Morgunblaðið - 15.08.2018, Side 10

10 FRÉTTIRInnlent
MORGUNBLAÐIÐ MIÐVIKUDAGUR 15. ÁGÚST 2018
SKECHERS FLEX APPEAL DÖMUSKÓR MEÐ
MEMORY FOAM INNLEGGI. STÆRÐIR 36-41.
DÖMUSKÓR
KRINGLU OG SMÁRALIND
12.995
Guðrún Erlingsdóttir
ge@mbl.is
Breytingar á umsóknum um vega-
bréfsáritun til Kanada fyrir þá sem
þess þurfa tóku gildi 31. júlí. Breyt-
ingarnar leiða til þess að þeir sem
þurfa að sækja um dvalarleyfi og
námsmenn sem dvelja þar lengur en
í sex mánuði þurfa að fara á sér-
stakar vegabréfsáritunarskrifstofur
sem eru í London, Stokkhólmi, París
og í fleiri borgum til þess að fara í líf-
kennaskynjara. Í honum eru skönn-
uð augu og fingraför.
Lífkennaskynjara er ekki að finna
í sendiráði Kanada á Íslandi sam-
kvæmt upplýsingum sendiráðsins á
Íslandi og sendiráðið hér á landi gef-
ur ekki út vegabréfsáritanir.
Ferðamenn sem dvelja styttra en
sex mánuði í Kanada þurfa ekki
vegabréfsáritun en þurfa að sækja
rafrænt um svokallað eTA, eða
Electronic Travel Authorization.
Námsmenn sem dvelja lengur en
sex mánuði við nám í Kanada og í
einhverjum tilfellum heilbrigðis-
starfsmenn eða nemendur sem
dvelja styttra en sex mánuði og þeir
sem sækja um langtíma dvalarleyfi í
landinu þurfa að fara í lífkenna-
skynjara. Samkvæmt upplýsingum
frá kanadíska sendiráðinu er unnið
að því að fá slíkan skynjara í sendi-
ráðið hér á landi en ekki er vitað
hvenær hann er væntanlegur.
Fyrir breytingar þurftu ríkis-
borgarar sumra landa að fara í líf-
kennaskynjara til þess að fá dvalar-
leyfi í Kanada. Ísland var ekki meðal
þessara landa en nú þurfa ríkisborg-
arar allra landa nema Bandaríkj-
anna að fara í lífkennaskynjara til
þess að fá vegabréfsáritun til Kan-
ada.
Að öllu jöfnu tekur það sex til átta
vikur að fá vegabréfsáritun.
Upplýsingar fyrir ferðamenn sem
eru á leið til Kanada er að finna á
www.canada.ca/eta og fyrir þá sem
þurfa vegabréfsáritun www.ca-
nada.ca/biometrics.
Sækja þarf
vegabréfsárit-
un til útlanda
 Nýjar reglur um vegabréfsáritun til
Kanada  Ferðamenn þurfa ekki áritun
Morgunblaðið/Kristinn Ingvarsson
Kanada Winnipeg á björtum degi.
Að ferðast til Kanada
» Ferðamenn þurfa ekki vega-
bréfsáritun til Kanada.
» Ferðamenn þurfa að fylla
rafrænt út eTA-umsókn.
» Námsmenn sem dvelja
meira en sex mánuði í Kanada,
umsækjendur um langtíma-
dvalarleyfi, heilbrigðis-
starfsfólk, einstaka námsmenn
í styttra námi og fleiri þurfa
vegabréfsáritun.
» Fara þarf utan í lífkenna-
skynjara til þess að fá vega-
bréfsáritun til Kanada.
Sigtryggur Sigtryggsson
sisi@mbl.is
Nú styttist í að Spölur afhendi rík-
inu Hvalfjarðargöngin til eignar og
rekstrar. Nú er miðað við að það
gerist fyrir lok september, sam-
kvæmt upplýsingum Gísla Gísla-
sonar, stjórnarformanns Spalar.
Um leið og ríkið tekur við göng-
unum verður gjaldtöku í þau hætt.
Vegagerðin hefur undirbúið yfir-
tökuna undanfarna mánuði, sam-
kvæmt upplýsingum G. Péturs
Matthíassonar upplýsingafulltrúa.
Koma þarf á tölvutengingum Vega-
gerðarinnar við göngin og búa
ákveðna menn innanhúss undir
verkefnið. Þeir verktakar sem hafa
mest unnið í göngunum fyrir Spöl
munu vinna áfram fyrir Vegagerð-
ina með sama hætti og verið hefur,
a.m.k. fyrst um sinn.
