Víkurfréttir - 24.04.2019, Síða 8

Hringbraut 99 - 577 1150
FAGLEG, TRAUST OG
PERSÓNULEG ÞJÓNUSTA
VIÐ BJÓÐUM MEDISMART RUBY BLÓÐSYKUR-
MÆLA, STRIMLA, BLÓÐHNÍFA OG NÁLAR FRÍTT
FYRIR ÞÁ SEM ERU MEÐ SKÍRTEINI FRÁ TR.
Opnunartími: Virka daga frá kl. 9:00 - 19:00 og laugardaga frá kl. 14:00 - 18:00.
MJÖG EINFALDUR Í NOTKUN,
STÓR SKJÁR, LÉTTUR OG HANDHÆGUR
- „No coding“ þarf ekki að núllstilla
- Þarf mjög lítið magn til mælinga, aðeins 0,6µl
- Mælir blóðsykur á bilinu 1.1 - 35 mmol/L
- Mæling tekur aðeins 5 sek.
- Geymir 480 mælingar í minni
- Hægt að tengja við tölvu
Apótek Suðurnesja sendir Suðurnesjamönnum
kærar kveðjur á baráttudegi verkalýðsins, 1. maí.
ÞAÐ DREGUR TENNURNAR ÚR BARÁTTUNNI
– þegar kröfur Íslendinga eru aðrar en útlendinganna sem koma hingað til að vinna,
segir Grétar Sigurbjörnsson hafnarvörður
Fyrsti maí, einnig kallaður verkalýðsdagurinn, er alþjóðlegur baráttudagur verkalýðsins. Á þingi evrópskra
verkalýðsfélaga í París árið 1889 var samþykkt tillaga frá Frökkum um að 1. maí skyldi verða alþjóðlegur frídagur
verkafólks. Frakkar lögðu til að verkafólk notaði daginn til fjöldafunda til að fylgja eftir kröfum um átta stunda
vinnudag og aðrar umbætur á kjörum sínum. Á Íslandi var fyrsta kröfugangan á fyrsta maí gengin árið 1923 en
dagurinn varð lögskipaður frídagur á Íslandi árið 1972.
Á 1. maí gengur launafólk undir rauðum fána og leikinn er alþjóðasöngur verkalýðsins, Internasjónalinn sem
einnig kallast Nallinn. Sumir hugsa kannski um Sovétríkin sálugu og alræðisvald kommúnistastjórna þegar þeir
sjá fánann og heyra sönginn en upprunaleg merking þessara tákna er fyrst og fremst krafa um breytingar og
réttlátara þjóðfélag. Rauði liturinn á fána verkalýðshreyfingarinnar táknar uppreisn gegn ranglæti. Hann þýðir
að nú sé nóg komið, auk þess sem hann táknar dagrenningu.
Margir af eldri kynslóðinni hér á landi muna eftir þessum degi sem hátíðlegum baráttudegi, þar sem verkafólk
arkaði um aðalgötu bæjarins við hljóma lúðrasveitar. Fólk var með kröfuspjöld og íslenska fánann á lofti.
Við fórum á flandur og hittum fólk af báðum kynjum sem hafði ákveðnar skoðanir á þessum baráttudegi verka-
lýðsins.
Albert Snorrason og Grétar
Sigurbjörnsson, hafnarverðir
við Sandgerðishöfn:
Finnst þér 1. maí skipta máli?
Grétar:
„Já, mér finnst hann eiga að skipta
máli en hér hjá okkur eru gangandi
vaktir því sumir sjómenn taka sér ekki
frí þennan dag. Það er þá fólk í landi
sem þarf að vinna aflann sem kemur,
svo hann er ekki lengur frídagur fyrir
allt verkafólk í fiskvinnslu. Dagurinn
er virtur að vettugi af mörgum því
miður, þótt hann sé merktur sem
rauður dagur. Við þurfum til dæmis
að vera á vakt hérna hjá okkur.“
Albert:
„1. maí skiptir klárlega máli. Þetta er
dagur sem við eigum að nýta til hins
ýtrasta, dagur okkar sem eigum að láta í
okkur heyra. Verkalýðsforystan þarf að
leiða fólkið sitt og knýja fram hækkun
launa, til þess eru þau kjörin í stjórn.“
Grétar:
„Sjáðu frídag verslunarmanna, hverjir
eru að vinna þá? Nú fólkið í verslun-
unum! Sjáðu 1. maí sem er baráttu-
dagur verkamanna en hverjir eru að
vinna þá? Verkafólk! Allar stofnanir
eru lokaðar, allir eru í fríi en fólkið
sem á þessa daga er jafnvel að vinna.
