Skagablaðið - 11.09.1985, Blaðsíða 2
Guðjón
bætir
leikja-
metio
Guðjón Þórðarson, hinn eit-
ilharði bakvörður Skaga-
manna, stendur í stórræðum
þessa dagana. Guðjón verður
þrítugur á laugardaginn, sama
dag og Skagamenn leika sinn
síðasta leik í 1. deild á þessu ári
gegn Fram á Laugardalsvellin-
um. Guðjón hefur átt jafna og
góða leiki á þessu keppnistíma-
bili og verið einn traustasti
maður liðsins.
I Evrópuleiknum gegn
Aberdeen á miðvikudaginn Sigurður Halldórsson, skorar gegn Aberdeen í leiknum 1983.
mun hann svo jafna leikjamet
Jóns Alfreðssonar í leikjum
með Akranesi, en Jón lék á
árunum 1966 til 1982 alls 365
Ieiki. Guðjón mun því að öllu
forfallalausu setja nýtt leikja-
met í seinni leiknum í Aber-
deen 2. október n.k. eða 366
leiki.
Guðjón hóf að leika með liði
IA 1972 og hefur verið fasta-
maður í liðinu síðan 1975 og
hefur varla misst úr leiki á
þessu tímabili.
Nokkrir leikhæstu menn í A:
Jón Alfreðsson
Guðjón Þórðarson
Jón Gunnlaugsson
Árni Sveinsson
Björn Lárusson
Matth. Hallgr.son
365 leikir
363 leikir
343 leikir
340 leikir
309 leikir
305 leikir
Endurtaka Skagamenn
ævintýHd frá 1983?
- Frammistaða Skagamanna í Evrópukeppninni yfirleitt góð til þessa
Frammistaða Akurnesinga hefur yfirleitt verið góð í Evrópu-
keppninni en aldrei eins góð og einmitt gegn Aberdeen í Evrópu-
keppni bikarmeistara haustið 1983. Tæplega 6 þúsund manns komu
á Laugardalsvöllinn til að sjá viðureign félaganna og þeir urðu
sannarlega ekki fyrir vonbrigðum. Skagamenn sýndu stórleik og
voru mjög óheppnir að tapa 1:2.
Flesta Evrópuleiki ÍA hafa
þessir leikið:
Árni Sveinsson 18 leikir
Guðjón Þórðarson 17 leikir
Jón Gunnlaugsson 17 leikir
Jón Alfreðsson 16 leikir
Jóh. Guðjónsson 14 leikir
Karl Þórðarson 12 leikir
AframJA!
Skagamenn,
fjölmennið
á völlinn á
miðvikudag!
Akranes skoraði fyrsta mark
leiksins í fyrri hálfleik og var
Sigurður Halldórsson þar að
verki með glæsilegum skalla eftir
hornspyrnu. Aðeins mínútu síð-
ar tókst miðherjanum Mark
McGhee að jafna metin eftir
mistök í vörn Skagamanna. I
seinni hálfleik fengu Skagamenn
tækifæri til að ná forystunni í
leiknum þegar Guðbjörn
Tryggvason fiskaði vítaspyrnu
en Jim Leighton, skoski lands-
liðsmarkvörðurinn, varði vítið frá
Árna Sveinssyni. McGhee, sem
nú leikur með Hamburger S.V.
í Þýskalandi, skoraði sigurmark
Aberdeen skömmu fyrir leiks-
lok.
Jafntefli í Aberdeen
í seinni leiknum í Aberdeen
tókst Skagamönnum að bæta um
betur, því þeim tókst að ná
jafntefli gegn sjálfum Evrópu-
meisturunum á heimavelli þeirra
1:1.
Leikmenn Aberdeen reyndu
allt hvað af tók að vinna stórt í
þessum leik en höfðu ekki erindi
sem erfiði, því Skagamenn vörð-
ust fimlega og áttu inn á milli
hættulegar sóknarlotur. Á 59.
mínútu fékk Aberdeen svo víti
að gjöf frá slökum norskum
dómara og hinn frægi Gordon
Strachan skoraði af öryggi úr
vítinu.
Skömmu fyrir leikslok jafnaði
Árni Sveinsson metin en markið
var dæmt af á hæpnum forsend-
um, rangstaða dæmd á Sigþór
Ómarsson, sem engin áhrif hafði
á leikinn þar sem hann var
staðsettur. Það var svo á loka-
mínútunni að Sveinbjörn Há-
konarson átti snilldarsendingu
inn fyrir vörn Aberdeen, Guð-
björn Tryggvason komst inn að
markinu og var felldur af Cooper
bakverði og vítaspyrna dæmd.
Akraborg breytir ferðum sínum,
í tilefni af Evrópuleiknum á miðvikudaginn hefur verið ákveðið að Akraborg breyti ferðum sínum
til þess að auðvelda knattspyrnuunnendum á Akranesi að sjá leikinn gegn Aberdeen. Ferðin, sem
venjulega er héðan kl. 14.30, fellur niður en í staðinn verður farið héðan kl. 16 og svo heim aftur kl.
20.30 að leik loknum. Þetta ættu menn að nýta sér.
Úr spyrnunni skoraði Jón
Áskelsson jöfnunarmarkið
næsta örugglega.
Skosku blöðin hældu Skaga-
mönnum á hvert reipi eftir leik-
inn og m.a. sagði í grein í Daily
Record. „Það var sorglegt að
sjá landsliðsmennina Leighton,
Miller og McLeish í sífelldum
brösum með ákveðna og viljuga
áhugamenn frá Akranesi. Þetta
eru úrslit sem munu hljóma um
alla Evrópu.
Forsala að-
göngumiða
Skagamenn mæta skosku
meisturunum Aberdeen í Evr-
ópukeppni meistaraliða á Laug-
ardalsvellinum miðvikudaginn
18. september klukkan 18.
Dómari leiksins er norskur,
Thorbjörn Áss, og línuverðir
eru einnig norskir.
Þar sem búast má við mikilli
aðsókn hefur verið ákveðið að
hafa forsölu á miðum á Akranesi
frán.k. mánudegi, íVersluninni
Óðni og hjá Bókaverslun Andr-
ésar Níelssonar og á Laugardals-
velli frá hádegi daginn sem
leikurinn fer fram. Miðaverð er
400 krónur í stúku, 250 krónur í
stæði og 100 krónur fyrir börn.
Spuming
vikunnar
Er gaman að vera
komin(n) í skólann aftur?
Einar Pálsson: — Ekki beint.
Gaman að hitta bekkjarsystkinin
aftur.
Sigurður Jónsson: — Alveg
ágætt. Gaman að hitta krakkana
aftur.
Vilborg Viðarsdóttir: — Nei ekki
gaman. Leiðinlegt að þurfa að
fara að læra aftur.
Birna Steindórsdóttir: — Ekkert
til að hrópa húrra fyrir. Flest
fögin eru leiðinleg.
Skagablaðið
Ritstjóri og ábm.: Sigurður Sverrisson | Blaðamaður og Ijósmyndari: Árni S. Árnason ■
Auglýsingar: Steinunn Árnadóttir (heimasími 2955) ■ Umsjón með dreifingu, áskriftum og
innheimtu: Sigríður Árnadóttir ■ Setning, umbrot, filmuvinna og prentun: Borgarprent ■ Útlit:
Skagablaðið ■ Ritstjórnarskrifstofa er að Suðurgötu 16 og opin alla daga ■ Símar 2261 og 1397
■ Póstfang: Pósthólf 170, 300 Akranes.
2