Morgunblaðið - 31.07.2018, Blaðsíða 11

FRÉTTIR 11Innlent
MORGUNBLAÐIÐ ÞRIÐJUDAGUR 31. JÚLÍ 2018
Kr. 9.990.-
Str. S-XXL
Litir: dökkblátt, svart
Nýjar
peysur
Bæjarlind 6 | sími 554 7030
Við erum á facebook
Sigtryggur Sigtrygsson
sisi@mbl.is
Nýtt félag Vestmannaeyjabæjar,
Herjólfur ohf., sem mun sjá um rekst-
ur nýja Herjólfs, auglýsti um helgina
eftir starfsfólki, bæði á sjó og í landi.
Hins vegar er óljóst hvenær nýr
Herjólfur byrjar áætlunarsiglingar.
Eins og fram kom í Morgunblaðinu í
síðustu viku kom ósk frá pólsku
skipasmíðastöðinni Crist S.A. um að
fá að fresta afhendingu ferjunnar
fram í seinnipartinn í október næst-
komandi. Ferjan mun því væntanlega
ekki koma til landsins fyrr en í nóv-
ember/desember.
„Þegar lagt var af stað í þetta verk-
efni var mikil áhersla lögð á að ferjan
myndi byrja að sigla í apríl eða maí
þannig að áhöfnin og sérstaklega
skipstjórarnir myndu læra á skipið að
sumri,“ segir Sigurður Áss Grétars-
son, framkvæmdarstjóri siglingasviðs
Vegagerðarinnar.
„Nú er svo komið að skipið mun
ekki byrja áætlunarsiglingar fyrr en í
nóvember ef áætlanir ganga eftir,
þegar veður eru válynd. Þannig að
áhöfnin þarf að takast á við miklar
áskoranir að sigla á nýju skipi við erf-
iðar aðstæður,“ bætir Sigurður við.
Hann segir óvíst hve langan tíma það
tekur að koma ferjunni í rekstur. Nýr
rekstraraðili verði að taka þá ákvörð-
un. Gamli Herjólfur verður tiltækur
þar til sá nýi hefur áætlunarsiglingar.
Ástæður seinkunar á afhendingu
eru að mati pólsku skipasmíðastöðv-
arinnar umbeðin aukaverk og athuga-
semdir sem Samgöngustofa gerði við
teikningar sem hún hafði áður sam-
þykkt. Að sögn Sigurðar Áss snérust
athugasemdirnar um að varaflótta-
leiðir uppfylltu ekki reglur en að mati
hönnuðar og virts flokkunarfélags,
DNV-GL, uppfylltu þær kröfur.
Samningsupphæðin við pólsku
skipasmíðastöðina hljóðaði upp á
26,25 milljónir evra, eða um 3,2 millj-
arða króna miðað við núverandi
gengi. Aukaverk bætast alltaf við
samningsupphæðina.
Heildarupphæð vegna aukaverka
er um þrjár milljónir evra, þar af
vegna rafvæðingar ferjunnar um 2,5
milljónir evra og önnur verk 0,5 millj-
ónir evra.
Sem fyrr segir auglýsti nýtt rekstr-
arfélag Herjólfs eftir starfsfólki um
helgina. Sérstaklega var auglýst eftir
framkvæmdastjóra og er umsóknar-
frestur til 10. ágúst. Skilyrt er að
framkvæmdastjórinn búi í Vest-
mannaeyjum.
Einnig var auglýst eftir stýrimönn-
um, vélstjórum og hásetum svo og
þjónustufulltrúum í landi. Umsóknar-
frestur um þessi störf er til 23, ágúst.
Umsjón með ráðningum hefur Capa-
cent.
Ráða þrjár áhafnir
Fram kemur í auglýsingunni að
reiknað sé með að ráða þrjár áhafnir á
hið nýja skip og verður hverjum
starfsdegi skipt í tvær vaktir.
Nú þegar hefur verið ráðið í tvö
störf á Herjólfi. Ívar Torfason verður
1. skipstjóri og Svanur Gunnsteins-
son yfirvélstjóri.
Óvíst hvenær siglingar geta hafist
Ljósmynd/Crist S.A.
Nýr Herjólfur Smíði skipsins er í fullum gangi hjá pólsku skipasmíðastöð-
inni. Smíðin hefur tafist af ýmsum ástæðum og afhendingu mun því seinka.
 Seinkun á afhendingu nýja Herjólfs veldur því að skipið kemur þegar veður eru válynd  Skipstjór-
arnir þurfa að læra á skipið  Herjólfur ohf. hefur auglýst eftir framkvæmdastjóra og starfsfólki
Grasfrjó í lofti eru í hámarki um
þessar mundir en frjókornin munu
vera með mesta móti næstu tvær til
þrjár vikurnar. Sigurveig Sigurðar-
dóttir, læknir á göngudeild ofnæm-
issjúkdóma á Landspítalanum, segir
að einkenni fólks með grasfrjókorna-
ofnæmi muni vera einna verst næstu
vikurnar. „Hámarkið mun standa yf-
ir eitthvað fram yfir verslunar-
mannahelgi en mun í kjölfarið fara
minnkandi. Það sem er hins vegar
varasamt er að flestir Íslendingar
fara í útilegu akkúrat á þessum tíma
og eiga á hættu að fá mikið ofnæmi
af þeim sökum,“ segir Sigurveig sem
tekur þó fram að minna hafi verið að
gera á ofnæmisdeildinni það sem af
er sumri samanborið við síðustu ár.