Það er búið að veikja þessa lögbundnu
frídaga með því að virða þá ekki meira
en þetta.“
Albert:
„1. maí eigum við að nýta betur í
smáplássum. Það þarf að endur-
vekja daginn og efla baráttuhug fólks.
Laun verkafólks eru allt of lág. Það er
erfiðara að fá Íslendinga í þessi störf
út af laununum en útlendingarnir eru
jafnvel hæstánægðir og sumir þeirra
staldra stutt við í landinu okkar. Þeim
finnst þetta jafnvel vera ofurlaun því
þeir þekkja ekkert annað en þetta er
nánös fyrir okkur hin. Launin eru ekki
há fyrir fólkið sem er búsett allt árið
hér á landi, þarf að borga af lánum
og hafa í sig og á. Það eru margir af
þessum útlendingum helvíti duglegt
fólk en það veikir launabaráttu okkar
sem vinnum verkastörf allt árið þegar
hópurinn er orðinn svona blandaður
af Íslendingum og öðrum þjóðum.
Mér finnst bara verkalýðurinn hér á
landi vera mestmegnis útlendingar og
fleiri störf eru farin til útlendinga eins
og mörg störf á elliheimilum, fisk-
vinnslan er nær öll í höndum útlensks
vinnuafls. Við erum með útlendinga í
vinnu alls staðar þar sem Íslendingum
finnst launin vera of lág.“
Grétar:
„Það dregur tennurnar úr þessari
baráttu þegar kröfur Íslendinga eru
aðrar en útlendinganna sem koma
hingað til að vinna og eru svo farnir
aftur. Sumir ílengjast auðvitað en
hitt veikir baráttuna fyrir bættum
launum. Þeir fara í störfin sem Ís-
lendingar eru ekki stoltir af að vinna
en við getum ekki bara haft menntað
fólk í vinnu. Það verða einhverjir að
vinna almenn verkastörf. Unga fólkið
okkar vill sumt frekar fara á atvinnu-
leysisbætur heldur en að vinna þessi
störf sem eru samt mikilvæg. Það þarf
að efla virðinguna hjá okkur sjálfum
fyrir þessum störfum.“
Hvað finnst þér um verkalýðsfor-
ystuna á landsvísu?
Grétar:
„Mér finnst baráttan hafa verið óskap-
lega léleg miðað við hvernig var hér
áður þegar Gvendur Jaki og Aðal-
heiður Bjarnfreðsdóttir voru og hétu.
Þá var ekkert gefið eftir, steinn í stein.
Ég hef ekkert grætt á neinu verkfalli
undanfarið. Þau voru baráttufólk
sem maður bar virðingu fyrir. Það
skiptir máli að hafa gott fólk í forystu
verkalýðsins.“
Albert:
„Já, maður leit upp til þeirra. Nú er
nýtt fólk komið í verkalýðsforystuna,
fólk sem er að slíta barnsskónum.
Grétar:
„Já, maður þarf að gefa þeim tíma og
sjá hvaða kraftur er í þessu nýja fólki.“
Áttu minningu um 1. maí?
