Morgunblaðið - 23.03.2019, Síða 12

12 DAGLEGT LÍF
MORGUNBLAÐIÐ LAUGARDAGUR 23. MARS 2019
Kristín Heiða Kristinsdóttir
khk@mbl.is
Þegar ég flutti hingað heim áHvammstanga árið 2014fékk ég þá hugmynd aðsetja upp söngleikinn Jes-
us Christ Superstar. Ég vissi reynd-
ar ekkert út í hvað ég væri að fara,
en ég vissi að hér byggi fullt af fólk
sem hefði hæfileika í þetta. Það var
þó nokkuð átak að fá fólk til að vera
með, auk þess sem maður heyrði um
einhverja svartsýni utan frá. En
þetta tókst rosalega vel og við feng-
um 900 manns hingað á sýninguna,
sem eru nánast allir íbúar Húna-
þings vestra. Þetta var gríðarlega
mikil vinna svo ég óð ekki strax út í
aðra uppsetningu, en nú eru allir aft-
ur tilbúnir í slaginn og allt komið á
fullt við að setja upp söngleikinn
Hárið sem við frumsýnum í apríl,“
segir Ingibjörg Jónsdóttir sem held-
ur utan um framkvæmd verkefnisins
hjá Leikflokki Húnaþings vestra.
„Þetta er að stórum hluta sama
fólkið og var með okkur í Superstar,
en þó hafa einhverjir flutt í burtu og
aðrir nýir komið í staðinn. Þetta er
fólk á öllum aldri, sá yngsti í hópnum
er 15 ára og sá elsti 67 ára. Par frá
Brasilíu, Luis og Jessica, er meðal
leikenda en þau hafa búið á
Hvammstanga í þrjú ár. Luis leikur
Hud í Hárinu, en leikstjórinn lagaði
hlutverkið hans að þeirri staðreynd
að hann talar ekki enn mikla ís-
lensku. Hann tekur lagið og er búinn
að æfa íslenska söngtexta vel.“
Ingibjörg segir gaman að halda
utan um uppsetninguna og þegar eru
komnar margar pantanir á sýning-
una, líka frá fólki utan sveitar, m.a. í
Reykjavík og Vestmannaeyjum.
„Okkur finnst frábært að fólk sé
tilbúið til að leggja á sig langt ferða-
lag til að sjá áhugamannasýningu
hér á Hvammstanga, enda spurðist
Superstar-sýningin okkar vel út,
þjóðleikhússtjóri sagði hana hafa
verið mjög flotta sýningu. Að heyra
það frá honum efldi drifkraftinn.“
Ég er gömul sál
Ingibjörg segir hinn góða gang í
leiklistarlífinu ekki síst vera því að
þakka að heimamaðurinn Sigurður
Líndal Þórisson flutti nýlega aftur í
héraðið. „Hann er fæddur og uppal-
inn hér í Víðidal en fór tvítugur til
London að læra leiklist og leikstjórn.
Hann bjó þar í tuttugu ár og kynnt-
ist þar konu sinni Grétu, en svo
fluttu þau hjón aftur til Íslands og
Sigurður starfar nú sem fram-
kvæmdastjóri Selasetursins, en leik-
stýrir meðfram því. Hann leikstýrði
Súperstar fyrir þremur árum og var
þá að leikstýra söngleik í fyrsta sinn,
svo hann er kominn með reynslu nú
þegar hann leikstýrir Hárinu.“
Gréta rekur Handbendi brúðuleik-
hús en hún leikstýrði barnasýning-
unni Snædrottningin sem leikfélagið
setti upp sl. jól.
Ingibjörg segir að leiklistarlífið
í sveitinni hafi líka eflst heilmikið við
það að leikdeild Ungmennafélagsins
Grettis á Laugarbakka og Leik-
flokkurinn á Hvammstanga samein-
uðust í eitt stórt leikfélag.
„Það er gaman að hugsa til þess
hversu miklu er hægt að breyta, því
þegar ég endurvakti leikfélagið
Gretti á Laugabakka árið 2004 og
við settum upp farsa á tveggja ára
fresti með örfáum leikurum, þá var
alltaf ströggl að finna einhverja í
hlutverkin. Ég þurfti að hringja í þá
stráka og stelpur sem ég þekkti og
vissi að væru alveg til, en þurfti að
hvetja duglega. Núna erum við búin
að fylla auðveldlega upp í 39 manna
leikarahóp í Hárinu. Það er af sem
áður var, sem betur fer.“
Ingibjörg segir ekki hafa verið
erfitt að finna tónlistarfólk í sveit-
inni til að sinna söng og hljóðfæra-
leik í söngleiknum. „Hér býr ótrú-
lega margt hæfileikaríkt tónlistar-
fólk. Mér finnst áríðandi að fá alla
tiltæka til liðs við okkur, ekki láta
einhverja fáa sjá um allt, heldur
reyna að leyfa öllum sem geta og
hafa áhuga á að vera með og koma
fram. Kórinn tekur líka að sér mikla
vinnu, en bæði í þessu verkefni og
Súperstar þarf kórinn að læra lag-
línur, texta og dansspor,“ segir Ingi-
björg og bætir við að mæðgurnar
Kristín Guðmundsdóttir og Sunneva
Þorvaldsdóttir taki þátt í sýning-
unni, en þær eru báðar í kór og
danshóp.
Ingibjörg segir að leiklistar-
áhugi hennar gangi fyrst og fremst
út á ástríðuna fyrir því að halda uppi
menningarstarfi innansveitar. „Ég
er gömul sál, og þegar ég var að
skoða gamlar myndir frá leikritum
ungmennafélagsins þá kveikti það í
mér að drífa eitthvert leikrit af stað.
