Fréttir - Eyjafréttir - 06.07.2016, Blaðsíða 5
5Eyjafréttir / Miðvikudagur 6. júlí 2016
Hvað segir vinurinn, heyrðist hvar
sem Siggi Reim kom. Ljúfmannlega
fasið og röddin sérstaka hljómaði
hvar sem hann fór. Hann var nett
smámæltur og teygði á orðunum og
hann var svo góður karl í huga
okkar allra og vinur barnanna í
Eyjum. Hátt og snjall sagði hann.
"Hvað segir og svo dró hann orðið,
viiiinurinn." Þessi fallega kveðja,
kæruleysislegt fasið og brosmilt
andlitið lyfti Sigga Reim í hæðir og
hann mætti barnslegri gleði lítils
peyja í Grænuhlíðinni sem hafði
mikið dálæti á öskukörlum. Siggi
ljómaði af gleði þegar við peyjarnir
þyrptust að þegar öskukarlarnir
drógu öskutunnurnar að öskubíln-
um, en á honum var grind sem
færði tunnurnar upp kassann og
losaði úr þeim sorpið. Öskukarl-
arnir keyrðu tunnurnar á hjólagrind-
um og við peyjarnir fengum að
halda í og keyra tómar tunnur til
baka. Við fylgdum þeim eftir og við
hvert hús bættust fleiri í hópinn og
um allt hverfið mátti heyra óminn
frá Sigga Reim. Hvað segir
viiiinurinn. Í sumarblíðunni var
Siggi oft í vinnubuxum og slopp,
strigaskóm og sixpensara á höfðinu
og pípustertinn í munninum. Hann
hljóp við fót, hallaði undir flatt og
dró öskutunnurnar á rétta staði,
hann var vandvirkur, góðmennskan
uppmáluð og hvers manns hugljúfi.
Siggi Reim var alinn upp í Stakka-
gerði og hafði ekki sömu spil á
hendinni og flestir samferðamenn
hans en sinnti skyldum sínum við
samfélagið alla tíð og vann lengst af
hjá bænum sem öskukarl og
hreinsitæknir. Frægastur var hann
fyrir að vera brennukóngur á
þjóðhátíðinni áratugum saman.
Heiðursstaða sem hefur verið í
höndum manna sem eiga sérstakan
sess og stað í huga Eyjamanna.
Hirðusemi er viðbrugðið hjá þeim
sem safna í brennu fyrir þjóðhátíð
og þar fór fremstur í flokki
brennukóngurinn . Í skjóli nætur var
farið í veiðafærakrær og skúra og
allt „hreinsað“ eins og sagt var á
máli brennukóngsins. Allt brennan-
legt, tunnur, trékassa, olíur og annar
eldsmatur tekin traustataki og falið
fyrir eigendum á leyndum stöðum.
Brennukóngurinn hafði með
brennupeyjunum hreinsað úr Kró
útgerðarmanns sem næsta dag fór á
fund Sigga Reim og spurðist fyrir
um draslið. Siggi Reim eins og
engill vissi ekki meir. En útgerðar-
maðurinn sagði að það væri í lagi
að tapa 250 lítrum af olíu og
tunnunni en fágætur koparkrani
væri honum mikið tjón. Koparkrani,
sagði Siggi Reim, ég kem honum til
þín væni. Svona var Siggi Reim,
vildi ekki ljúga en sagði ekki satt. Í
brennusöfnun gilda aðrar reglur og
lögmál en í daglega lífinu. Þannig
var það með Sigga Reim, hann
hafði friðhelgi vegna stöðu sinnar
sem brennukóngur og manneskja
sem fegraði mannlífið með
ljúfmennsku sinni og gleðinni sem
geislaði af honum. Mannlífið í
Eyjum er ríkara að hafa átt Sigga
Reim, það birtist í fegurðinni og
litrófi mannlífsins þar sem Siggi var
fallegasta blómið í garðinum. Með
því að horfa á það besta í hverjum
manni, gefa hæfileikum þeirra
tækifæri til að njóta sín og láta þá
finna að þeir skipti máli eigum við
öll betra líf. Ég er þakklátur Sigga
Reim fyrir það sem hann gerði
samfélaginu í Eyjum og það er eins
og við hvert og eitt höfum misst
nákominn ættingja. Ég votta
fjölskyldu Sigga Reim og Eyja-
mönnum öllum samúð.
Ásmundur Friðriksson.
.........................................................
Elsku Siggi minn og okkar. Það er
mjög sárt að þú kveðjir þetta líf
okkar allra.
Það var árið 1995 sem þú baðst
mig að taka við af þér, sagðist ekki
geta verið lengur í þessu starfi. Að
taka við og vera brennukóngur á
þjóðhátíð í Vestmannaeyjum. Þú
varst í þessu starfi í 51 ár. Þú varst
14 eða 15 ára gamall þegar þú
hljópst með blysið fyrst og svo
komu aðrir tímar. Vagn og fleira. Ég
man eftir þegar ég var lítill strákur
þá sagði mamma mér að Siggi tæki
allar snuddurnar og að ég hefði
gefið Siggi. Árið 1994, man ég eftir
því að brennan var á laugardags-
kvöldi en ekki á föstudagskvöldi
vegna veðurs daginn áður. Allt í
einu hrundi brennan niður í
austurátt og mannfjöldinn þurfti að
fara frá. Strax eftir þjóðhátíð lentir
þú ásamt systur þinni og mági í
bílslysi rétt hjá Þykkvabæjarafleggj-
aranum. Þú, systir og mágur
slösuðust mikið og þér var haldið
sofandi meira en mánuð þegar þú
komst til meðvindar. Siggi minn, þú
varst góður kall við alla.
