Fréttir - Eyjafréttir - 06.07.2016, Blaðsíða 12

12 Eyjafréttir / Miðvikudagur 6. júlí 2016
nú er um það bil ár síðan
Landsbankinn tók yfir rekstur
sparisjóðs Vestmannaeyja og
opnaði útibú sitt í Vestmanna-
eyjum. Við heyrðum aðeins
hljóðið í útibússtjóranum og
eyjamanninum Jóni Óskari
Þórhallssyni um hvernig fyrsta
árið hefur gengið.
„Fyrir mig persónulega hefur þetta
verið krefjandi, en afar skemmtilegt
og gefandi verkefni. Sparisjóðurinn
átti sér sterkar rætur hjá bæjarbúum,
sem og starfsmönnum sem þar
höfðu allir starfað um langa hríð.
Landsbankinn á sér einnig djúpar
rætur. Síðastliðinn föstudag, 1. júlí,
voru einmitt 130 ár frá því að
Landsbanki Íslands, forveri
Landsbankans, opnaði,“ sagði Jón
Óskar og hélt áfram. „Þegar ég réði
mig til starfsins var það m.a. vegna
þess að ég vissi að hann ætti
verðugt erindi til Eyja, enda um
árabil verið mikil þörf á aukinni
samkeppni á þessu sviði í Eyjum,
og sú samkeppni kæmi bæjarbúum,
einstaklingum sem og fyrirtækjum,
til góða. Það hefur komið á daginn
að það var rétt, og ég er einlæglega
glaður og ánægður með það.
Landsbankinn leggur mikla
áherslu á starfsemi sína á lands-
byggðinni og er með langstærsta
útibúanetið, og er því vel í stakk
búinn að þjónusta hér sem og
annarsstaðar.“
Hvernig hefur ykkur verið tekið?
„Okkur hefur verið afar vel tekið.
Landsbankinn hefur sýnt hversu
skuldbundinn hann er verkefninu og
m.a. lagði hann gríðarlega fjármuni
í nýtt útibú. Honum er full alvara
og vill efla starfsemi sína hér í
Eyjum, enda skynjar hann hér
tækifæri. Þetta kunna Eyjamenn að
meta. Þeir kunna einnig að meta
vöruframboð bankans, sem ég
myndi vilja hvetja alla til að kynna
sér.“
Hvaða vörur hafa einna helst vakið
áhuga Eyjamanna?
„Þeir sem t.d. hafa sótt 360°
ráðgjöf, sem er heildstæð og
endurgjaldslaus ráðgjöf um
heildarfjármál viðskiptavina, hafa
verið gríðarlega ánægðir. Með
þeirri ráðgjöf eru fjármál heimilis-
ins skoðuð frá öllum hliðum.
Einnig höfum við komið af krafti
inn með hagstæð íbúðalán, sem
Eyjamenn hafa kunnað vel að meta
og í flestum tilfellum höfum við
getað boðið viðskiptavinum að
þiggja ávinning, annað hvort með
endurfjármögnun eldri lána, eða
með nýjum og hagstæðum lánum til
fasteignakaupenda. Þess ber
einmitt að geta hér að Landsbank-
inn hefur boðið íbúðalán til fyrstu
kaupa án lántökugjalda frá
ársbyrjun 2014, og er sífellt með
augun á því að styðja vel við unga
íbúðakaupendur.
Fríðindakerfið Aukakrónur hefur
heillað Eyjamenn og er sam-
starfsaðilum Aukakróna að fjölga í
hverri viku. Í Vestmannaeyjum
bættust nýlega við veitingastaðirnir
GOTT og Slippurinn í hóp þeirra og
gefa aukakrónu-korthöfum 5%
afslátt. Samstarfsaðilar bjóða
afslátt til kreditkorthafa með þetta
fríðindakerfi og Landsbankinn
greiðir viðskiptavinum til viðbótar
aukakrónur fyrir alla innlenda veltu.
