.2018, Síða 2

2 FRÉTTIRInnlent
MORGUNBLAÐIÐ MÁNUDAGUR 2. JÚLÍ 2018
Askalind 4 | Kópavogi | Sími 564 1864 | vetrarsol.is
Einstök gæði frá
40 ár
á Íslandi
Sterkir og
notendavænir
sláttutraktorar
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Lánaheimild borgarinnar aukin
 Borgin kaupir og selur hverfiskjarna  Deildarstjóri eignaumsýslu bindur vonir við að eignirnar
verði seldar í lok ársins  Eyþór Arnalds segir það ekki hlutverk borgarinnar að gera upp fasteignir
Ragnhildur Þrastardóttir
ragnhildur@mbl.is
„Við munum selja eignirnar ein-
hverjum sem eru tilbúnir í að fara í
uppbyggingu á húsnæðinu,“ segir Óli
Jón Hertervig, deildarstjóri eigna-
umsýslu Reykjavíkurborgar, um
kaup borgarinnar á tveimur hverfis-
kjörnum í Breiðholti, í Arnarbakka
2-6 og Völvufelli 11 og 13-21, sem
samþykkt voru í borgarráði nýverið.
Dapurlegt ástand
Skipulagsferli fyrir eignirnar fer
bráðlega af stað og meðan á því
stendur segir Óli að eignirnar verði
gerðar upp að einhverju leyti. „Við
munum laga húsnæðið og reyna að
snyrta það á meðan ferlið er í gangi.
Það er frekar dapurlegt ástand á
þessu húsnæði.“
Óli segir að kaupsamningur verði
undirritaður í þessari viku en einhver
tími muni líða þar til borgin fái eign-
irnar afhentar. Ef vel gengur verði
eignirnar seldar aftur í lok árs. „Ef
skipulagsmálin ganga vel munum við
geta selt aftur í lok árs en annars get-
ur verið að við seljum aftur eftir ár og
það væri svo sem ekkert óeðlilegt við
það.“
Fulltrúar Sjálfstæðisflokksins í
borgarráði lögðust gegn kaupunum,
þar á meðal Eyþór Arnalds, oddviti
sjálfstæðismanna. Hann segir það
ekki vera hlutverk borgarinnar að
kaupa fasteignir og gera þær upp.
„Það væri miklu nær að veita heim-
ildir til uppbyggingar á svæðinu. Ef
það væri gert er ég viss um að það
væru ýmis fasteignafélög spennt fyr-
ir því að taka við boltanum. Borgin
velur aðra aðferð; í stað þess að
rýmka byggingarheimildir strax
kaupir hún húsnæðið og ætlar svo að
rýmka heimildir.“
„Fjárhagsstaðan ekki góð“
Fasteignakaupin munu kosta
borgina rúmar 752 milljónir króna.
Eyþór segir lán hafa verið tekið fyrir
kaupunum og það sýni fram á bága
fjárhagsstöðu borgarinnar. „Það er
löngu tímabært að skoða þetta mál
en það er hægt að leysa það án þess
að skuldsetja borgina. Umræða um
að fjárhagsstaða Reykjavíkurborgar
sé góð hefur verið áberandi undan-
farið en borgin þurfti að taka hundr-
að prósent lán fyrir kaupunum og
þegar það þarf er fjárhagsstaðan
ekki góð.“
Guðlaug S. Sigurðardóttir, fjár-
málastjóri eigna- og atvinnuþróunar
Reykjavíkurborgar, segir að í raun
hafi ekki verið tekið lán sérstaklega
fyrir kaupunum en vegna þeirra hafi
þó verið beðið um heimild til að auka
við lánsfjáráætlun ársins.
Eyþór segir að þessi kaup hefðu
ekki átt að fara í forgang. „Borgin á
fullt í fangi með sín verkefni og ætti
ekki að fara sjálf út í að sinna þróun-
arverkefnum.“
Ljósmynd/Reykjavíkurborg
Völvufell Annar verslunarkjarnanna sem Reykjavík mun festa kaup á.
