Fréttir - Eyjafréttir - 24.02.2016, Blaðsíða 6

6 HEilSAn | | Miðvikudagur 24. febrúar 2016
Katrín laufey Rúnarsdóttir
hafði lengi vel langað að
taka á sínum málum, hún
var alltaf þreytt og nennti
ekki neinu eins og hún sagði
sjálf frá. Í september í fyrra
skráði hún sig á námskeið
hjá Hafdísi Kristjáns sem
heitir H-in þrjú. En þar er
matarræðið tekið í gegn,
boðiðuppá yoga og aðra
líkamsrækt, ásamt því að
unnið er mjög mikið með
andlegu hliðina og þér er
kennt að elska sjálfan þig og
setja þig í fyrsta sæti.
Elskaðu sjálfa þig
„Við höfum allar heyrt þetta áður,
elskaðu sjálfa þig og settu sjálfa
þig í fyrsta sæti. ,Mér fannst þetta
meira að segja klisja fyrir ekki svo
löngu,“ sagði Katrín Laufey en
þetta er grundvöllur fyrir því að
verða hamingjusamur og líða vel í
eigin skinni.
„,Ég var komin með í mjóbakið og
var byrjuð í sjúkraþjálfun. Ekki var
ég í mikilli yfirþyngd en orðin léleg
og hélt jafnvel að aldurinn væri að
færast yfir mig.“
Einn daginn sló hún í borðið og
fannst þetta ekki ganga lengur.
Henni fannst hún samt sem áður
ekki geta gert þetta alveg sjálf og
var búin að hugsa um námskeiðið
hennar Hafdísar allt árið þegar loks
kom að því að slá til í september
síðastliðnum. ,,Þannig ég var búin
að vera með þetta í hausnum allt
árið og fór með þannig hugarfari
að ég ætlaði að gera þetta 100%.“
Gleymir fyrstu vikunni aldrei
Í byrjun námskeiðs færðu alla þá
fræðslu sem þú þarft að breyttu
mataræði og óteljandi uppskriftir
af allskonar fjölbreyttum mat sem
inniheldur ekki sykur, mjólkurvörur
eða glútein. Katrín Laufey sagði að
fyrstu tveir til þrír dagarnir í
breytta mataræðinu hafi verið
góðir. „Ég var létt á því og jákvæð
fyrir breytingunum en svo kom
fimmtudagur, fjórði dagurinn og
ég gleymi honum aldrei. Algjört
helvíti á jörðu, mér leið hörmulega
og var grenjandi í sífelldu. Þetta var
ekkert matartengt, ég var ekki
grenjandi yfir því að geta ekki
fengið mér nammi, það var eins og
djöfulinn sjálfur væri að reyna
brjótast út úr mér og varði þetta í
tvo daga. Eftir þetta fór þetta
smám saman uppá við og í dag
hefur mér aldrei liðið betur og er í
besta formi lífs míns. Ég hef tekið
þetta í litlum skrefum og hefur það
gengið mjög vel, ég vona að ég
snúi aldrei til baka.“
Hætti að drekka áfengi fyrir
tveimur árum
Kata eins og hún er alltaf kölluð,
segir að hún sé þessi týpiska kona
og var búin að prófa allskonar
lausnir til að bæta líðanina, en
segir að það hafi allt verið
tímabundið, svo hafi hún alltaf
dottið í sama gírinn aftur. ,,Þegar
ég hugsa þetta í grunninn þá er ég
bara fíkill, þannig ég hugsaði, ókey,
hvað geri ég til að losna alveg við
allt sem er fíkn í mínu lífi.“
Fyrsta sem hún gerði var að hætta
að drekka áfengi sem hún gerði
fyrir tveimur árum. „Ég fann að það
var farið að stjórna mér svolítið og
á einum tímapunkti líkaði mér
þetta bara alls ekki og fannst ég
ekki góð fyrirmynd fyrir börnin
mín.“
Eftir að Kata hætti að drekka leið
henni miklu betur en segir að það
fylgi því fórnir og viðurkennir
fúslega að þjóðhátíð sem dæmi sé
ekki eins skemmtileg að hennar
mati, en að það sé vel þess virði.
Henni leið töluvert betur eftir að
hún hætti að drekka en ekki nógu
vel og fór í kjölfarið að borða meiri
mat þar sem sykurinnihaldið var
hátt.
Yoga og hugleiðsla alveg nýtt
fyrir henni
Kata segir að hún hafi ekki verið
mikið fyrir yoga og hugleiðsu fyrir
námskeiðið en ákvað að ef hún
ætlaði á annað borð að gera þetta,
færi hún alla leið, enda þannig
týpa. Hún fór með opnum hug og
ætlaði að gera allt sem Hafdís lagði
fyrir. „Sama hversu erfitt það yrði,
þá ætlaði ég að gera það, og það
virkaði svona svakalega vel.“
Hafdís leggur upp úr því að
einstaklingarnir á námskeiðinu
byrji að elska sjálfa sig og partur af
því er sem dæmi að taka utan um
sig. Þetta reynist mörgum mjög
erfitt og var Kata ein af þeim. „Ég
fór bara að grenja og gat ekki tekið
utan um sjálfa mig og hugsaði
með mér, hvað er að? Í dag tek ég
utan um mig, get horft í spegil og
ég elska konuna í speglinum og
það er frábær tilfinning . Ég vil
meina að Hafdís hafi hreinlega
bjargað mínu lífi. Núna tekst ég á
við lífið eins og það er, ég hef
ekkert sem getur deyft eins og t.d.
