Stjarnan - 01.10.1936, Blaðsíða 6
86
STJARNAN
Vertu trúr
Hinir trúuðu meðal vor hafa litla hugmynd
um hvað það kostar fólk í heiðnum löndum að
slíta sig lausa frá trú, siðum og venjurn þeim,
sem forfeður þeirra hafa fylgt svo öidum skift-
ir. Jesús segir: “Ef einhver kernur til mín og
hatar ekki föður sinn og móður, konu og börn
og bræður og systur, og jafnvel sift eigið líf,
hann getur ekki verið lærisveinn rninn ....
Þannig getur þá enginn af yður, er eigi sleppir
öllu, sem hann á, verið lærisveinn minn.” Lúk.
14 Í26.23.
Það ber sjaldan við heima, að sá sem kýs
að fylgja Jesú þurfi bókstaflega að uppfylla
þau skilyrði, sem Jesú nefnir hér. En á Ind-
landi kemur það oft fyrir, að ef maður tekur
þá stefnu að trúa á Jesúm og fylgja honum,
að hann þá verður að yfirgefa konu og börn,
föður og rnóður, heimili sitt og eignir, og alt,
sem honum er kærast í lífinu. Stundum eru
ættingjar hans svo reiðir, að líf hans er í hættu.
Vegna hættunnar, sem það hefir í för með
sér, þá eru margir, sem hika sér við að játa
Jesúm opinberlega. Eg er sannfærður um að
það eru margir hér á Indlandi, sem trúa á
Jesúm, en sem, eins og Nikódemus, ekki koma
fram opinberlega, en andi spádómsins hefir
fullvissað oss um, að margir þessara tnunu
kannast við frelsara sinn opinberlega áður en
náðartíminn er á enda. Þetta er gleðiefni fyr-
ir þá, sem starfað hafa, og oft án þess að sjá
mikinn árangur.
Vér sjáum oft að trúbræður vorir á Ind-
landi eru fúsir til að líða fyrir Krists nafns
sakir, margir mundu reynast trúir og gefa líf
sitt hans vegna, ef þess væri krafist. Indversk
stúlka ein giftist ungum innlendum manni.
Bæði voru trúuð, en foreldrar mannsins höfðu
fallið til baka, og börðust nú á móti sannleika
Guðs orðs, og misþyrmdu tengdadóttur sinni,
þau bæði leituðust við að tala hana uppi og
ofsóttu hana. Einungis þeir, sem kunnugir eru
á Indlandi geta gjört sér hugmynd um meðferð
þeirra á tengdadóttur sinni, svo grimmileg var
hún. En unga konan var trú og staðföst, og
umburðarlynd og þolinmóð gagnvart þeim, sem
ofsóttu hana.
Loks hepnaðist foreldrunum að snúa syni
sínum líka burtu frá sannleikanum, svo hann
gekk í lið með þeim á móti Guðs börnum. Brátt
breyttist einnig framkoma hans gagnvart kon-
unni. Einn dag þegar hann barði hana með
höndum og fótum, þá sagði hún: "Eg veit að
hjarta þitt er ekki með þegar þú ert að berja
mig. Hjarta þitt elskar mig alveg eins og þegar
við giftumst, það eru aðeins hendur þínar og
fætur, sem hlýða skipunum foreldra þinna.”
Þolinmæði hennar og umburðarlyndi bræddi
hjarta imanns hennar, svo hann bað hana fyrir.
gefningar. Nú urðu þau bæði hamingjusöm
aftur og elskuðu hvort annað.
Þannig sigraði trúmenska, þolinmæði og
kæríeikur þessarar indversku konu bæði mann
hennar og seinna foreldra hans, svo þau sneru
sér aftur til Guðs. Indland hefir án efa fjölda
dætra, sem eins og þessi eru sannar hetjur. Ef
til vill eru þær fáurn kunnar, og öðlast enga
viðurkenningu hér. En laun þeirra verða mikil
þegar Jesús kemur að samansafna sínum út-
völdu. Guð gefi oss: náð til þess fúslega að
líða fyrir hans nafns sakir, og meðan vér líðum
að vera þolinmóðir, hógværir og kærleiksríkir,
eins og hann sem “ekki illmælti þótt honum
væri illmælt.”
T. J. Michael.
Hafðu Guð í ráðum
með þér
Verzlunarmaður kom einu sinni til Georges
Muller og sagði honum að hann væri rétt að
því kominn að leggja stórfé í fyrirtæki, sem
hann vænti að mundi gefa góðar tekjur, og þær
skyldu einnig verða til eflingar Guðs ríkis, en
hann óskaði fyrst að ráðfæra sig við Muller, og
að þeir sameiginlega legðu það fram fyrir Guð
í bæn.
George Muller varð því miður að segja
honum að rétt sem stæði hefði hann áríðandi
skyldum að gegna, en ef hann vildi bíða litla
stund, þar til þeimi væri lokið, þá mundi það
vera honum gleðiefni að hjálpa honurn það sem
hann gæti.
“Nei,” svaraði maðurinn. “Eg verð strax
að taka ákvörðun rnína, ef eg bíð, þá missi eg
tækifærið og einhver annar nýtur þess.” Hann
framkvæmdi áform sitt, án þess að bíða eftir
Guðs leiðbeiningu. Hann setti allar eigur sínar
í fyrirtækið — og tapaði öllu.