Skagablaðið - 03.04.1995, Blaðsíða 2

2 3. apríl 1995
Viðhorf
Skagablaðið
Sannleikanum verður
hver sárreiðastur
cc
<
Q
LU
Skagablaðið sagði frá því á forsíðu síðast liðinn mánudag
að endurskoðendur hefðu haft sitthvað við það að at-
huga hvernig staðið var að fjármálum húsnæðisnefndar á
árunum 1988-1992. Óhætt er að segja að viðbrögð við
fréttinni hafi verið fári líkust og því er ástæða til að fara
nokkrum orðum um tildrög hennar og efni.
Frétt blaðsins var byggð á skýrslu endurskoðunarskrif-
stofu Jóns Þórs Hallssonar frá í janúar síðast liðnum.
Skýrslan barst blaðinu í hendur í óþökk þeirra sem hlut
eiga að máli. Kerfið leit á hana sem trúnaðarmál en
Skagablaðið er vitaskuld ekki á nokkurn hátt bundið
7 af slíku leynimakki. Skyldur blaðsins eru fyrst og
7 síðast vió lesendur. Kerfið lítur svo á að almenningi
komi ekki við þótt starfsmenn í hans þjónustu geri
sig bera að vinnubrögðum af því tagi sem lýst er í
skýrslunni. Það er innanhússmál og því eru upplýs-
ingar, sem geta komið starfsmönnum kerfisins illa,
stimplaðar sem trúnaðarmál.
Skagablaðið lítur hins vegar svo á að almenning-
ur eigi rétt á því að fá upplýsingar um störf kerfisins
““ og að því eigi aðeins í sérstökum undantekningartil-
vikum að vera heimilt að halda upplýsingum frá al-
menningi. Því er engin spurning um það í huga þeirra
sem standa að útgáfu Skagablaðsins að skýrsla endur-
skoðendanna átti fullt erindi við skattgreiðendur hér í
bænum.
Óhætt er að segja að skýrslan sé mikill áfellisdómur
yfir fjölmörgum aðilum í kerfinu, ekki síst æðstu embætt-
ismönnum bæjarins, bæjarstjóra og bæjarritara. Þeim
hefur verið um megn að standa eðlilega að fjárreiðum
þessa mikilvæga málaflokks. Það hlýtur að vekja spurn-
ingar um vinnubrögð á öðrum sviðum.
Það eru gömul sannindi og ný að sannleikanum verður
hver sárreiðastur. Þetta sannaðist rækilega í kjölfar frétt-
arinnar af fjárreiðum húsnæðisnefndar. Kerfið komst í
uppnám og bæjarfulltrúar töluðu víst um fátt annað þeg-
ar þeir komu saman síðast liðinn þriðjudag en hver hefði
drýgt þá höfuðsynd að koma upplýsingunum á framfæri.
Sú skoðun er jafnvel útbreidd hjá stjórnmálamönnum að
almenningur eigi enga heimtingu á að fá upplýsingar um
störf þeirra sem ráðnir eru eða kjörnir til þess að fara
með almannafé. Þeir vilja sinna störfum sínum í friði, vel
eða illa. Almenningur á ekki að vera með nefið niðri í því.
Fréttin síðast liðinn mánudag er ekki fyrsta dæmið um
að umfjöllun Skagablaðsins hafi hækkað blóðþrýstinginn
hjá þeim sem með valdið fara. Skemmst er að minnast
umfjöllunar blaðsins um stefnu Haraldar L. Haraldssonar
gegn bæjarstjóra og fleirum vegna gjaldþrots Þ&E. Þar
birti blaðið upplýsingar sem kerfið taldi ekki eiga erindi út
fyrir innsta hring. Það hentaði ekki tilteknum einstakling-
um. Umfjöllun blaðsins um málefni fyrrverandi íþrótta- og
æskulýðsfulltrúa síðast liðið haust vakti ekki sérstaka
hrifningu kerfisins. Fleiri dæmi mætti nefna.