Lilja Hrund A. Lúðvíksdóttir
liljahrund@mbl.is
„Ég hef allan tímann litið á þetta
sem verkefni. Svo sannarlega ekki
verkefni sem ég vildi fá, en verkefni
sem maður verður bara að leysa,“
segir Ragnhildur Lind Borgarsdótt-
ir, sem fyrir skömmu gerðist líffæra-
gjafi fyrir son sinn.
Sonur Ragnhildar, Böðvar eða
Böddi eins og hann er oft kallaður,
verður sex ára í haust og þurfti
skyndilega á nýra að halda eftir
óvænt veikindi fyrr á árinu.
Böddi litli byrjaði að fá uppköst og
höfuðverk síðastliðið haust. Móðir
hans hélt í fyrstu að það væri tengt
einhverju ofnæmi eða að um mígreni
væri að ræða. Þegar einkennin fóru
að aukast í byrjun febrúar fór hún
með drenginn á bráðamóttöku
Barnaspítalans. Þar kom í ljós að
blóðþrýstingur hans var óvenju hár
og þá fór lækna að gruna að eitthvað
væri að nýrum Böðvars. Það var
staðfest og fljótlega kom í ljós að
hann þurfti á nýju nýra að halda.
Ekki er sjálfgefið að foreldrar geti
verið líffæragjafar fyrir börnin sín
og foreldrar Bödda fóru í umfangs-
miklar rannsóknir í von um að annað
hvort þeirra gæti gefið honum nýra.
„Þetta voru rosalega stór og mikil og
flókin próf og tóku rosalega langan
tíma,“ segir Ragnhildur.
5. júní var svo hægra nýra hennar
komið fyrir í kviðarholi Böðvars.
Bæði nýrnaþega og nýrnagjafa
heilsast nú vel.
Héldu að þetta væri mígreni
 Ragnhildur Lind gaf Böðvari, sex ára syni sínum, nýra eftir
óvænt veikindi  „Verkefni sem maður verður bara að leysa“
Morgunblaðið/Kristinn Magnússon
Mæðgin Þau Ragnhildur og Böddi
eru nú á batavegi eftir aðgerðirnar.
MMeira á mbl.is
Við Skarfabakka í Sundahöfn lágu í
gær tvö risavaxin skemmtiferða-
skip, þau MSC Meraviglia og Queen
Victoria. „Svona stór skip hafa
aldrei áður legið samtímis við
Skarfabakka,“ segir Gísli Jóhann
Hallsson, yfirhafnsögumaður Faxa-
flóahafna. MSC Meraviglia, eða
„MSC Undrun“ upp á íslensku, er
stærsta skemmtiferðaskip sem
komið hefur til Íslands og er það
171.598 brúttótonn. MSC Cruises,
fyrirtækið sem á skipið, er fyrsta
fyrirtækið í skemmtiferðaskipa-
iðnaðinum sem hefur hlotið heið-
ursverðlaunin Sjö gullperlur, verð-
laun sem eru afhent þeim
fyrirtækjum sem huga vel að lofts-
lags-, sjávar- og úrgangsmálum á
ferðum sínum um heiminn. Í skip-
inu eru gríðarstór vatnsrenni-
brautagarður, fótboltavöllur, keilu-
höll og kappakstursbílar ásamt tólf
veitingastöðum og fjórum börum.
Breska skipið Queen Victoria,
sem lá einnig í Sundahöfn í gær, er
heldur engin smásmíði. Skipið er
90.049 brúttótonn og býður upp á
þrjár sundlaugar, danssal og bíó
ásamt fleiru. Saman geta skipin
tekið á móti 9.500 manns, 6.500 far-
þegum og 3.000 áhafnarmeðlimum.
Undrun og
Viktoría
drottning
Morgunblaðið/Arnþór Birkisson