Fyrst þetta var hægt hér áður fyrr,
þá hlýtur það að vera hægt núna.“
Óttalegur heimalningur
Ingibjörg er fædd og uppalin á
bænum Syðsta-Ósi í Húnaþingi
vestra en hún flutti 16 ára að heiman
eins og algengt er með krakka sem
þurfa að sækja framhaldsskóla út
fyrir heimahagana. „Ég var alltaf
með annan fótinn í sveitinni, kom
hingað helst um allar helgar og var
líka mikið á sumrin. Ég er óttalegur
heimalningur,“ segir hún og hlær.
Núverandi eiginmaður hennar,
Guðjón Loftsson, er einnig úr Húna-
þingi og var búsettur þar þegar þau
fóru að draga sig saman, svo hún
ákvað að flytja aftur í sína heima-
sveit. „Ég var svo heppin að það
losnaði starf sviðsstjóra fjármála- og
stjórnsýslusviðs hjá Húnaþingi
vestra, sem hentaði minni mentun,
en ég er með meistarapróf í reikn-
ingsskilum og endurskoðun, svo ég
stökk á það,“ segir Ingibjörg og
bætir við að eiginmaðurinn sé í einu
af aðalhlutverkunum í Hárinu og
sjái auk þess um sviðsmyndina.
Ingibjörg og Guðjón voru kær-
ustupar þegar þau voru 14 ára, og
hann var heimagangur á æskuheim-
ili hennar, því hann var vinur bróður
hennar. „Okkar leiðir skildi í 19 ár
en svo náðum við saman aftur og við
giftum okkur síðasta sumar.“ Það
vantar greinilega ekkert upp á róm-
antíkina í sveitinni, sem hljómar
ágætlega við lofsönginn til ástar-
innar í Hárinu.
Malasía Ástin tók sig upp að nýju eftir 19 ár hjá Ingibjörgu og Guðjóni.
Ljósmynd/Huld Signý Jóhannesdóttir
Vinátta Unga fólkið í söngleiknum er náið og berst saman fyrir bættum heimi á stríðstímum.
Fagna lífinu, frelsi og jafnrétti
Ástin dró Ingibjörgu Jónsdóttur aftur heim í hérað.
Þar heldur hún utan um uppsetningu á verki um ást
og frið. Söngleikurinn Hárið fer á svið í apríl.
Ljósmynd/Huld Signý Jóhannesdóttir
Blómabörn Síðhærðir hippar í Hárinu klæðast útvíðum buxum og stunda frjálsar ástir.
Hárið: Árið er 1967 og hipparnir
í New York ætla sér að breyta
heiminum. Þau eru villt, frjáls og
sameinuð í mótmælum og söng, í
skugga Víetnamstríðsins. Sýnt í
Félagsheimilinu Hvammstanga 17.,
18., 19., 20. og 22. apríl, kl. 21.
Forsala á www.leikflokkurinn.is
og í síma 655-9052 og 771-4955.
Minningarsjóður um Jean-Pierre Jacquillat, fyrrum
aðalstjórnanda Sinfóníuhljómsveitar Íslands, mun
á þessu ári veita efnilegum tónlistarmanni styrk til
framhaldsnáms erlendis á skólaárinu 2019-2020.
Veittur er einn styrkur að upphæð 1.500.000 kr.
Umsóknir, með upplýsingum um námsferil
og framtíðaráform, sendist fyrir 1. maí nk.
til formanns sjóðsins:
Minningarsjóður um Jean-Pierre Jacquillat
Pósthólf 35, 121 Reykjavík
Umsóknum fylgi hljóðritanir, raddskrár frumsaminna
verka eða önnur gögn sem sýna hæfni umsækjenda.
2017 Sölvi Kolbeinsson -saxófón
2016BaldvinOddson-trompet
2015RannveigMarta Sarc-fiðla
2014Sólveig Thoroddsen-harpa
2013Hulda Jónsdóttir-fiðla
2012BenediktKristjánsson-söngur
2011Matthías I. Sigurðsson-klarinett
2010GunnhildurDaðadóttir-fiðla
2009Helga ÞóraBjörgvinsdóttir-fiðla
2008 JóhannNardeau-trompet
2007MelkorkaÓlafsdóttir-flauta
2006ElfaRúnKristinsdóttir-fiðla
2005ÖgmundurÞór Jóhannesson-gítar
2004VíkingurHeiðarÓlafsson-píanó
2003BirnaHelgadóttir-píanó
2002LáraBryndís Eggertsdóttir-orgel
2001PálínaÁrnadóttir-fiðla
2000HrafnkellOrri Egilsson-selló
1999UnaSveinbjarnardóttir-fiðla
1998ÁrniHeimir Ingólfsson-píanó/tónv.
1997ÞórðurMagnússon-tónsmíðar
1996 IngibjörgGuðjónsdóttir-söngur
1995SigurbjörnBernharðsson-fiðla
1994GuðniA. Emilsson-hljómsveitarstj.
1993TómasTómasson-söngur
1992ÞóraEinarsdóttir-söng
Styrkur til
tónlistarnáms
MINNINGAR
SJÓÐUR
JPJ
Ím
y
n
d
u
n
a
ra
fl
/
M
-J
P
J
f y r r u m s t y r k þ e g a r
Skrifstofan er 10 fm í fallegu rými með sameigin-
legri kaffiaðstöðu, ljósritun og fundarherbergi.
Mötuneyti á staðnum.
Næg bílastæði. Mánaðarleiga 50.000 auk vsk.
Upplýsingar: Guðni í síma 414 1200 eða
gudni@kontakt.is
SKRIFSTOFA TIL LEIGU
miðsvæðis í borginni