Elsku Siggi, takk fyrir allt og alla
og takk fyrir að leyfa mér að taka
við brennukóngsembættinu af þér,
vinur. Ég læt hér fljóta með Glóðir
(Þjóðhátíðarlag 1935).
Um dalinn læðast hægt dimmir
skuggar nætur
og dapurt niðar í sæ við klettarætur.
Ég sit og stari í bálsins gullnu glóðir
og gleymdar minningar vakna mér
í sál.
Hér undi ég forðum í glaum með
glöðum drengjum,
þá glumdu björgin af hljóm frá
villtum strengjum.
Nú sveipa klettana húmsins
skuggar hljóðir
og hryggur stari ég einn í kulnað bál.
Hér undi ég forðum í glaum með
glöðum drengjum
þá glumdu björgin af hljóm frá
villtum strengjum.
Nú sveipa klettana húmsins
skuggar hljóðir
og hryggur stari ég einn í kulnað bál.
Þegar dalinn sveipa húmtjöld hljóð
horfi ég í bálsins fölvu glóð,
stari og raula gamalt lítið ljóð,
ljóð sem gleymt er flestum hjá.
Við hvert orð og óm er minning fest,
atvik sem mig glöddu dýpst og best.
Öllu sem ég ann og sakna mest
ómar þessir segja frá.
Elsku Siggi minn, takk fyrir allt og
góða ferð hinumegin. Sofðu rótt,
elsku karlinn okkar.
Finnbogi,
brennukóngur á Þjóðhátíð
Elínborg, brennudrottning
Vestmannaeyja.
Vélstjóri lóðsins
Vestmannaeyjahöfn auglýsir eftir vélstjóra á
lóðsinn.
Vélstjóri Lóðsins
ber ábyrgð á
rekstri vélbúnað-
ar hafnsögu- og
vinnubáta Vest-
mannaeyjahafn-
ar. Að bátarnir
séu tilbúnir til
notkunar þegar
á þarf að halda
og skipuleggur
viðhaldsverkefni í samstarfi við yfirmann og
skipstjóra. Sinnir almennum viðhaldsverkefnum
hafnarinnar og þess búnaðar sem fylgir starfsemi
Vestmannaeyjahafnar. Sinnir hafnarvernd.
Sinnir öðrum þeim verkefnum sem yfirmaður
felur honum.
Hæfniskröfur:
Umsækjandi skal hafa réttindi til að sinna vél-
stjórn á skipum með 1500 KW aðalvél og hafa gilt
skírteini frá Slysavarnaskóla sjómanna. Þarf að
geta hafið störf 15. ágúst nk.
Laun eru skv kjarasamningi STAVEY og
Launanefndar sveitarfélaga.
Nánari upplýsingar gefur Andrés Sigurðsson sími
691-3300.
Umsóknum skal skilað á hafnarskrifstofu eða á
rafrænu formi á addisteini@vestmannaeyjar.is
fyrir 20. júlí nk.
V
Ástkær faðir okkar, tengdafaðir,
afi og langafi
Kristinn Buch
varð bráðkvaddur á heimili sínu 15. júní síðastliðinn.
Útför fór fram mánudaginn 27. júní í Helsingør, Danmörku.
Minningarathöfn og jarðsetning hér heima, auglýst síðar.
Pálína Sigurbjörg Buch, Poula Kristín Buch,
María Karen Buch, Sigurður Ragnar Kristinsson
og fjölskylda.
V
Elsku eiginkona mín, dóttir, móðir,
tengdamóðir, amma og langamma
Steinunn María Einarsdóttir
hjúkrunarfræðingur
Ásakór 13, Kópavogi
lést á líknardeild Landspítalans 27. júní. Jarðarförin fer fram
frá Digraneskirkju miðvikudaginn 6. júlí kl. 13.
Páll Einarsson
Sigrún Rósa Steinsdóttir
Sigrún Birgitte Pálsdóttir
Einar Pálsson, Kristjana Jónsdóttir
Gunnar Þór Pálsson, Cloe Malzac
barnabörn og langömmubörn.
V
Ástkær frændi okkar
Sigurður Reimarsson
(Siggi Reim)
lést á Dvalarheimili aldraðra Hraunbúðum Vestmannaeyjum
þann 27. júní sl. Útförin fer fram frá Landakirkju laugardag-
inn 9. júlí kl.14.
Anna Ingibjörg Lúðvíksdóttir
Sigurður Ingi Lúðvíksson
Bjarni Reynir Bergsson
Sigurpáll Bergsson
Bergur Bergsson
og fjölskyldur.
Minningarkort
kvenfélagsins
líknar
Stefanía Ástvaldsdóttir
Hrauntúni 34 / s. 481-2155
Elínborg Jónsdóttir
Hraunslóð 2 / s. 481-1828
Sigrún Inga Sigurgeirsdóttir
Brimhólabr. 28 / s. 481-3314
Kristín Gunnarsdóttir
s. 481-2183 / 861-1483
Rn.0582-4-250355 / Kt. 430269-2919
Allur ágóði rennur í
sjúkrahússjóð félagsins
Minningarkort
sigurðar i.
Magnússonar
björgunarfélags
vestMannaeyja
Emma Sigurgeirsdóttir
s. 481-2078
Þóra Egilsdóttir
s. 481-2261
Sigríður Magnúsdóttir
s. 481-1794
Minningarkort
krabbavarnar
vestMannaeyja
Hólmfríður Ólafsdóttir
Túngötu 21 / sími 481-1647
Ester Ólafsdóttir
Áshamri 12 / sími 481-2573
Karólína Jósepsdóttir
Foldahraun 39e s. 534 9219
V
Sigurður Reimarsson
f. 2. júní 1928 - d. 27. júní 2016
Eyjafréttir
- vertu með á nótunum!