Breiðfirðingur - 01.04.1990, Blaðsíða 170
168
BREIÐFIRÐINGUR
sem hún hafði meðferðis á vit óþekktar sveitar, en eftirfar-
andi hendingar úr ljóði Jónasar bróður síns, Mig langar -,
gerði hún að einkunnarorðum sínum á þessum tíma:
Ég bil bálið, sem hitar og brennur
en ég bölva þér nákaldi ís!
Ég vil aflþunga elfu, sem rennur,
ekki óhreina pollinn sem frýs.
Þegar Theódóra kom vestur að Hóli var aðeins eitt kven-
félag starfandi í Dölum, Kvenfélag Saurbœjarhrepps,
stofnað 1917. í ágústmánuði 1926 var svo stofnað Kven-
félagið Hvöt í Fellsstrandarhreppi og var svilkona Theó-
dóru, Steinunn Porgilsdóttir á Breiðabólsstað, á meðal
stofnenda þess, en hún varð síðar formaður félagsins og
gegndi því embætti í 44 ár.
Vorið 1927 ferðaðist Theódóra um Hvammssveit til að
vinna að stofnun kvenfélags. Var erindi hennar yfirleitt vel
tekið af þeim konum sem hún sótti heim, en ekki var
örgrannt um að félagsmenn ungmennafélagsins litu á málið
með nokkurri tortryggni. Allt um það var stofnfundur Kven-
félagsins Guðrúnar Ósvífursdóttur haldinn laugardaginn 30.
júlí 1927 að Hvammi og komu ellefu konur á fundinn og
gerðust stofnfélagar. Theódóru hafði langað til að nefna
félagið eftir landnámskonu Dalasýslu, Auði djúpúðgu, en
ungmennafélagið hafði tekið sér nafn hennar, og varð því
nafn Guðrúnar Ósvífursdóttur fyrir valinu.
Á fundinum var Theódóra kosin formaður félagsins.
Hólmfríður Andrésdóttir í Gerði var kjörin gjaldkeri og
Svava Guðjónsdóttir á Kýrunnarstöðum ritari. Þær Theó-
dóra og Svava voru, ásamt Magneu Magnúsdóttur í Ásgarði,
kosnar til að semja fyrstu lög félagsins, sem hljóðuðu svo:
1. gr. Nafn fjelagsins: „Guðrún Ósvífursdóttir
2. gr. Hver fjelagskona sje fullra 15 ára.