Mosfellingur - 12.01.2012, Side 12

- Viðtal / Mosfellingurinn Erlendur Hólm Gylfason
Erlendur Hólm eða Eddi eins og hann er ávallt kallaður er traustur og góður samstarfsfélagi og ég get
sagt þér að hann er með lífsglaðari mönn-
um sem ég hef hitt í gegnum tíðina enda
er hann oft kallaður sjómaðurinn síkáti.
Eddi er yfirleitt búinn að snúa öllu því sem
hann segir og gerir upp í grín, og hlátur
hans fer ekki framhjá neinum. Hjá hon-
um eru ekki til vandamál, heldur lausnir
og hann er svona maður sem kallar ekki
allt ömmu sína, enda harður nagli,“ segir
Ingólfur Arnarson skipsfélagi Erlends á
Helgu Maríu AK 16 er ég bið hann um að
lýsa félaga sínum í stuttu máli.
„Ég fluttist vestur á Barðaströnd mánað-
ar gamall og var alinn upp hjá ömmu minni
og afa ásamt tveimur frænkum mínum.
Amma og afi ráku lítið bú og voru bæði
með beljur og kindur. Sumarið 1966 brann
bærinn okkar til kaldra kola og það var talið
kraftaverki líkast að við komumst af þessa
nótt því húsið brann niður á örskammri
stundu. Ég man ekki mikið eftir þessu en
það var afi sem bjargaði mér úr brennandi
húsinu.“
Á vergangi í nokkra mánuði
„Við fjölskyldan vorum á vergangi næstu
mánuði á eftir á nærliggjandi bæjum í
sveitinni eða þar til amma og afi kaupa
jörðina Hreggstaði sem er enn í eigu fjöl-
skyldunnar. Jörðinni fylgdi selveiðiréttur
og ég man hvað ég var glaður að fá að fara
með afa að leggja sellagnirnar en þá var ég
átta ára gamall. Þetta var okkar helsta fæða
yfir hörðustu vetrarmánuðina en við seld-
um síðan eitthvað af skinninu til að kaupa
helstu nauðsynjar.“
Erlendur Hólm er fæddur á
Akranesi 8. júlí 1961. Foreldrar
hans eru þau Guðrún Gísladótt-
ir sjúkraliði og Gylfi Axelsson sjómaður en
hann er látinn. Stjúpfaðir Erlends er Ólafur
Ólafsson gröfumaður. Erlendur á þrjú hálf-
systkini, þau Þórð Grétar fæddan 1969, Ólaf
Valberg fæddan 1977 og Mörtu Gíslrúnu
fædda 1979.
Sambýliskona Erlends er Ragnheiður
Ásta Rúnarsdóttir leikskólastarfsmaður,
börn þeirra eru þau Gylfi Hólm fæddur 2002
og Tanja Ýr fædd 2006. Frá fyrra sambandi á
Erlendur dótturina Ástríði Rán
fædda 1992 og hún á soninn
Arngrím Hólm Arngrímsson.
Keypti fimm tonna trillu
„Ég byrjaði sjómennsku
mína níu ára gamall en þá fór
ég á grásleppu og skak með
Alla Gísla móðurbróður mínum
sem er frá Patreksfirði. Við Alli
fiskuðum vel og þarna byrjaði
ég að vinna mér inn pening.
Ég stundaði sjóinn öll sumur
með Alla til fjórtán ára aldurs
en þá sótti ég um á togaranum
Guðmundi í Tungu frá Patró og
fór með honum tólf túra.
Þegar ég var fimmtán ára fór
ég á mína fyrstu vertíð á dag-
róðrarbátinn Örvar. Við vorum
á balalínu og um borð voru sex
kátir karlar og þarna byrjaði
sjómennskan fyrir alvöru“ segir
Eddi og brosir. „Árið 1977 keypti
ég fimm tonna trillu með Gísla
frænda mínum og hélt áfram á grásleppu-
veiðunum þrjú sumur.“
Svaf í blautum fötum
„Ég réð mig á línu og netabátinn Garðar
BA 64 sem háseti haustið 1978. Þessi bátur
var smíðaður árið 1912 og var ekki mjög
glæsilegur. Káetugólfið var yfirleitt gutl-
andi í sjó sem náði upp á miðja ökla. Til að
komast í koju þurfti ég að troða mér í lítið
gat og þar var maður sæmilega skorðaður.
Við þurftum iðulega að sofa í blautum og
illa lyktandi fötum og það var ekki notaleg
tilfinning,“ segir Eddi og grettir sig í framan
við tilhugsunina.