óhollan mat eða áfengi. Ég er með
fulla orku og mér líður frábærlega
og ég er ekki að ýkja neitt.“
Fjölskyldan með
í breyttum lífsstíl
Kata tók fjölskylduna með í nýtt
mataræði, enda kannski ekki
annað hægt þegar breyta á um
lífstíl og segir að strákurinn hennar
Þór sem er 4 ára þekki núna í raun
ekkert annað en heilbrigða og vel
saman setta fæðu. Þetta hefur
einnig haft góðan ávinning fyrir
stelpurnar hennar sem eru allar á
unglingsaldri. Kata gerði þetta fyrst
og fremst fyrir sjálfa sig en
jafnframt til þess að vera góð
fyrirmynd fyrir börnin sín og
byggja góðan og heilbrigðan
grunn að heilsusamlegum lífsstíl.
Ný áhugamál með breyttum
lífsstíl
Hreyfing er núna daglegur partur
af hennar lífi. Þegar blaðamaður
kom til hennar var hún nýkomin úr
göngu með nýja gönguhópnum
sínum sem ætlar að ganga
Hvanndalshnjúk 14. maí. nk. Kata
stefnir á hálfmaraþon á afmælis-
daginn sinn og endurtaka svo
leikinn í Reykjavíkurmaraþoninu.
Kata segir að það hafi komið
ótrúlegur kraftur í hana með
þessari góðu heilsu sem hún nýtir
nú í ný áhugamál.
Sara Sjöfn grettiSdóttir
sarasjofn@eyjafrettir.is
Katrín Laufey Rúnarsdóttir.
Hafdís Kristjánsdóttir kennir
yoga í Friðarbóli. Ásamt því
býður hún upp á lífstílsnám-
skeið sem heitir Háin þrjú.
Hún byrjaði upphaflega með
um 15 konur í yoga en í dag
eru iðkendurnir rúmlega 60
og af báðum kynjum, en hún
byrjaði með yoga fyrir
karlmenn í fyrra.
Hafdís segir að smátt og smátt hafi
yogaiðkun verið að aukast og það
er engin breyting í ár. Fólk sé að
átta sig betur á að lifa í núvitund
og hvað heilsa og andleg líðan
skipti miklu máli. Að hennar mati
er fólk aðeins að gíra sig niður og
átta sig á að hamingjan komi
innan frá og að hún sé á ábyrgð
hvers og eins.
Ávinningurinn með jógaástund-
un segir hún að sé bæði andlegur
og líkamlegur, geri allt frá því að
losa spennu í líkamanum, kemur
jafnvægi á hormónaflæðið,
meltinguna, eykur blóðflæðið,
nuddar innyflin, losar um eitur- og
úrgangsefni sem hafa safnast upp
víða í líkamanum t.d. djúpt í vöðva-
vefjum og liðum, hefur góð áhrif á
innkirtlakerfið og margt fleira.
Hafdís hefur bætt hugleiðslunni
inn í yogað hjá sér ásamt því að
hún leggur mjög mikla áherslu á
öndunaræfingar. „Með því að
hugleiða styrkirðu taugakerfið og
þinn andlega stríðsmann. Dregur
úr streitu, kvíða, ótta, svefnleysi,
verkjum o.fl. Þú ert ekki að tæma
hugann þegar þú hugleiðir, þú ert
að kyrra hugann. Markmiðið er að
vera húsbóndi hugsana sinna, ekki
þræll. Frábær leið til að láta sér
líða vel og öðlast innri frið og ró og
jafnvægi. Er það ekki það sem allir
eru að leitast eftir?
Það má segja að þú kynnist líkama
þínum upp á nýtt með því að
stunda yoga.“
Ekki bara hristingar
Háin þrjú, Heilbrigðari, Hraustari &
Hressari með Hafdísi Kristjáns er
þriggja mánaða lífstílsnámskeið.
Hafdísi finnst gaman að velta fyrir
sér næringu og hvernig hún fer
með líkamann okkar. „Við erum
það sem við borðum. Allt sem fer
inn fyrir varir okkar mun hafa áhrif
á líkama, sál og huga okkar. En af
hverju borðum við? Jú, til þess að
næra frumurnar. Við erum gerð úr
óteljandi fjölda frumna og þess
vegna skiptir öllu hvernig nær-
Katrín Laufey Rúnarsdóttir söðlaði um:
Öðlaðist nýtt líf með
breyttu mataræði og
lærði að elska sjálfa sig
:: Er með fulla orku og líður frábærlega :: Er ekki að ýkja neitt
Hafdís kennir yoga í Friðarbóli og býður upp á lífstílsnámskeið:
Andlegur og líkamlegur ávinningur
:: losar spennu :: Kemur jafnvægi á hormónaflæðið :: losar um eitur- og úrgangsefni
Sara Sjöfn grettiSdóttir
sarasjofn@eyjafrettir.is
Ég var létt á því
og jákvæð fyrir
breytingunum
en svo kom
fimmtudagur,
fjórði dagurinn
og ég gleymi
honum aldrei.
Alg jört helvíti á
jörðu, mér leið
hörmulega og
var grenjandi í
sífelldu.
”