Þessar aukakrónur geta viðskipta-
vinir svo notað til að greiða fyrir
vörur og þjónustu með aukakrónu-
kortinu sínu eins og með hverju
öðru debetkorti. Aukakrónur hefur
fólk gjarnan nýtt til að gera vel við
sig.“
Hvernig hefur starfsfólkið tekið
breytingunum ?
„Það hefur verið heilmikið og stórt
skref fyrir starfsfólk, sem áður
starfaði hjá Sparisjóðnum, að takast
á við breytingar í tæknilegu
umhverfi, nýju vöruúrvali og svo
ekki sé talað um breytta vinnustaða-
menningu á mun stærri vinnustað.
Viðskiptavinurinn þurfti að
sjálfsögðu að kynnast nýjum banka
og nýjum vinnubrögðum og þurfti
aukna aðstoð starfsfólks á meðan.
Starfsfólkið sinnti því að sjálfsögðu
af alúð, á sama tíma og það sótti
mikla þjálfun sem bankinn bauð
upp á og iðnaðarmenn voru að
störfum um allt útibú með tilheyr-
andi skarkala og ryki. Ég get ekki
hrósað starfsfólki nógu mikið fyrir
frammistöðuna undanfarið ár og vil
þakka þeim, og ekki síður við-
skiptavinum, alla jákvæðnina og
þolinmæðina meðan á breytingum
stóð. Það þurfti að breyta sam-
setningu mannaflans í útibúinu s.l.
haust og nýr viðskiptastjóri
fyrirtækja var ráðinn til útibúsins,
Leó Snær Sveinsson, sem einnig er
Eyjamönnum að góðu kunnur fyrir
gítarspil og sjómennsku.
Starfsandinn er í dag mjög góður
og það er gaman að hittast á
morgnana. Við erum á góðum stað
og viðskiptavinir eru almennt afar
jákvæðir í okkar garð.“
Hvernig kemur Landsbankinn
að samfélagslegum verkefnum
í Eyjum?
„Fyrst ber að nefna fjölskylduhátíð
Landsbankans, sem bankinn erfði
frá Sparisjóðnum, en þá gleðjumst
við með bæjarbúum með hinu
árlega pylsugrilli, lifandi tónlist,
candyfloss, blöðrum, hoppuköst-
ulum auk þess sem Skólahreysti
mætir til Eyja og allir geta spreytt
sig í brautinni þeirra.
Auk þessa er bankinn að styrkja
íþróttastarf o.fl., stendur fyrir
fundum um fjármál og mun halda
slíkum stuðningi áfram,“ sagði Jón
Óskar að lokum.
Landsbankinn :: eitt ár í eyjum:
okkur hefur verið
afar vel tekið
:: segir Jón Óskar Þórhallsson útibússtjóri :: Get ekki hrósað starfsfólki nógu mikið
fyrir frammistöðuna undanfarið ár
Jón Óskar, lengst til vinstri, ásamt Gísla Gunnari Geirssyni og Leó Sveinssyni við grillið á fjölskylduhátíð Landsbankans um nýliðna helgi.
FJöLSKyLDUHÁtÍð Á GoSLoKAHÁtÍð - Mikil gleði ríkti á veglegri fjölskylduhátíð sem Landsbank-
inn í Eyjum stóð fyrir á goslokahátíðinni laugardaginn 2. júlí við útibú bankans á Bárustíg. Krakkar á öllum
aldri léku sér í hoppuköstulum og spreyttu sig við Skólahreystibraut sem sett hafði verið upp í tilefni
hátíðarinnar. tríó Þóris Ólafssonar lék fyrir gesti og Sproti heilsaði að sjálfsögðu upp á yngstu gestina. Boðið
var upp á grillaðar pylsur og annað góðgæti. Hér má sjá myndir sem Gunnar Ingi tók af gleðinni.
M
yn
di
r:
G
un
na
r
In
gi