Allt eru þetta dæmi um að þeir sem ráðnir eru eða
kjörnir til þess að fara með skattfé í umboði almennings
hafa misskilið hlutverk sitt. Það er misskilningur að störf
starfsmanna kerfisins til góðs eða ills séu þeirra einka-
mál. Þeir sem starfa í umboði almennings verða að sætta
sig við að fjallað sé um störf þeirra á opinberum vett-
vangi.
- Garðar Guðjónsson
• ••••••••••••
§
«0 1
J5I
43 i
0)1
JjÉl
Ritstjóri: Garðar Guðjónsson
Útgefandi og ábm.: Sigurður Sverrisson.
Prentun: Prentverk Akraness hf.
Dreifing: Karl Örn Karlsson, sími 12707.
Verð: Lausasala 220 kr., áskrift greidd með
greiðslukorti 170 kr., annars 200 kr.
Ritstjórn: Skólabraut 21, 2. hæð. Opin alla virka daga
kl. 10.00-17.00. Símar 14222 og 12261. Fax: 14122.
Póstfang: Pósthólf 170, 300 Akranes.
Kjósum Guðjón
Asameiginlegum framboðs-
fundi í félagsheimilinu
Lindartungu í Kolbeinsstaða-
hreppi mánudagskvöldið 27.
mars s.l. lýsti Akurnesingurinn
og frambjóðandi Framsóknar-
flokksins, Ingibjörg Pálmadótt-
ir, því yfir í lokaávarpi sínu “að
nú væri tækifæri til að fækka
Akurnesingum á þingi.” Þegar
frambjóðandinn treystir sér til
að gefa slíkar yfirlýsingar á
framboðsfundum, má ætla að
utan funda dragi hún ekki af
sér.
Það sem vekur mesta athygli
í þessu sambandi er að þessi
Akurnesingur, Ingibjörg
Pálmadóttir, notar þennan áróð-
ur í norðurhluta kjördæmisins
og væntanlega í samtölum sín-
um við kjósendur. Það er kald-
hæðnislegt að Akurnesingur
skuli nota slíkar yfirlýsingar
gegn öðrum Akurnesingi, því
það er augljóst mál að þessum
áróðri er sérstaklega beint gegn
Guðjóni Guðmundssyni, Akur-
nesingi, fimmta þingmanni
Vesturlands.
Skilaboð Ingibjargar Pálma-
dóttur til Akurnesinga eru skýr.
Hún telur hag okkar Akurnes-
inga best borgið ef styrkur
þeirra á Alþingi minnkar frá
því sem nú er og þess vegna
hvetur hún kjósendur til að
fella Guðjón Guðmundsson út
af þingi.
Akurnesingar ættu að svara
Benjamín Jósefsson
skrifar
þessum lævísa áróðri Ingibjarg-
ar með því að styðja Guðjón
Guðmundsson til áframhald-
andi þingsetu í kosningunum
laugardaginn 8. apríl n.k.
Benjamín er skrifstofumaður
Jóhann • okkar maður
að skiptir miklu máli hvaða
stjórnmálaflokk við kjós-
um þegar við göngum að kjör-
borðinu. En það skiptir líka
miklu máli hvaða einstaklingar
það eru sem við getum valið á
kjördag. Þar þarf að vera til
staðar þekking, reynsla og inn-
sýn í þau mál sem efst eru á
baugi, en þó ekki síður almenn-
ir mannkostir, svo sem réttsýni
og dugnaður.
Að öðrum frambjóðendum á
Vesturlandi ólöstuðum þykir
mér einn frambjóðandi sýnu
bestur að þeim mannkostum
sem að ofan greinir. Sá heitir
Jóhann Ársælsson. Hann gjör-
þekkir kjördæmið, einn þing-
manna Vesturlands um að geta
talið jafnt Akranes sem Snæ-
fellsnesið sem sínar heimaslóð-
ir. M.a. þess vegna hefur Jó-
hann getað sinnt málefnum
kjördæmisins af bæði þekkingu
og dugnaði þau undanfarin 4 ár
sem hann hefur setið á Alþingi.
