Morgunblaðið - 30.07.2018, Blaðsíða 4

4 FRÉTTIRInnlent
MORGUNBLAÐIÐ MÁNUDAGUR 30. JÚLÍ 2018
Bir
tm
eð
fyr
irv
ar
au
m
pr
en
tvi
llu
r.
He
im
sfe
rð
ir
ás
kil
ja
sé
rr
étt
til
lei
ðr
étt
ing
aá
slí
ku
.A
th.
að
v
595 1000
AGUAMARINA
Frá kr.
109.995
Frá kr.
158.995
ve
rð
ge
tur
br
ey
st
án
fr
ir
.
13. ÁGÚST Í 11 NÆTUR
COSTA DEL SOL
Ragnhildur Þrastardóttir
ragnhildur@mbl.is
„Aukið aðgengi að lyfjum, alls konar
fíkniefnum, og lyfsseðilsskyldum lyfj-
um gæti verið ástæðan fyrir því að
það séu fleiri sem hafi grun um að
þeim hafi verið byrluð ólyfjan,“ segir
Anna Bentína Hermansen, ráðgjafi
hjá Stígamótum, grasrótarsamtökum
sem berjast gegn kynferðisofbeldi,
um byrlun ólyfjanar. „Rohypnol er
það lyf sem hefur aðallega verið not-
að, en ég tel að aukið aðgengi að lyfj-
um almennt sé skýring á þessum far-
aldri,“ segir hún við Morgunblaðið.
Erfitt að sanna byrlun
Anna segir grun leika á því að fleiri
lyf séu nú notuð sem ólyfjan en áður.
Það sé þó torsótt að sanna það enda
erfitt að ganga úr skugga um að byrl-
un hafi átt sér stað.
„Það er erfitt að sanna að fólki hafi
verið byrluð ólyfjan því lyfin hverfa
fljótt úr blóðinu. Tilfinning okkar er
samt sem áður sú að það séu fleiri
sem gruni að þeim hafi verið byrluð
ólyfjan.“
Hrönn Stefánsdóttir, verkefna-
stýra Neyðarmóttöku fyrir þolendur
kynferðisofbeldis á Landspítalanum,
tekur undir það að erfitt sé að sanna
byrlun ólyfjanar. „Það þarf að gera
sérstakar prófanir sem kosta mikinn
pening til að sanna það. Við tökum
alltaf þvag- og blóðprufu ef lögregl-
unni skyldi finnast tilefni til að rann-
saka málið. Þessar rannsóknir hafa
verið gerðar en það hefur aldrei verið
hægt að sanna lyfjabyrlun.“
Anna segir þolendahópinn saman-
standa af ungum konum þó einhverj-
ar undantekningar séu á því. „Það eru
náttúrulega aðallega þær sem fara á
skemmtistaði. Við þekkjum alveg
önnur tilvik en þau eru undantekn-
ingin frá reglunni.“
Umræðan mikilvæg
Spurð að því hvað sé til ráða segir
Anna: „Það er mjög mikilvægt að um-
ræða sé í gangi og að þetta sé litið al-
varlegum augum. Allir þurfa að taka
þessu alvarlega, bæði samfélagið og
heilbrigðisstarfsfólk. Það þarf að vera
litið alvarlegum augum þegar eitt-
hvað svona gerist eða einhvern grun-
ar að hann hafi lent í slíku. Það er al-
veg hrikalegt að lenda í þessu,
brotaþolar missa alla stjórn og geta
ekkert gert. Fólki á ekki að vera vísað
frá eða það hunsað vegna þess að það
er talið hafa drukkið of mikið.
Drykkja breytir ekki brotinu,“ segir
hún.
