Morgunblaðið - 07.08.2018, Page 10

10
MORGUNBLAÐIÐ ÞRIÐJUDAGUR 7. ÁGÚST 2018
Sími 555 2992 og 698 7999
• Við hárlosi
• Mýkir liðina
• Betri næringar-
upptaka
Náttúruolía sem hundar elska
Við höfum notað Dog Nikita hundaolíu fyrir hundana
okkar í 3 ár og við erum ekkert á því að hætta.
Feldurinn á þeim er mjúkur, fallegur og hárlosið á
þeim gengur fyrr yfir. Þófarnir eru mjúkir og sléttir
en ekki harðir og grófir eins og þeir verða oft.Við
mælum með Dog Nikita hundaolíu.
Páll Ingi Haraldsson
EldurÍs hundar
Við mælum með Dog NIKITA hundaolíu
NIKITA hundaolía - Selaolía fyrir hunda
• Gott við exemi
• Betri og sterkari
fætur
)553 1620
Lauga-ás hefur
frá 1979 boðið
viðskiptavinum
sínum upp á úrval
af réttum þar sem
hráefni, þekking
og íslenskar
hefðir hafa verið
höfð að leiðarljósi.
Laugarásvegi 1, 104 Reykjavík
laugaas@laugaas.is • laugaas.is
Við bjóðum m.a. upp á:
Súpur
Grænmetisrétti
Pastarétti
Fiskrétti
Kjötrétti
Hamborgara
Samlokur
Barnamatseðil
Eftirrétti
Magnús Heimir Jónasson
mhj@mbl.is
„Þetta fór miklu betur en maður
þorði að vona. Maður vissi ekki
hvernig veðrið yrði en það fór bara
vel og byrjaði að lægja á miðnætti og
fínt veður var klukkan tvö. Fólk
skemmti sér vel og þetta var bara
frábært,“ segir Jónas Guðbjörn
Jónsson, talsmaður Þjóðhátíðar-
nefndar, um skemmtanahald í Eyj-
um um helgina. Um 400 manns gistu
í íþróttahúsinu á mánudagsnóttina
eftir að hafa glatað tjöldum sínum í
veðrinu en Jónas segir stemninguna
hafa verið með besta móti. Herjólfur
fór 11 ferðir í gær til að ferja fólk
heim af Þjóðhátíð. Þá áætlar lög-
reglan að um 600-700 manns hafi
flogið heim í gær upp á meginlandið.
Á samráðsfundi viðbragðsaðila á
Þjóðhátíð var talið að gestir hefðu
verið á bilinu 14 til 15 þúsund í ár.
Halldór Harðarson, einn skipu-
leggjenda fjölskylduhátíðarinnar
Ein með öllu á Akureyri, segir að allt
hafi gengið vel fyrir norðan. „Þetta
gekk eiginlega bara frábærlega.
Margir að tala um að þetta sé bara
ein besta hátíðin til þessa. Það var
allt stappað og risaflugeldasýning.
Mjög góð hátíð og allir fóru glaðir
heim,“ segir Halldór. Hann segir að
langflestir hafi skemmt sér fallega á
Akureyri en fleiri þúsundir sóttu
lokatónleika hátíðarinnar á leiks-
húsflötinni fyrir norðan. Á Flúðum
fór síðan fram önnur fjölskylduhátíð
og segir Bessi Theódórsson, fram-
kvæmdastjóri Sonus viðburða, sem
heldur fjölskylduhátíðina á Flúðum,
gríðarlega marga hafa sótt Flúðir
heim um helgina. „Það var gríðar-
lega margt fólk hérna, mestmegnis
fjölskyldufólk, og við vorum með alla
afþreyingu fjölskyldumiðaða, bæði
dagskemmtanir og kvölddagskrá
líka. Þó að dansleikirnir hafi verið
með hefðbundnu sniði. Allt dans-
leikjahald fór vel fram líka og við
vorum vel mönnuð. Á laugardaginn
var traktoratorfæran og ætli það
hafi ekki verið milli 6 og 8 þúsund
manns þar,“ segir Bessi, en hin
fræga furðubátakeppni fór svo fram
á sunnudeginum með sigri bátsins
Jólasveinar í sumarfríi.
Þá var einnig barist um Evrópu-
meistaratitilinn í mýrarbolta í Bol-
ungarvík um helgina og segir
Thelma Rut Jóhannsdóttir, ein
skipuleggjanda, að keppnin hafi
gengið vel fyrir sig. Segir hún einnig
að skemmtanahald hafi verið með
besta móti fyrir vestan. Liðið Ker-
ecis, sem samanstendur af starfs-
mönnum lyfjafyrirtækisins Kerecis á
Ísafirði, fór með sigur af hólmi í
mýrarboltanum í ár. Unnu þeir lið
Mínútumanna í úrslitum, sem er
einnig skipað heimamönnum, en þeir
töpuðu einnig í úrslitum mýrarbolt-
ans í fyrra.
Ljósmynd/Óskar P. Friðriksson
Blysin tendruð Mikil stemning var í brekkunni þegar blysin voru tendruð í lok brekkusöngsins. Fjölmargir gestir ákváðu að mynda fegurð Herjólfsdals þegar hann lýstist upp á miðnætti.
Fjölbreytt skemmt-
anahald um land allt
Verslunarmannahelgin 2018