Jóhann hefur vakið mikla og
verðskuldaða athygli fyrir mál-
flutning sinn varðandi sjávarút-
vegsmál og gagnrýni sína á nú-
verandi fyrirkomulag kvóta-
Ingunn Anna Jónasdóttir
skrifar
kerfísins. Þar nýtur hann stuðn-
ings langt inn í raðir allra
flokka og óháð því hvort menn
eru honum sammála í öllum
efnum er það almennt viður-
kennt að málflutningur hans
einkennist af þekkingu og
sanngirni.
Jóhann hefur mikla reynslu
og þekkingu á sviðum atvinnu-
lífs og málefna sveitarfélag-
anna. Hann rak eigin skipa-
smíðastöð um langt árabil og
var þannig m.a. í mjög náinni
snertingu við smábátaútgerð.
Hann sat í bæjarstjórn á Akra-
nesi í þrjú kjörtímabil og gjör-
þekkir þannig málefni sveitar-
félaganna. Afskipti hans af
kjara- og atvinnumálum á þeim
vettvangi eru þess virði að
þeim sé haldið á lofti.
Allt er þetta mikilvægt veg-
arnesti fyrir góðan þingmann.
Mér þykja þó ýmsir mannkostir
Jóhanns skipta enn meira máli.
Hann er afburða traustur maður
og grandvar, sem ekki lofar
meiru en hann telur sig geta
staðið við. Hann er þekktur af
mikilli réttsýni og sanngirni.
Og við sem höfum starfað með
honum vitum að hann setur sig
vel inn í málin og er fljótur að
átta sig á kjarna hvers máls.
Svona mann og marga slíka
vil ég gjaman sjá á Alþingi. Ég
hvet fólk til að greiða Jóhanni
atkvæði í komandi alþingis-
kosningum. Þeim mun betri
kosningu sem hann fær þeim
mun líklegri er hann til að geta
haft áhrif í mikilvægum mál-
um.
- Ingunn er kennari
og bœjarfulltrúi
Aðalfrétt á forsíðu Skagablaðsins föstudaginn
29. mars 1985 fjallaði um þann sögulega
áfanga að fjárhagsáætlun bæjarins hafði verið
samþykkt með níu samhljóða atkvæðum. Á for-
síðunni var einnig greint frá því að Skagablaðið
hefði orðið vitni að þeim einstæða atburði þegar
drengir „mokuðu“ sjóbirtingi upp úr Berja-
dalsánni. í fréttinni sagði meðal annars: „Þegar
Skagablaðið benti strákunum á að þeir væru að
taka forskot á sæluna, ekki mætti hefja veiðar á
sjóbirtingi fyrr en 1. apríl, urðu þeir skömmustu-
legir en héldu samt áfram að veiða. „Við vitum
það en það gerir ekkert til,“ sagði annar þeirra
„við erum svo litlir. Löggan tekur okkur aldrei".
Lengri frásögn af veiði drengjanna var svo að
finna inni í blaðinu.
Á baksíðu var því slegið upp hvort tekjur væru
lægri eða skattsvik almennari á Akranesi en ann-
ars staðar. Þar kom meðal annars fram að ísfirð-
ingar höfðu umtalsvert hærri tekjur þrátt fyrir að
íbúar væru þar mun færri en á Akranesi.
Kennaraverkfalli var nýlokið um þessar mund-
ir og á baksíðu blaðsins sagði að nemendur
hugsuðu með hryllingi til neyðarráðstafana í
kjölfar þess. Útlit voru fyrir 10% afföll í hópi
nemenda við fjölbrautaskólann eftir verkfallið.