Mosfellingur - 16.05.2013, Side 4

www.lagafellskirkja.is
Sunnudagur 19. maí
Lágafellskirkja kl.11.00
Hvítasunnudagur
Sr. Skírnir Garðarsson
Sunnudagur 26. maí
Mosfellskirkja kl.14.00
Kirkjudagur Hestamanna-
félagsins Harðar.
Hópreið hestamanna til kirkju
Sr. Ragnheiður Jónsdóttir
Sunnudagur 2. júní
Lágafellsskóli kl. 20.00
Skráning fermingarbarna
Sr. Ragnheiður Jónsdóttir
kirkjustarfið
- Bæjarblaðið í Mosfellsbæ64
HelgiHald næStu vikna
w w w. l a g a fe l l s k i r k j a . i s
Vættir og væntum­
þykjufólk í Listasal
Steinunn Marteinsdóttir hefur opn-
að sýningu sína Vættir og væntum-
þykjufólk í Listasal Mosfellsbæjar. Í
verkunum hefur Steinunn gjarnan
horft til fjalla og fugla, mýra og móa
en inn í söng og
rúnir náttúrunnar
hefur hún gjarn-
an ofið óræðu lífi
vætta sem eru ef
til vill ættaðar úr
þjóðtrú og þjóð-
ararfi. Í nýjustu
verkunum gætir
persónulegri stefja en áður. Þar vilja
nú fá að birtast endurminningar
sem bregða á sig blæ fjarlægðar og
erfitt er að höndla, minningar um
staði og stundir æskunnar, um kært
fólk úr fortíð og nútíð. Eða eins og
segir í kvæði Gríms Thomsens :
„Svipþyrping sækir þing í
sinnis hljóðri borg“. Steinunn var
var valin bæjarlistamaður Mosfells-
bæjar árið 2003 en hún hefur búið
og starfað að list sinni á Hulduhól-
um síðustu áratugina. Sýningin í
Listasalnum stendur til 7. júní og er
opin á afgreiðslutíma Bókasafnsins.
Eurovision dansleikur
á laugardagskvöldið
Hið eina sanna Euroband heldur
stórdansleik í Hlégarði að loknu úr-
slitakvöldi Eurovision laugardaginn
18. maí. Friðrik Ómar og Regína Ósk
ásamt hljómsveit munu þar flytja 60
bestu Eurovision lögin á balli. Sér-
stakur gestur er Selma Björnsdóttir.
Húsið opnar kl. 23 og mun dj Early
þeyta réttu skífunum til að hita upp
mannskapinn. Miðaverð er 2.500 kr.
og eru miðar seldir við innganginn.
„Eina alvöru Eurovisionballið,“
segir í tilkynningu þar sem lofað er
einstökum viðburði.
Það hefur borið á því að undanförnu að
unglingar hafi verið að stelast í sundlaug-
ina við Gljúfrastein í Mosfellsdal á kvöldin
eða á nóttunni.
„Það er algörlega bannað að nota sund-
laugina í þessum tilgangi en hún er hluti af
safninu á Gljúfrasteini. Við viljum gjarnan
geta sýnt hana eins og hún var en hún vekur
jafnan athygli meðal gesta sem heimsækja
safnið. Við förum þess á leit við fólk að það
virði þetta bann,“ segir Guðný Dóra Gests-
dóttir forstöðumaður Gljúfrasteins.
„Búið er að koma upp eftirlitsmyndavél
við Gljúfrastein til að vakta húsið og sund-
laugina, ég hef áhyggjur af því að þarna
geti orðið slys, sérstaklega þegar áfengi er
haft um hönd. Í samráði við lögregluna er
vakin athygli á þessu í þeirri von að fólk
virði þetta bann og að foreldrar séu vakandi
fyrir þessu og hvetji börn og unglinga til að
fara að settum reglum,“ segir Guðný Dóra
og bætir við að mikil umferð göngufólks sé
um svæðið í kringum Gljúfrastein á þessum
árstíma.
„Ekkert hefur verið amast við því enda
sjálfsagt að fólk gangi hér um sér til
skemmtunar og heilsubótar. En þessar
sundlaugarferðir ungs fólk eru vanda-
mál. Við hikum ekki við að tilkynna það
til lögreglu ef við verðum vör við slíkar
heimsóknir að kvöldi eða næturlagi,“ segir
Guðný Dóra að lokum.
Ólöglegar sundlaugaferðir á Gljúfrasteini tilkynntar lögreglu
fólk virði lög og reglur
Mosfellsbær og Landsbankinn hafa gert með sér samkomulag um
áframhaldandi uppbyggingu í Helgafellslandi en Landsbankinn
hefur nýverið eignast lóðir og lendur í hverfinu vegna uppgjörs
við Helgafellsbyggingar hf. Þar með lýkur nokkurra ára stöðnun og
óvissu um uppbyggingu í hverfinu.
Samkvæmt samkomulaginu mun Mosfellsbær meðal annars
annast gatnaframkvæmdir, gerð göngustíga og frágang á svæðinu.
Mosfellsbær mun einnig koma upp grunnþjónustu en þess má geta
að fræðslunefnd hefur nýverið samþykkt að undirbúningur skuli
hafin á skólabyggingu á svæðinu en þar er bæði gert ráð fyrir leik-
og grunnskóla. Landsbankinn lætur Mosfellsbæ í té óskipulagt land
í Helgafelli og stendur straum af gatnagerðargjöldum.
1000 íbúða blönduð byggð fjölbýlis- og sérbýlishúsa
Í Helgafellslandi er gert ráð fyrir um 1000 íbúða blandaðri byggð
fjölbýlis- og sérbýlishúsa. Hverfið er staðsett á einum fallegasta
stað í Mosfellsbæ, við rætur Helgafells, og er án efa eitt glæsilegasta
byggingarsvæði á höfuðborgarsvæðinu. Því er það fagnaðarefni
fyrir íbúa Mosfellsbæjar að skriður skuli komast á uppbyggingu
í hverfinu á ný.
„Það er mikið fagnaðarefni að óvissu sé eytt um Helgafellshverfið
og við hjá Mosfellsbæ munum gera allt sem í okkar valdi stendur til
að liðka til fyrir áframhaldandi uppbyggingu þar,“ segir Haraldur
Sverrisson bæjarstjóri Mosfellsbæjar.
Búist við að framkvæmdir hefjist fljótlega
Eftirspurn eftir íbúðum í Mosfellsbæ hefur verið töluverð að
undanförnu og því má búast við að byggingarframkvæmdir hefj-
ist þar fljótlega. Gera má ráð fyrir að í hverfinu verði eitthvað um
minni íbúðir sem henta vel fyrir ungar fjölskyldur. Bærinn mun
nú á næstunni ráðast í framkvæmdir í hverfinu sem verða til góðs
fyrir þá sem þar búa nú sem og þá sem þangað munu flytja í fram-
tíðinni.
Friðrik S. Halldórsson framkvæmdastjóri Hamla, dótturfélags
Landsbankans, segir að bankinn fagni samkomulaginu við Mos-
fellsbæ. Með því sé mikilsverðum áfanga náð. ,,Það er ánægjulegt
fyrir Landsbankann að geta með þessum hætti tekið þátt í upp-
byggingu í Mosfellsbæ og við teljum að með þessu samkomulagi
sé málið allt komið á góðan rekspöl.“
Áframhaldandi uppbygging • Mosfellsbær og Landsbankinn gera með sér samkomulag
Óvissu eytt um Helgafellsland
skriður er kominn á uppbygg-
ingu við rætur helgafells