Morgunblaðið - 26.10.2018, Blaðsíða 8

G
uðmunda er fædd og uppalin í Vest-
mannaeyjum. Hún er önnur í röðinni af
fimm systkinum.
„Ég var á tólfta ári er eldgosið í Eyj-
um hófst og flutti þá til Reykjavíkur og
nokkrum mánuðum síðar til Ísafjarðar en við fluttum
síðar á árinu aftur til Vestmannaeyja.
Snemma kom upp sundáhugi hjá mér. Á mínum
æskuárum voru ekki sundæfingar í boði en ég notaði
þó hvert tækifæri til að synda sjálf. Þetta var mitt
eina sport á yngri árum. Ég hef alla tíð verið orku-
mikil. Ég stundaði hlaup að einhverju leyti
eftir tvítugt en segja má að ég hafi
byrjað að hlaupa fyrir alvöru á fer-
tugsaldri.“
Hlaup veitir frelsi
Guðmunda útskýrir hlaup
þannig að þú getir stundað
þau alls staðar. „Þannig
færðu ákveðið frelsi og getur
nýtt þér það til yndisauka.
Sem dæmi þar sem ég starfa
sem flugreyja get ég skoðað
borgirnar sem við fljúgum til á
hlaupum.“
Hvað geturðu sagt mér um úti-
hlaup á veturna?
„Ég hleyp allan ársins hring og finnst
vetrarhlaupin ekki vera síðri en að hlaupa á
sumrin. Maður er svo ferskur í kuldanum, þegar hálk-
an er þá er ég á negldum hlaupaskóm. Í desember er
boðið upp á kirkjuhlaup og ég hef tekið þátt í kirkju-
hlaupi frá Kópavogskirkju og einnig frá Seltjarnar-
neskirkju.
Í þessu skemmtiskokki er hlaupið á milli kirkna og
endað í heitu kakói á upphafsstað hlaupsins.“
Stundar sjósund af kappi
Geturðu nefnt mér fleira sem þú gerir yfir veturinn
sem þú mælir með?
„Ég reyni að stunda þrektíma, þó mest á veturna
þegar ég kem því við hjá Þórhöllu í World Class á
Seltjarnarnesinu en hún er með frábærar styrktaræf-
ingar og skemmtilegan hóp kvenna. Sjósund stunda
ég af kappi og hef gert síðastliðin tíu ár, það geri ég
allan ársins hring. Mér finnst ég fá meira út úr því á
veturna þar sem kuldasjokkið er svo frábært, sér-
staklega í frostinu. Sjósund er allra meina bót og
mæli ég tvímælalaust með því fyrir flesta, það er gott
fyrir líkama og sál. Þú mætir stundum grár og gugg-
inn í víkina en kemur til baka á bleiku skýi. Fyrir
nokkrum árum tók ég þátt í árlegu sundi frá Skarfa-
kletti út í Viðey; fór fram og til baka. Það var frábær
upplifun þótt kalt væri.“
Tók hálfan Járnkarl
Hvað finnst þér áhugaverðast við veturinn?
„Í raun og veru er ég ekki mikil vetrarmanneskja,
ég skíða ekki en skautaði sem barn og hef skautað á
fullorðinsárum en hlaup og sjósund eru mitt sport á
veturna.
Best finnst mér að fara eldsnemma út á
morgnana að hlaupa, það er minn
tími.
Ég dembdi mér í þríþraut
fyrir tveimur árum og náði að
taka hálfan Járnkarl. Ég
stefni á að byrja aftur í þrí-
þraut í desember þegar ég
hef lokið maraþoni sem ég
er að æfa fyrir, en það er í
nóvember nk.“
Borðarðu öðruvísi fæði á
veturna?
„Fæðið er alltaf svipað hjá
mér en ég borða þó mun meira
af grænmeti og ávöxtum á sumrin.
Drekk aldrei gos og reyni að halda
sykri í skefjum upp á betri líðan, þó er
uppáhaldsvetrardrykkurinn minn heitt súkkulaði
með miklum rjóma og neita ég mér ekki um það.“
Góður hlýr fatnaður mikilvægur
Áttu þér staðalbúnað í klæðaburði á veturna?
„Já. Loðfóðruð UGG-leðurstígvél, sem margir
myndu fussa við í dag, „parajumpers“-úlpuna mína,
sem er eins og feldur, og ekki get ég verið án húfu og
vettlinga.“
Ferðu í frí á veturna?
„Ég hef ekki farið mikið í frí á veturna, fór þó í
fyrsta sinn til Tenerife síðstliðinn vetur og í fyrra fór
ég í þríþrautaræfingabúðir á Fuerte Ventura sem ég
stefni á að fara aftur í í vetur.
Ég á góða frænku í nágrenni New York sem ég
skýst mikið til í stuttar ferðir.“
Hvað er best að gera með fjölskyldunni á köldum
vetrarkvöldum?
„Í dag eru börnin mín uppkomin en hér áður fyrr
fannst mér notalegt að kúra í sófanum og horfa á
ævintýramyndir með þeim í sjónvarpinu, einnig spil-
uðum við oft og ég las mikið fyrir þau.“
Aldrei of seint að byrja
Guðmunda Magnúsdóttir er ein af þeim sem fara hlaupandi í
gegnum lífið. Hún er dugleg í sjósundi á veturna og finnst fátt betra
en að hlaupa um í þeim borgum sem hún heimsækir hverju sinni.
Elínrós Líndal | elinros@mbl.is
Guðmunda
Magnúsdóttir
er flugfreyja og
notar útihlaup
til að kynnast
þeim borgum
sem hún heim-
sækir.
Það eru fáir
jafn duglegir í
sjósundi og
Guðmunda á
veturna.
Það sést langar leiðir hvað Guð-
munda elskar að hlaupa. Hér er
hún í Vestmannaeyjum að hlaupa
með Yngva Þór Sigurjónssyni.
8 MORGUNBLAÐIÐ FÖSTUDAGUR 26. OKTÓBER 2018
i
20% af hreinsun á sófaáklæðum
og gluggatjöldum til 16. nóvember.
STOFNAÐ 1953
DIMMALIMM
Vönduð og góð
útivistarföt
á börnin frá lenne
Stærðir 0-16
Útigallar
Úlpur
Húfur
Snjóbuxur
Sokkaskór
Ullafóðraðar lúffur
DimmalimmReykjavik.is
Laugavegi 53 | Sími 552 3737 | Opið mán.-fös. 10-18, lau. 10-17
Galli kr. 17.79
5
Lambhúshetta
kr. 3.595
Ullarfóðraðar
lúffur
kr. 2.295