Morgunblaðið - 06.04.2018, Síða 9

FÖSTUDAGUR 6. APRÍL 2018 MORGUNBLAÐIÐ 9
grunnsævinu sé ábótavant og í dag hafi rækt-
endur fátt annað að styðjast við en eigið
innsæi þegar línur eru settar niður. „Íslenski
kræklingurinn hrygnir á vissum tíma árs, og
koma lirfurnar sér þá fyrir á línunum. En
hrúðurkarlinn hrygnir töluvert fyrr, og ef lín-
urnar eru settar niður of snemma kemur
hrúðurkarlinn sér þar fyrir og ekkert pláss
er eftir fyrir kræklingslirfurnar. Veit rækt-
andinn ekki af vandanum fyrr en hann vitjar
línanna löngu seinna og gæti þá öll vinna
hans verið fyrir bí,“ segir Elvar og bætir við
að Skelrækt vinni að gerð aðgerðaráætlunar
sem lögð verði fyrir stjórnvöld á næsta ári.
Fjárfesti í tækni
Elvar bendir líka á að nauðsynlegt sé að
tæknivæða greinina. „Íslenskt vinnuafl er
dýrt og þyrfti helst að tækjavæða veiðar og
vinnslu að mestu eða öllu leyti. Þar getum við
vonandi leitað fyrirmynda hjá ræktendum á
Nýja-Sjálandi sem hefur orðið mikið ágengt
við að tæknivæða sína skelrækt. Annað er
uppi á teningnum á stöðum eins og Frakk-
landi þar sem atvinnuleysi er mikið meðal
ungs fólks og auðvelt að fá inn fólk til að
vinna að uppskerunni í stuttan tíma í senn.“
Markaðurinn gæti tekið við mun meira
magni af bláskel og segir Elvar að innlend
framleiðsla sé aðeins lítill hluti af heildar-
framboðinu hérlendis. Ef umfang skelræktar
yrði nógu mikið gæti orðið til ný útflutnings-
grein enda um gæðavöru að ræða. „Við erum
með hreinan og góðan sjó, og bláskel í mjög
miklum gæðum. Kuldinn virðist valda því að
kræklingurinn verður þéttari í sér og hefur
þetta góða bit sem kaupendur íslensks sjáv-
arfangs þekkja, auk þess að hafa kraftmikið
bragð. Í samanburði er kræklingur sem
ræktaður er í heitari sjó bragðminni, með
minni holdfyllingu og ekki með sömu bit-
gæði.“
Uppskera Betri rannsóknir á hrygningu
kræklings ættu að hjálpa greininni. Ef línur fara
niður á röngum tíma tekur hrúðurkarlinn yfir.
Von er á reglugerð frá atvinnuvega- og ný-
sköpunarráðuneytinu þar sem fram kemur að
heimilt verður að halda úti grásleppubátum í
32 daga en ekki 20 daga, eins og upphaflega
var tilkynnt. Þetta kemur fram í tilkynningu
frá Fiskistofu.
Fyrstu grásleppubátarnir á þessari vertíð
eru að ná 20. degi á sunnudaginn 8. apríl.
Segir í tilkynningu Fiskistofu að þeim sé nú
óhætt að halda áfram veiðum í 12 daga í viðbót.
Síðasti dagur grásleppuvertíðarinnar, hjá
þeim bátum sem hófu veiðar á fyrsta degi, er
samkvæmt þessu 20. apríl.
Axel Helgason, formaður Landssambands
smábátaeigenda, segir breytinguna algjörlega
órökstudda.
„Miðað við tölur sem við höfum um þróun
vertíðarinnar verður þetta til þess að við náum
einungis um það bil 64% af ráðgjöf Hafró,“
segir Axel og gagnrýnir um leið skort á sam-
vinnu stjórnvalda við sambandið.
„Þessu fylgir engin skýring, heldur þurfum
við að leita eftir fundi til að fá rökstuðning fyr-
ir þessu. Þetta er bara hroki og yfirgangur.“
Vertíðin
lengd um
tólf daga
Morgunblaðið/Hafþór Hreiðarsson
Grásleppa LS gagnrýnir framkomu stjórnvalda.
Ljósmynd / Halldór Logi Friðgeirsson