Spölur hefur undanfarnar vikur
unnið að ýmsum endurbótum á
göngunum áður en til yfirtöku ríkis-
ins kemur.
Má þar nefna þéttingu sprungna
við vatnsklæðningu, skipt hefur ver-
ið út boltum í klæðningu og teng-
ingar við rafstöð lagaðar. Þá var
loftnet fyrir útvarp yfirfarið og
Tetrakerfið lagfært.
Áformað er að fjarlægja húsin
tvö sem eru sitt hvoru megin við
gjaldskýlið norðanmegin ganganna.
Kostnaður við niðurrifið er áætl-
aður um 15 milljónir króna. Í upp-
hafi átti að nota þessi hús til inn-
heimtu en fljótlega var horfið frá
því. Gjaldskýlið mun standa áfram,
þótt ekkert gjald verði innheimt, en
þar inni eru ýmiss konar lagnir og
búnaður.
Fram kemur í tilkynningu á
heimasíðu Spalar að viðskiptavinir
félagsins fái að sjálfsögðu greidda
þá fjármuni sem þeir kunna að eiga
inni á áskriftarreikningum sínum
hjá félaginu þegar hætt verður að
innheimta veggjöld.
Inneign verður endurgreidd
„Allt sem áskrifendur og aðrir
viðskiptavinir eiga inni verður
endurgreitt, hvort sem eru fjár-
munir á áskriftarreikningum eða
ónotaðir afsláttarmiðar. Breytir
engu hvenær áskriftarferðir eru
greiddar fyrir fram eða keyptir af-
sláttarmiðar á þeim tíma sem eftir
lifir af rekstrartíma Spalar,“ segir í
tilkynningunni.
Ljósmynd/Atli Rúnar Halldórsson
Gjaldskýlið Hætt verður að rukka veggjald í lok næsta mánaðar. Til stendur að rífa litlu húsin við gjaldskýlið.
Vegagerðin undirbýr
yfirtöku á göngunum
 Göngin afhent í septemberlok  Gjaldtöku verður þá hætt
Aron Þórður Albertsson
aronthordur@mbl.is
Ítalska knattspyrnan verður ekki á
dagskrá hjá sjónvarpsstöðvum hér á
landi í vetur. Eins og Morgunblaðið
greindi frá fyrr í sumar höfðu Voda-
fone og Síminn lýst yfir áhuga á því
að kaupa sýningarrétt knattspyrn-
unnar á Ítalíu í kjölfar skipta portú-
galska leikmannsins Cristiano Ron-
aldo til Juventus. Nú hefur hins vegar
fengist staðfest að ekkert verði af
kaupunum, en að sögn Magnúsar
Ragnarssonar, framkvæmdastjóra
sölusviðs hjá Símanum, var málið
lengi vel til skoðunar. Það var þó á
endanum niðurstaða fyrirtækisins að
sýna ekki ítölsku knattspyrnuna á
rásum Sjónvarps Símans. „Ítalski
boltinn sem stök vara er of flókinn og
það var ástæða þess að við keyptum
ekki réttinn á þessu,“ segir Magnús.
Svipað er upp á teningnum hjá
keppinauti Símans, Vodafone, þar
sem engin plön eru um að sýna
ítölsku deildina, Seríu A, í vetur.
Björn Víglundsson, framkvæmda-
stjóri sölusviðs hjá Vodafone, segir að
ítalska knattspyrnan muni ekki
standa íslenskum knattspyrnu-
áhugamönnum til boða á rásum fyrir-
tækisins. „Við munum þess í stað
bjóða upp á mikið úrval af knatt-
spyrnu frá öðrum deildum. Þá erum
við að tala um vinsælar deildir eins og
ensku og spænsku,“ segir Björn.
Upphaflega var sýningarréttur
ítölsku deildarinnar á vegum sjón-
varpsstöðvarinnar Sport TV. Sá
samningur var þó einungis til eins árs
og var ekki framlengdur. Eins og fyrr
segir jókst áhugi á sýningarréttinum
til muna eftir skipti besta leikmanns
heims, Cristiano Ronaldo, til Juven-
tus. Þá þótti líklegt að ítalska knatt-
spyrnan yrði sýnd hér á landi en nú
er ljóst að svo verður ekki.
Enginn keypti
sýningarréttinn
 Ítalski boltinn ekki á dagskrá í vetur
AFP
Ronaldo Af mörgum talinn besti
knattspyrnumaður heims í dag.