Skrikaði fótur á bryggjunni
„Ég var á bátunum Maríu Júlíu BA og
Þrym BA 7 til skiptis og bjó í verbúð á Patr-
eksfirði. Það var oft ansi mikið fjör í ver-
búðinni, mikið drukkið og djammað fram á
nætur. Ég held ég gleymi seint þeirri stund
er ég gekk hálfryðgaður niður að bryggju
eftir eitt partýið, mér skrikaði fótur með
þeim afleiðingum að ég féll í
sjóinn og stórslasaðist á bak-
inu eftir að hafa runnið niður
bryggjustólpann sem var allur
þakinn af hrúðurköllum. Þetta
er blessunarlega í eina skiptið
sem ég hef lent í óhappi á sjó.“
Ég spyr hann í framhaldinu
hvort hann verði aldrei hrædd-
ur um líf sitt út á sjó? „Nei, ég
hef verið alveg laus við það og
reyni að hugsa sem minnst um
það.“
Á togara með ísmanninum
„Ég og Dúddi bróðir létum
smíða fyrir okkur 6 tonna bát
sem við gerðum út saman. Við
stunduðum grásleppuveiðar
og skak í átta sumur og það
var alveg hreint frábær tími.
Árið 1989 réði ég mig svo á frystitogarann
Arinbjörn RE, skipstjórinn þar var enginn
annar en Sigurður Pétursson, þekktur sem
ísmaðurinn mikli. Siggi P. er einn sá víga-
legasti sem ég hef hitt á ævinni.“
Eins og ein stór fjölskylda
„Á Tjaldinum frá Rifi stundaði ég sjó-
mennsku í átta ár en í dag starfa ég á
frystitogaranum Helgu Maríu AK 16. Skip-
stjórinn þar, Eiríkur Ragnarsson, er mikill
snillingur og ansi vel fiskinn. Helga María
er mjög gott skip með 27 manna áhöfn og
við erum úti 4-5 vikur í einu. Klefarnir sem
við höfum til afnota eru til fyrirmyndar í
alla staði. Unnið er á sex tíma vöktum allan
sólarhringinn. Strákarnir sem vinna með
mér um borð eru allt toppstrákar og ég lít á
þá sem bræður mína. Við erum í raun eins
og ein stór fjölskylda og þarna ríkir góður
andi.“
Gott að búa í Mosfellsbæ
„Að flytja í Mosfellsbæ árið 1990 er eitt
af því besta sem ég hef gert um ævina.
Hér er svo gott að búa og ala upp börn og
vera í návist við náttúruna. Þetta er ekkert
ósvipað og að búa úti á landi, ég kynntist
strax mörgu fólki sem eru mjög góðir vinir
mínir í dag.
Við fjölskyldan höfum gaman af því að
ferðast og reynum að komast erlendis ann-
að hvert ár en ferðumst innanlands þess á
milli því það er alveg hreint ómetanlegt að
þekkja landið sitt vel.”Fjölskyldan: Erlendur, Ragnheiður Ásta, Gylfi Hólm og Tanja Ýr.
MOSFELLINGURINN
Eftir Ruth Örnólfsdóttur
ruth@mosfellingur.is
12 Myndir: Ingólfur Arnarson og úr einkasafni
Sumarið 1966 brann bær-
inn okkar til kaldra kola og
það var talið kraftaverki líkast
að við komumst af þessa nótt.
Sjómennskan
Fullt nafn: Erlendur Hólm Gylfason.
Fjölskylduhagir: Þeir eru mjög góðir, bý
með konunni minni og tveimur börnum
okkar. Frá fyrra sambandi á ég átján
ára dóttur Ástríði og hún á lítinn dreng,
Arngrím Hólm.
Fallegasti staður í Mosfellsbæ? Það er
útsýnið frá Úlfarsfellinu.
Hver myndi leika þig í bíómynd? Bruce
Willis.
Áttu þér óuppfylltan draum? Já, og
alveg hreint helling af þeim.
Uppáhaldsveitingastaður? Áslákur var í
miklu uppáhaldi í gamla daga.
Hvað fer mest í taugarnar á þér? Reyni
að láta sem minnst fara í taugarnar á
mér, vil gera gott úr öllu.
Hvert er þitt helsta takmark í lífinu?
Halda áfram að vera ég sjálfur.
HIN HLIÐIN
Erlendur Hólm Gylfason sjómaður er hæstánægður með ævistarf sitt og segir það bæði litríkt og skemmtilegt
er mér í
blóð borin