Gerendamiðaðar forvarnir
Anna segir að forvarnir eigi að ein-
blína á gerendur. „Að hvetja fólk til að
setja lok á glös og eitthvað svoleiðis er
náttúrulega mjög umdeilt. Auðvitað
skil ég að fólk vilji leita allra leiða til
þess að svona gerist ekki, en forvarnir
eiga fyrst og fremst að snúa að þeim
sem fremur brotið en ekki þeim sem
verður fyrir því. Það er hugarfars-
breytingin sem er mjög mikilvæg.“
Mbl.is greindi frá því um helgina að
lögreglan á Austurlandi rannsaki nú
mál þar sem grunur leikur á að tveim-
ur konum hafi verið byrluð ólyfjan
helgina sem tónlistarhátíðin Eistna-
flug fór fram í Neskaupstað.
Fleiri grunsemdir um ólyfjan
 Grunsemdir um byrlun ólyfjanar hafa færst í aukana  Verkefnisstýra hjá Stígamótum segir það
skýrast af auknu aðgengi að lyfjum  Heilbrigðisstarfsfólk þurfi að taka grunsemdum alvarlega
Samkvæmt ársskýrslu Stíga-
móta fyrir árið 2017 urðu 37 af
þeim 229 sem leituðu til sam-
takanna fyrir lyfjanauðgun. Ef
litið er til fyrri ársskýrslna hefur
fjöldinn aldrei verið svo mikill.
27 urðu fyrir lyfjanauðgun árið
2016, 13 árið 2015, 13 árið 2014
og 17 árið 2013. Samkvæmt
skýrslunum hefur lyfjanauðg-
unum því fjölgað umtalsvert.
37 lyfja-
nauðganir
MIKIL FJÖLGUN
Guðrún Erlingsdóttir
ge@mbl.is
„Það var 23 stiga hiti á hluta hátíðar-
innar og Reykvíkingar fylltu á D-
vítamín-forðann,“ segir Magný Rós
Sigurðardóttir, einn af fjórum stjórn-
endum Eistnaflugs. Hún segir að
byrlunarmál hafi sett svartan blett á
hátíðina sem gekk að öðru leyti vel.
„Við höfum fengið eina tilkynn-
ingu þar sem konu var byrluð ólyfjan
og heyrt af annarri. Okkur þykir
þetta mjög leiðinlegt og munum gera
allt sem við getum til þess að svona
lagað komi ekki fyrir á næstu hátíð.
Við erum í góðu samstarfi við Aflið á
Akureyri,“ segir Magný Rós sem
leggur áherslu á að þolendur segi
frá.
„Hljómsveitirnar stóðu sig allar
með prýði. Í ár var hópur fólks sem
gekk um og gaf gestum knús, til að
minnka pirring, og ávexti svo það
færi ekki svangt í háttinn. Það féll í
góðan jarðveg, “ segir Magný Rós.
Fjölmenni á Bræðslunni
„Það voru milli 900 og 1.000 sem
keyptu sig inn og við áætlum að það
hafi verið um 2.500 manns á Borg-
arfirði eystri um helgina. Þar búa að
jafnaði um 100 manns á veturna en
fjölgar í um 200 á sumrin,“ segir
Heiðar Ásgeirsson, einn af forsvars-
mönnum Bræðslunnar á Borgarfirði
eystri.
„Bræðslan var algjörlega dásam-
leg og sem betur fer förum við einu
sinni enn áfallalaust í gegnum hátíð-
ina, að því gefnu að allir hafi komist
heilir heim,“ segir Heiðar sem var að
hefja fyrsta áfanga að frágangi eftir
hátíðina seinni partinn í gær.
Heiðar segir að hátíðargestir hafi
fengið tækifæri til að rölta niður á
bryggju og fylgst með 5 til 6 hvölum
sem spókuðu sig í firðinum.
Í gærkvöldi var afréttarinn hald-
inn þar sem þeir sem að hátíðinni
koma hittast og klæða sig í þá óskila-
muni sem ekki hefur tekist að koma
til skila.
