Morgunblaðið - 23.03.2019, Blaðsíða 49

MENNING 49
MORGUNBLAÐIÐ LAUGARDAGUR 23. MARS 2019
SCREEN- OG RÚLLUGARDÍNUR
Henta vel þar sem sól er mikil en þú vilt geta séð út
Láttu sólina ekki trufla þig
Álnabær
Allt fyrir gluggann… úrval, gæði og þjónusta.
Síðumúla 32, Reykjavík. S. 588 5900 n Tjarnargötu 17, Keflavík. S. 421 2061 n Glerárgötu 32, Akureyri. S. 462 5900 n alnabaer.is
Sendum frítt hvert á land sem er gegn staðgreiðslu
Íslensk framleiðsla eftir máli
Hringdu núna og bókaðu tíma í máltöku
OPIÐ: VIRKA DAGA FRÁ 10-18
alnabaer.is
TÓNLIST
Arnar Eggert Thoroddsen
arnareggert@arnareggert.is
Það er meira en að segja þaðað ætla að henda reiður áöllu því sem út kemur á sviði
tónlistar hérlendis. Útgáfa hér er,
nú sem ætíð, með mesta móti, og er
það fagnaðarefni. Samt hugsar
maður alltaf, „rækallinn!“, þegar
gripir sleppa óséðir frá manni.
Enclose, plata
Sunnu Friðjóns,
kom út í janúar á
síðasta ári, en þá
hafnaði hún að
minnsta kosti á
Bandcamp-setri
hennar (einnig má
nálgast verkið á Youtube og Spot-
ify). Það var ekki fyrr en ég settist
við dómnefndarstörf fyrir Íslensku
tónlistarverðlaunin nú í ár að ég
kynntist plötunni og rak mig óðar í
rogastans. Hér var komin næm og
natin nútímatónlist, dansandi á
mörkum kammerlistar og dægur-
tónlistar. Meistari Julia Holter kom
t.a.m. upp í hugann, sem hefur
hvað lengst náð í samslætti til-
raunakenndrar nútímatónlistar og
því sem kalla mætti neðanjarðar-
rokk eða -popp (og Sunna er og að
spila inn í heim Ólafs Arnalds,
Jóhanns Jóhannssonar og Max
Richter, hinnar svokölluðu síð-
klassíkur (post-classical)).
Það er ákveðið andrúm á En-
close sem grípur mann. Fyrsta lag-
Milli svefns og vöku
Ljósmynd/Berglind Lilja Þórarinsdóttir
ið, „Intro / Night Time / Curiosity“
er borið uppi af píanóslögum,
strengjum, blásturshljóðfærum og
viðkvæmnislegri en um leið áhrifa-
ríkri röddu Sunnu. Lagið fær að
anda, það er mikilúðleg þögn á
milli nótna, og í því er knýjandi
melankólía sem snertir mann.
Ástríða. Og platan er rétt að byrja!
Það er rafmagn hérna. Stilla, en
samt ekki. Lögin leita á þig, það er
ómöguleg að hafa þetta í bak-
grunni (og erfitt að skrifa þennan
pistil, af því að ég er alltaf að
stoppa og hlusta). Annað er eftir
þessu, og klárt að hér er mikið efni
á ferðinni. Ég meina, lesið það sem
ég var að skrifa og hlustið svo!
Fleiri voru á sama máli í dóm-
nefndinni minni og ég fór svo að
platan var tilnefnd til verðlauna
sem besta platan í Opnum flokki.
En hver er Sunna? Eiginlegt
æviágrip er stuttaralegt, ég komst
að því að heimahagarnir eru Akur-
eyri og Hafnarfjörður og hún lærði
m.a. við Tónlistarskólann á Akur-
eyri. Í dag starfar hún við tónlist-
arkennslu í Vogaskóla. En sumsé,
eftir klassískt tónlistaruppeldi og
nám í þverflautuleik beindi Sunna
nýlega fókusnum að lagasmíðum
og tónsmíðum og því að stíga fram
sem söngkona eigin hljómsveitar.
Pistilritari ákvað að fara á stúfana,
hafði samband við tónlistarkonuna
og lagði fyrir hana nokkrar spurn-
ingar. Hún sagði mér m.a. að það
hefði alltaf verið í DNA-inu hennar
að koma fram, og gerast sólólista-
maður. „Þegar ég steig þessi skref
og lagði flautuna aðeins til hliðar
þá var það bara rétt, ég gat loksins
,,slakað á og slakað inn í þá breyt-
ingu,“ segir hún og lýsir ferlinu
sem snúnu, eðlilega. „Já, sú breyt-
ing og ákvörðun var að sjálfsögðu
erfið. Að byrja að elta draum sem
maður hefur alltaf verið hræddur
við – semsagt hræddur við að mis-
takast eða vera ekki nóg – var
mjög ógnvekjandi en svo spennandi
á sama tíma. Allar dómhörkuradd-
irnar tóku að blómstra í fyrstu,
sem er mjög eðlilegt við þær að-
stæður, en í dag tek ég mun sjaldn-
ar mark á þeim þegar þær láta í
sér heyra.“
Sunna lauk nýlega námi við
LHÍ, í skapandi tónlistarmiðlun, og
lýsir því sem einkar hagnýtu.