Komi það til af mikilli rigningu í
sumar en rigningin kemur í veg fyrir
að frjókornin komist á flug.
„Það hefur verið minna að gera
hjá okkur auk þess sem minni vanda-
mál hafa komið upp hjá sjúklingum.
Það er alveg klárt að ofnæmið byrj-
aði seinna en venjulega á Suðurlandi.
Ég veit að það hefur hins vegar verið
mikið að gera á ofnæmisdeildinni
fyrir austan og norðan enda hefur
verið mikill hiti og sól þar,“ segir
Sigurveig.
Spurð hvað hægt sé að gera til að
draga úr einkennum grasfrjókorna-
ofnæmis segir Sigurveig að mikil-
vægast sé að fylgja leiðbeiningum
sérfræðinga. Nefnir hún í því sam-
hengi reglulega lyfjainntöku fólks
með ofnæmi. „Það er auðvitað best
fyrir fólk með ofnæmi að reyna að
velja sér ferðastaði þar sem ekki er
mikið um óslegið gras enda ýtir það
undir ofnæmið. Þess utan er mikil-
vægt fyrir þá sem eru með grimmt
ofnæmi að útvega sér lyf. Í fyrsta
lagi eru það ofnæmistöflur án lyfseð-
ilis eða töflur sem hægt er að fá vísað
á hjá lækni. Í öðru lagi geta augn-
dropar hjálpað mikið til að með-
höndla augun. Að lokum er það nef-
úði sem inniheldur stera til að
minnka bólgur, en margir eru hrifnir
af því,“ segir Sigurveig og bætir við
að mikilvægt sé fyrir fólk að taka D-
vítamín til að minnka líkur á því að
það þrói með sér frjókornaofnæmi.
„Þeir sem eru með skort á D-vítam-
íni eru líklegri til að fá ofnæmi og
ónæmisvandamál. Vítamínið er auk
þess mjög mikilvægt fyrir ónæmis-
kerfið óháð því hvort fólk er með of-
næmi eða ekki,“ segir Sigurveig.
aronthordur@mbl.is
Frjókorn í lofti með mesta móti
 Minna verið um frjókornaofnæmi það sem af er sumri samanborið við síðustu ár
Morgunblaðið/Brynjar Gauti
Frjókorn Mikið er um frjókorn í
lofti um þessar mundir.
Jeppabifreiðarnar tvær sem lentu í
hörðum árekstri á Þingvallavegi í
Mosfellsdal fyrr í þessum mánuði
voru sendar í svonefnda bíltækni-
rannsókn til að skera úr um hvort
um hraðakstur hafi verið að ræða.
Þetta segir Valgarður Valgarðsson,
aðalvarðstjóri hjá lögreglunni á höf-
uðborgarsvæðinu, í samtali við
mbl.is. Ekki er ljóst hvenær niður-
staða fæst úr þeim rannsóknum.
Í slysinu rákust tveir jeppar sam-
an og kastaðist annar þeirra út fyrir
veg og ofan í skurð. Einn lést í slys-
inu, kona fædd árið 1937. Hún var
búsett í Reykjavík. Tveir aðrir slös-
uðust og voru fluttir á slysadeild.
Hin látna var farþegi í öðrum bíln-
um, en að sögn Valgarðs var öku-
maður hins jeppans kona um þrí-
tugt. Hún slapp að mestu við meiðsli
og var ein í bílnum.
Ákærusvið ákveður framhaldið
Slysið varð í kjölfar framúrakst-
urs yngri konunnar. Að sögn Val-
garðs er búið að ræða við öll vitni í
málinu og miðar rannsókn lögreglu
vel. Spurður út í mögulega ákæru
segir Valgarður málið verða sent til
ákærusviðs lögreglunnar þegar öll
gögn eru komin í hús. Ákærusviðið
mun í kjölfarið taka ákvörðun um
næstu skref.
Áreksturinn varð til móts við af-
leggjarann að Æsustöðum. Vega-
gerðin hefur nú málað heila miðlínu
á veginn sem bannar ökumönnum að
taka fram úr öðrum bílum. Var það
m.a. gert í kjölfar þrýstings frá íbú-
um á svæðinu.
Morgunblaðið/Árni Sæberg
Mosfellsdalur Hraðakstur er sagð-
ur tíður þar sem slysið varð.
Bílflökin
send í nán-
ari skoðun
 Ökumaður hins
jeppans ung kona
Fasteignir