Brosandi fólk á Mærudögum
„Það eru allir brosandi út að eyr-
um á Húsavík í dag. Formlegri dag-
skrá lauk á laugardagskvöld en á
sunnudag hlupu börn á Húsavík á
milli húsa og söfnuðu mæru,“ segir
Guðrún Huld Gunnarsdóttir, sem
stýrði Mærudögum í fyrsta sinn.
Hún tók hátíðina alla leið og gisti á
tjaldstæðinu með alla fjölskylduna.
20 ára hátíð á Grundarfirði
Á góðri stund var haldið í 20. skipti
á Grundarfirði um helgina og tókst
ljómandi vel þrátt fyrir smá rign-
ingu, að sögn Gunnar Kristjáns-
sonar, fréttaritara Morgunblaðsins.
„Við enduðum hátíðina á sunnudag
í 20 stiga hita og áttum það inni eftir
dapurt sumar sem hefur á köflum
verið eins og vetrarveður í febrúar,“
segir Gunnar.
Ljósmynd/Hafþór Hreiðarsson
Mærudagar Talið er að rúmlega 4000 manns hafi verið á Húsavík um helgina. Guðrún Huld Gunnarsdóttir, segir að
hátíðarhöldin hafi farið vel fram. Sælgæti var áberandi í skreytingum á Húsavík þar sem orðið mæra þýðir sælgæti.
Margmenni á hátíðum
 Byrlunarmál
svartur blettur
á Eistnaflugi
Ljósmynd/Aldís Fjóla Ásgeirsdóttir
Stemming Gleði og hamingja ríkti á Bræðslunni á Borgarfirði eystri þegar
Stjórnin og fleiri hljómsveitir héldu uppi stanslausu stuði fyrir hátíðargesti.
Albert Kemp
Fáskrúðsfjörður
Kenderísgangan var heldur blaut á
Frönskum dögum sem haldnir voru
á Fáskrúðsfirði dagana 26. til 29.
júlí. Vel var mætt í gönguna eins og
alltaf. Jafnframt henni fóru fram
tónleikar með KK í félagsheimilinu
þar sem var húsfyllir. Setning dag-
anna fór fram á föstudaginn á Búða-
grund með ávörpum og brekkusöng
og síðar flugeldasýningu. Veður var
gott og allt fór vel fram.
Aðalhátíðarhöldin hófust á laug-
ardag með minningarhlaupi um
Berg Hallgrímsson. Góð þátttaka
var í hlaupinu. Í helgistund sem
haldin var í frönsku kapellunni þjón-
uðu séra Petur Kovacik og séra Pet-
er Fintor, prestar kaþólsku kirkj-
unnar. Séra Ægir Örn Sveinsson
þjónaði fyrir hönd þjóðkirkjunnar.
Minningarathöfn var í franska
kirkjugarðinum, þar sem séra Jóna
Krístín Þorvaldsdóttir minntist
frönsku sjómannanna sem þar hvíla
ásamt belgískum sjómönnum. Sendi-
herra Frakka, Graham Paul, flutti
ávarp. Þakkaði hann Fáskrúðsfirð-
ingum fyrir að halda á lofti minn-
ingu frönsku sjómannanna og
hversu vel væri að öllu staðið. Au-
rore Devos bæjarfulltrúi frá Gravel-
ines flutti kveðjur frá bæjarstjóra
sem ekki gat verið viðstaddur. Há-
tíðarhöldin héldu áfram á planinu
við Tanga í góðu veðri. Dansleikir
voru í Félagsheimilinu Skrúð og
fóru þeir vel fram.Ýmsar uppá-
komur voru alla dagana svo sem
hjólreiðakeppni, Fáskrúðsfjarðar-
hlaup, Leikhópurinn Lotta og dorg-
veiðkeppni.
Blaut kenderís-
ganga á góðri gleði
 Góð þátttaka og flottir flugeldar
Morgunblaðið/Albert Kemp
Minning Blómsveigir lagðir við
minnisvarða franskra sjómanna.