„Lagasmíðarnar sem ég lærði
fleygðu mér mörg skref áfram þar
sem mér mistókst mikið á stuttum
tíma! Og í námi þar sem maður
neyðist til að vera berskjaldaður
lærir maður mest, þó að það sé
ekki auðvelt að horfast í augu við
allt. Ég hef náttúrlega verið í
tónlistarnámi frá því ég var 7 ára,
og tónlistin er eins og annað
móðurmál hjá mér. Nám í tónlist er
algjörlega ómetanlegt en það þýðir
ekki að það sé nauðsynlegt til að
vera framúrskarandi tónlistar-
maður í eigin hljóðheimi.“
Sunna vinnur nú að annarri
plötu sinni.
» Lagið fær að anda,það er mikilúðleg
þögn á milli nótna, og í
því er knýjandi melan-
kólía sem snertir mann.
Plata Sunnu Friðjóns,
Enclose, fór meira og
minna undir radarinn á
síðasta ári. Það er von-
andi að sem flestir ljái
henni eyru þar sem
verkið – sem er frum-
burður listamannsins –
er ógnarsterkt.
Hugrekki Sunna Friðjóns er ný-
stigin fram fyrir tónlistarskjöldu.
Vetrarsól er yfirskrift tónleika í
Seltjarnarneskirkju í dag kl. 16.
Þar koma fram Hólmfríður
Jóhannesdóttir söngkona, Julian
Hewlett píanóleikari og Sveinn
Hauksson gítarleikari. Á efnis-
skránni eru þekkt íslensk dægurlög
um ástina.
Vetrarsól í Sel-
tjarnarneskirkju
Hólmfríður
Jóhannesdóttir
Aðalfundur Grikklandsvinafélags-
ins Hellas verður haldinn í Hann-
esarholti, Grundarstíg 10, Reykja-
vík, í dag kl. 14. Á dagskrá eru
hefðbundin aðalfundarstörf.
Að fundi loknum mun fjölmiðla-
maðurinn Egill Helgason fjalla „um
kynni sín af Grikklandi og grískri
menningu, en hann dvelur ásamt
fjölskyldu sinni, á hverju sumri á
eynni Folegandros. Kári, sonur
Egils, leikur af fingrum fram á
flygilinn grísk lög,“ segir í tilkynn-
ingu frá stjórn félagsins.
Fundurinn er öllum opinn.
Spuni Kári Egilsson við flygilinn.
Fundur, tal og tón-
ar hjá Hellas í dag
Hátíðartónleikar verða í menningar-
húsinu Hofi á Akureyri á sunnudag
kl. 16 í tilefni 25 ára afmælis Sinfón-
íuhljómsveitar Norðurlands og
formlegrar opnunar hins umfangs-
mikla kvikmyndatónlistarverkefnis
SinfoniaNord. Sérstakur gestur á
tónleikunum er Lilja Alfreðsdóttir,
mennta- og menningarmálaráð-
herra.
Á tónleikunum verður frumflutt
nýtt verk eftir Akureyrartónskáldið
Atla Örvarsson. Verkið er sérstak-
lega samið vegna þessara tímamóta.
Þá verður flutt af stórri hátíðar-
hljómsveit SN hið dulúðlega stór-
virki Scheherazade eftir Rimsky-
Korsakov en í því er vísað til sagn-
anna í Þúsund og einni nótt. Loks
leikur sellóleikarinn Hrafnhildur
Marta Guðmundsdóttir hinn rómaða
sellókonsert nr. 2 eftir Dvorák.
Faðir Hrafnhildar, Guðmundur Óli
Gunnarsson, er stjórnandi á tónleik-
unum. Í tilkynningu segir að Guð-
mundur Óli hafi unnið mikilvægt
starf sem aðalhljómsveitarstjóri SN
í ein 23 ár og hafi dóttir hans stigið
sín fyrstu skref í Tónlistarskólanum
á Akureyri og leikið með SN og föð-
ur sínum á fjölmörgum tónleikum.
Nú leggi þau „sitt af mörkum til að
gera þessa hátíðlegu stund eftir-
minnilega í huga áheyrenda.“
Morgunblaðið/Skapti Hallgrímsson
Tónskáldið Atli Örvarsson hefur samið nýtt tónverk er verður frumflutt af
Sinfóníuhljómsveit Norðurlands á hátíðartónleikunum í Hofi á sunnudag.
Hátíðartónleikar í Hofi
og SinfoniuNord fagnað