Grétar:
„Þegar ég var að alast upp fór fullt af
fólki í kröfugöngu niður Laugaveginn
og víðs vegar í bæjum landsins. Þarna
voru lúðrasveitir og kröfuspjöld. Í
dag er þetta mest lúðrasveitin sem
labbar í kröfugöngunni. Það vantar
fólkið í göngurnar til þess að berjast
fyrir bættum launum. Þegar Gayp-
ride-gangan fer niður Laugaveginn
þá tekur fullt af fólki þátt til þess að
berjast gegn fordómum sem er bara
frábært og hið besta mál. En þegar 1.
maí gangan fer fram, þar sem verið er
að berjast fyrir betri lífskjörum fyrir
alla, þá eru fáir sem mæta.“
Albert:
„Mér finnst það bara flott hvað Gay-
pride-gangan laðar marga til sín en
við mættum einnig standa svona vel
vörð um lífskjörin okkar og launakjör.
Til þess er 1. maí.“
Í dag er þetta mest lúðra-
sveitin sem labbar í kröfu-
göngunni. Það vantar
fólkið í göngurnar til þess
að berjast fyrir bættum
launum ...
1. maí skiptir klárlega
máli. Þetta er dagur sem
við eigum að nýta til hins
ýtrasta, dagur okkar sem
eigum að láta í okkur
heyra ...
Mar ta Eiríksdóttir
marta@vf.is
VIÐTAL
Albert Snorrason t.v. og Grétar Sigurbjörnsson t.h.
„Allir á trúnó“
– Aukasýningar vegna fjölda áskorana
Það er óhætt að segja að revía Leikfélags Keflavíkur „Allir á trúnó“ hafi
aldeilis slegið í gegn. Nú þegar hafa um fimmtán hundruð manns mætt
í Frumleikhúsið og hreinlega grenjað úr hlátri á þessari bráðskemmti-
legu sýningu þar sem gert er góðlátlegt grín af mönnum og málefnum
líðandi stundar. Til stóð að ljúka sýningum fyrir páska en vegna fjölda
áskorana og það, að ekki þykir hægt að hætta sýningum fyrir fullu húsi,
hefur verið ákveðið að skella í tvær aukasýningar miðvikudaginn 24.
apríl og laugardaginn 27. apríl kl.20.00. Hægt er að panta miða á lk.is
og í síma 4212540. Miðaverð er 2.500 kr.
Forseti Íslands í heimsókn
til Reykjanesbæjar
Forseti Íslands, hr. Guðni Th. Jó-
hannesson, kemur í opinbera heim-
sókn til Reykjanesbæjar í næstu
viku. Mun hann heimsækja fjöl-
marga staði í bæjarfélaginu. Bæjar-
stjórn Reykjanesbæjar verður með
kaffiboð fyrir forsetann og bæjar-
búa í Stapa fimmtudaginn 2. maí
kl. 17.30 og hvetur alla bæjarbúa,
unga sem aldna, til að fjölmenna í
boðið og hitta forsetann. Allir eru
hjartanlega velkomnir á meðan
húsrúm leyfir. Flutt verður stutt
tónlistardagskrá og forsetinn mun
ávarpa fólkið.
Heimsókn frá sendiherra Kína
Sendiherra Kína á Íslandi, Jin Zhijian, heimsótti Reykjanesbæ nýlega og
fundaði með Kjartani Má Kjartanssyni, bæjarstjóra. Á meðal þess sem
þeir ræddu var hvernig auka mætti og styrkja tengsl Reykjanesbæjar og
vinahéraðsins Xianyang í Kína en stofnað var til formlegra vinabæjar-
tengsla á milli sveitarfélaganna snemma árs 2014. Þetta mætti t.d. gera
á sviði menningar, viðskipta og/eða menntamála.
Lítil sem engin samskipti hafa verið
á milli sveitarfélaganna frá stofnun
vinabæjartengslanna önnur en að
varaborgarstjóri Xianyang heim-
sótti Reykjanesbæ ásamt fríðu
föruneyti árið 2017 í stuttri heim-
sókn til Íslands. Í þeirri heimsókn
heimsóttu gestirnir m.a. orkuver HS
Orku í Svartsengi en í Xianyang hafa
verið gerðar tilraunir með hitaveitu
enda heitt vatn og jarðhiti þar.
Kjartan bæjarstjóri og Jin Zhijian,
sendiherra Kína, á skrifstofu þess
fyrrnefnda.
8 MANNLÍF Á SUÐURNESJUM