Morgunblaðið - 08.11.2018, Blaðsíða 10

10 MORGUNBLAÐIÐ FIMMTUDAGUR 8. NÓVEMBER 2018FRÉTTIR
©The Financial Times Limited 2014. Öll réttindi áskilin. Ekki til endurdreifingar, afritunar eða endurritunar með neinum hætti. Öll ábyrgð á þýðingum er Morgunblaðsins og mun Financial Times ekki gangast við ábyrgð á þeim.
Af síðum
Nefnd þýska ríkisins um stjórnar-
hætti fyrirtækja leggur til að ráðist
verði í víðtækar aðgerðir gegn
ógagnsæjum kaupaukasamningum
fyrir æðstu stjórnendur, með það
fyrir augum að binda enda á óhóflega
háar launagreiðslur.
Í drögum að nýjum reglum um
stjórnarhætti þýskra fyrirtækja er
kveðið á um heimild til að taka bón-
usa til baka, þar sem rekstrarráðum
væri leyft að „halda eftir eða endur-
heimta árangurstengdar auka-
greiðslur“ ef „sérstakt tilefni er til“.
Það er ekki síst útblásturshneyksli
Volkswagen sem hefur drifið áfram
umræðuna um bónusgreiðslur til
stjórnenda, en Martin Winterkorn,
fyrrverandi forstjóri bílaframleið-
andans, fékk bónusa upp á samtals
68 milljónir evra á fimm ára tímabili
áður en upp komst um málið.
Stjórnarháttanefndin leggur líka
til að hætt verði að nota svokallað
eigendaskiptaákvæði í samningum
sem heimila stjórnendum að láta af
störfum ef nýir eigendur taka við og
fá rausnarlegan starfslokapakka í
skilnaðargjöf.
Nýju reglurnar, sem ættu að vera
orðnar lagalega bindandi næsta
sumar, valda því að mörg fyrirtæki
munu þurfa að gera grundvallar-
breytingar á launasamningum sín-
um.
Milljónir á milljónir ofan
„Nýju reglurnar um kaup og kjör
stjórnenda eru veigamesta breyt-
ingin sem drögin fela í sér,“ sagði
Rolf Nonnenmacher, formaður
stjórnarháttanefndarinnar, í viðtali
við Financial Times.
Að jafnaði námu laun og aðrar
greiðslur til stjórnenda 30 stærstu
fyrirtækjanna á þýska hlutabréfa-
markaðinum um 7,4 milljónum evra
árið 2017. Mest fengu Bill McDer-
mott hjá SAP (21,2 milljónir), Jürg-
en Zetsche hjá Daimler (13 milljónir)
og Kurt Bock hjá BASF (11 millj-
ónir), að því er fram kemur í gögnum
ráðgjafarstofunnar hkp/// group.
Þó svo að meðaltalið sé langt undir
þeim 15,6 milljónum dala sem æðstu
stjórnendur bandarískra stórfyrir-
tækja fá að jafnaði í laun hafa starfs-
kjör forstjóra verið mjög á milli
tannanna á Þjóðverjum, m.a. vegna
þess að greiðslur til þeirra hækkuðu
um 38% á tímabilinu frá 2013 til
2017.
Angela Merkel Þýskalandskansl-
ari gagnrýndi „óhóf“ stjórnenda
opinberlega árið 2017 og sagði kjör
þeirra ekki falla að „frjálsu og siðuðu
samfélagi“.
Fyrirtækjum sem skráð eru á
hlutabréfamarkað í Þýskalandi ber
ekki skylda til að hlýða hverju ein-
asta atriði í stjórnarháttareglunum.
En lögin skylda þau félög sem hunsa
tiltekin ákvæði reglnanna að útskýra
ástæðuna fyrir því með opinberum
hætti.
Samkvæmt rannsókn sem gerð
var á vegum Leipzig Graduate
School of Management og birt var í
apríl hafa 80 stærstu kauphallarfélög
Þýskalands fullnægt 96,6% af til-
mælum laganna.
Ákveða fyrst heildarupphæð
Breytingin á stjórnarháttunar-
reglunum er sú víðtækasta síðan
reglurnar voru fyrst kynntar til sög-
unnar árið 2002 og veldur því að gera
þarf grundvallarbreytingar á launa-
pökkum stjórnenda.
