Morgunblaðið - 15.08.2018, Síða 11

FRÉTTIR 11Innlent
MORGUNBLAÐIÐ MIÐVIKUDAGUR 15. ÁGÚST 2018
Álfheimum 74, 104 Rvk, sími 568 5170
Verið velkomin
30-70%
afsláttur
1988 - 2018
Síðustu dagar
útsölunnar
Sogavegi við Réttarholtsveg og Miklubraut
Opið kl. 9-18 virka daga | Sími 568 0990 | gardsapotek.is | appotek.is
Lágt lyfjaverð - góð þjónusta
Einkarekið apótek
Nú einnig netapótek: Appotek.is
Aron Þórður Albertsson
aronthordur@mbl.is
Minna hefur borið á folaflugum á
húsveggjum á höfuðborgarsvæðinu
en síðustu sumur. Þetta segir Er-
ling Ólafsson skordýrafræðingur í
samtali við Morgunblaðið. Talið er
að kaflaskipt veðrátta á sunnan-
verðu landinu það sem af er sumri
orsaki fækkunina. „Tíðarfarið hef-
ur alveg klárlega áhrif og þá er ég
ekki endilega að tala um rign-
inguna, enda lifir flugan í blautum
jarðvegi. Það er í raun bara hversu
undarlegt veðurfarið hefur verið,“
segir Erling.
Folaflugum hefur farið fjölgandi
á síðustu árum hér á landi, en þær
hafa vakið athygli fyrir afar langa
fætur. Flugan kom fyrst hingað til
lands í kringum aldamótin þegar
íbúar Hveragerðis urðu varir við
hana og fékkst hún staðfest árið
2001. Frá þeim tíma fjölgaði henni
hratt áður en hún hóf að dreifa sér
um sunnanvert landið. Að sögn Er-
lings er ekki ástæða til að fagna
folaflugum enda er um skaðvald að
ræða, sem getur látið að sér kveða
þar sem lirfur alast upp. Folaflugan
er sömu ættar og hrossa- og trippa-
flugur, sem hins vegar ólíkt fola-
flugunni eru ekki skaðvaldar.
Spurður hvort hægt sé að greina
mikinn mun á folaflugum og öðrum
sambærilegum flugum kveður Er-
ling já við. „Maður sér muninn af
löngu færi. Hrossaflugur eru eins
og klessur á vegg en þessar sitja
uppréttar með vængina út í loftið,“
segir Erling.
Folaflugum fer fækkandi
Ljósmynd/Aðsend
Folafluga Kaflaskipt veðrátta er talin hafa áhrif á fækkun folaflugna.
 Talsvert minna borið á folaflugum það sem af er sumri
Agnes Bragadóttir
agnes@mbl.is
Snorri Magnússon, formaður Lands-
sambands lögreglumanna, segir
aukið ofbeldi og hótunarbrot gegn
lögreglumönnum vera mikið
áhyggjuefni. Hann telur að undir-
mönnun í lögreglu í áraraðir og auk-
in vímuefnaneysla og neysla harðari
efna séu stór hluti skýringa á aukn-
ingunni.
Ofbeldis- og
hótunarbrotum
gegn lögreglu-
mönnum á höfuð-
borgarsvæðinu
hefur farið fjölg-
andi árið 2018
miðað við meðal-
tal síðustu
þriggja ára. 42 of-
beldisbrot voru
skráð á fyrstu sex
mánuðum ársins og 20 hótanir um
ofbeldi.
Fjölgaði ofbeldisbrotum um 64% á
fyrstu sex mánuðum ársins miðað
við meðaltal á sama tímabili síðustu
þrjú ár. Hótunum um ofbeldi fjölgaði
um 36% á fyrstu sex mánuðum árs-
ins. Þetta kom fram í frétt Morg-
unblaðsins í síðustu viku.
Snorri sagði í samtali við Morgun-
blaðið í gær að vissulega væri fjölg-
un ofbeldisbrota gegn lögreglu mikið
áhyggjuefni lögreglumönnum um
land allt og þeir ræddu þessi mál
mikið sín á milli.
„Ég get í sjálfu sér ekki sagt til um
það hvort einhverjar greiningar hafa
verið gerðar á því hvers vegna of-
beldi gegn lögreglu hefur aukist
svona mikið. Það er hins vegar deg-
inum ljósara að sá niðurskurður sem
hefur orðið á fjármagni til löggæslu-
mála undanfarin ár, alveg frá því fyr-
ir hrun, hefur orsakað það að lög-
reglumönnum hefur farið fækkandi
og það eitt og sér minnkar öryggi
manna í starfi. Við erum undir-
mönnuð að störfum allan sólarhring-
inn, ekki bara hér á höfuð-
borgarsvæðinu, heldur úti um allt
land. Ég tel að undirmönnunin sé
stór þáttur í aukningu ofbeldis gegn
lögreglu,“ sagði Snorri.
Snorri segir að klárlega sé aukin
vímuefnaneysla og harðari efni sem
fólk sé að nota einnig þáttur í skýr-
ingunni á aukningu ofbeldis gegn
lögreglu.
„Þetta er mikið rætt í röðum okk-
ar lögreglumanna og þetta ástand er
mikið gagnrýnt. Við hjá Landssam-
bandi lögreglumanna höfum gagn-
rýnt niðurskurðinn margoft á hverju
einasta ári í ótalmörg ár og bent á
hvað þessi niðurskurður til lög-
gæslumála og fækkun lögreglu-
manna þýðir. Það er eins og allir
skelli skollaeyrum við þeim stað-
reyndum mála sem við höfum bent á
í áraraðir. Og svo birtast afleiðing-
arnar m.a. í þessu, að fólk liggur sárt
eftir, og getur átt við alvarleg og
langvarandi meiðsli að glíma,“ sagði
Snorri Magnússon enn fremur.
Mannekla og
aukin neysla
Morgunblaðið/Kristinn Magnússon
Lögreglan Ofbeldi gegn lögreglu hefur aukist mikið að undanförnu, sem er
lögreglumönnum um land allt mikið áhyggjuefni, segir Snorri Magnússon.
Snorri
Magnússon
 Áhyggjur af ofbeldi gegn lögreglu
ÞÚ FINNUR ALLT Á FINNA.IS
ÞARFTU AÐ LÁTA GERA VIÐ?