Stjarnan - 01.07.1953, Qupperneq 1

STJARNAN
t.
JÚNí, 1953 LUNDAR, MANITOBA
Kristur og framtíðin
Jesús leit á ókomna tímann, ekki eins
og menn sem gizka á eftir líkindum, heldur
sem Guð er sér endann frá byrjuninni.
Hvers vegna sagði Jesús fyrir atburði
þá sem mundu eiga sér stað frá því hann
var hér í holdinu, alt til þess tíma er hann
kemur aftur? Hann hefir án efa haft vissan
tilgang með það. Plver var tilgangur hans?
Án efa sá, að sannfæra þá sem lifa mundu
á seinni tímum, sem ekki sáu hann sjálfan
eða voru vitni til hinna voldugu krafta-
verka hans, til að gefa þeim óyggjandi
sönnun fyrir því, að hann væri Guðs ein-
getni sonur, hinn fyrirheitni Messías.
Þessi tilgangur hans kemur skýrt í ljós
í Jóh. 13:19. „Héðan af segi ég yður það
áður en það kemur fram, til þess að þér
trúið, þegar það er komið fram, að ég er
hann.“ Sjá einnig Jóh. 14:29. og Jóh. 16:4.
Jesús sagði þeim að hann yrði svikinn
af einum lærisveina sinna. Þegar það kom
fram styrkti það trú þeirra. Þannig var
það með alla spádóma Krists, jafnvel þá
sem sögðu fyrir ofsóknir eða fráfall. Alt
þetta benti á að hann vissi hvað verða
mundi.
Ef þér athugið það þá skiljið þér að
kraftaverk hans sýndu vald hans yfir öllu.
Fyrst sneri hann vatni í vín, og fram-
kvæmdi þar á augnabliki það sem nátt-
úruna tekur fleiri mánuði til að framleiða.
Með þessu sýndi hann að hann var Guð og
herra náttúrunnar. Næsta kraftaverk hans
var lækning, þar sýndi hann vald sitt yfir
sjúkdómum. Hið þriðja var hinn óvænti
fiskidrátur, sem benti á vald hans yfir
sköpuðum skepnum. Hið fjórða var að
kasta út óhreinum anda, það bar vott um
vald hans yfir andaheiminum. Þannig
framkvæmdi hann hvert kraftaverkið eftir
annað, þar til hann einnig reisti menn frá
dauðum og sýndi þannig, að hann hafði
vald yfir hinum síðasta óvini, dauðanum.
Eftir öll þessi kraftaverk kemur spá-
dómur hans í Matteus 24. kap., sem einnig
er skráður í Mark. 13. og Lúkas 21. Kap.
Þessi spádómur er í rauninni stærsta
kraftaverkið.
Kraftaverk Krists voru framkvæmd að
tiltölulega fáum viðstöddum,' sem uppi
voru samtímis honum, en spádómurinn í
Matteus 24. Kap. tekur yfir alt tímabilið frá
því hann var hér á jörðinni alt til vorra
tíma og lengra fram, og miljónir manna
hafa lifað til að sjá uppfylling þessara
atburða, sem hann sagði fyrir.
Stundum segja menn, að þeir mundu
trúa ef þeir sæju kraftaverk. En þeir ættu
að athuga spádóminn í Matt., Mark. og
Lúkas. Sá sem getur séð uppfylling þess-
ara spádóma en trúir þó ekki, hann mundi
heldur ekki láta sannfærast, þó hann sæi
önnur kraftaverk. Jesús sjálfur sagði: „Ef
þeir hlýða ekki Móse og spámönnunum
munu þeir heldur ekki láta sannfærast
þótt einhver risi upp frá dauðum.“
Lúk. 16:31.
Lesið 24. Kap. Matteusar og athugið
hvern einstakan spádóm, fyrst viðvíkjandi
eyðileggingu Jerúsalemsborgar, sem átti sér
stað árið 70 eftir Krist. Því næst um endir
heimsins eða núverandi tímabil. Vér höfum
vitnisburð Jósefusar sagnritara Gyðinga
um uppfyllingu spádóma Krists um Jerú-
salem. Hann var sjónarvottur að því sem
fram fór. Til að byrja með barðist hann
móti Rómverjum og var tekinn til fanga,
en Títus lét hann lausan seinna. Jósefus
var viðstaddur þegar Jerúsalem var um-
kringd af herflokkum Rómverja og frá-
sögn hans var næstum því orð fyrir orð
það sem Jesús hafði sagt fyrir, þó Jósefus