Myndu breytingarnar fela í sér að
rekstrarráð byrjar á að ákveða
heildargreiðslur til stjórnanda óháð
því hve hár hluti verður í formi mán-
aðarlauna, bónusa og lífeyris-
greiðslna.
Þegar heildarupphæðin liggur fyr-
ir má rekstrarráðið ákveða hvernig
greiðslurnar skiptast í ólíka þætti.
Þetta kann að hljóma eins og
tæknileg breyting en hefur róttækar
afleiðingar í för með sér því tekið er
fyrir að ákveða laun í áföngum, hér
og þar, líkt og er algengt í flestum
fyrirtækjum í dag.
„Eins og stendur ákveða stjórnir
föst laun, árangurstengdar lang-
tímagreiðslur og lífeyrisgreiðslur
hverjar í sínu lagi,“ segir Wulf von
Shimmelmann, einn af meðlimum
stjórnarháttanefndarinnar. Hann
bendir á að oft verði útkoman launa-
samningar sem eru bæði óljósir og
ruglingslegir.
Þá er yfirleitt erfitt að bera saman
kjör stjórnenda á milli fyrirtækja.
Eru flókin lífeyrisgreiðslukerfi iðu-
lega notuð til að fela rausnarlegar
launahækkanir.
Í Þýskalandi myndaði lífeyrishlut-
inn að jafnaði 10% af launagreiðslum
árið 2014, en hlutfallið var komið
upp í 14% árið 2017 samkvæmt töl-
um PwC. Í dag er lífeyrispakki
Zetsche, eins og hann var árið 2017,
metinn á 42,7 milljónir evra sam-
kvæmt ársreikningi Daimler.
Allt í einum pakka
Tillögur stjórnarháttanefndar-
innar myndu valda því að væri ekki
lengur sérstaklega fýsilegt að gera
mjög rausnarlega lífeyrissamninga
því kveðið er á um að lífeyris-
greiðslur verði hluti af fyrirfram-
ákveðnum launapakka.
„Það ríkir almenn sátt um það í
nefndinni að stjórnendur ættu ekki
að fá óhóflega rausnarleg lífeyris-
fríðindi frá fyrirtækjum,“ segir von
Schimmelmann.
Hvað breytilega kaupauka snertir
er lagt til í nýju reglunum að ár-
angurstengdar greiðslur ráðist af
stefnutengdum markmiðum til með-
allangs tíma frekar en fjárhags-
legum skammtímamarkmiðum, svo
að draga megi úr skammtímahugsun
í ákvörðunum stjórnenda.
Í drögunum er líka lagt til að
árangursgreiðslur tengdar lang-
tímamarkmiðum verði alfarið
greiddar með hlutabréfum, og að
stjórnendur geti ekki selt þau fyrr
en fjórum árum eftir afhend-
ingu.
Þjóðverjar stemma stigu við ofurlaunum
Eftir Olaf Storbeck í Frankfurt
Þýsk stjórnvöld gera það
sem í þeirra valdi stendur
til að stemma stigu við
íturvöxnum launapökkum
æðstu stjórnenda fyrir-
tækja í landinu. Hefur
Angela Merkel m.a. haft
uppi stór orð um „græðgi“
þeirra sem stýra stærstu
fyrirtækjum landsins.
Hasso Plattner, stjórnarformaður upplýsingatæknirisans SAP, og Bill McDermott, forstjóri þess. Sá síðarnefndi var hæstlaunaði forstjórinn í fyrra
í hópi þeirra sem stýra 30 stærstu fyrirtækjum Þýskalands. Laun hans námu 21,2 milljónum evra í árslaun en það jafngildir 2,9 milljörðum króna.
AFP
HAGI ehf Stórhöfða 37 • 110 Reykjavík • S. 414-3700 • hagi@hagi.is • Hagi ehf HILTI
Hágæða
vinnuföt
í miklu úrvali
Sérmerkjum fyrir fyrirtæki
Verkfæri og festingar
Mikið úrval af öryggisvörum
Nú fástS s vinnuföt í