Skessuhorn - 30.07.1998, Side 4

4
FIMMTUDAGUR 30. JÚLÍ1998

Umferö um göngin gengur vel
Nú hafa Hvalfjarðargöngin verið
opin fyrir umferð í tæpar þrjár vikur.
Þar af hefur gjald verið tekið fyrir
umferð síðustu 10 daga.
Eftirspum eftir veglyklum í Hval-
fjarðargöngin var geysilega mikil
fyrstu vikuna sem þeir vom seldir. Á
fyrstu dögunum sem gjald var tekið
fyrir umferð í gegnum Hvalfjarðar-
göngin seldust upp þeir 900 lyklar
sem til vom. Spölur ehf. hafði með
góðum fyrirvara pantað 2000
veglykla til viðbótar, en vegna sum-
arleyfa í verksmiðjum erlendis dregst
afhending þeirra fram til seinni hluta
næsta mánaðar.
Þegar fyrir lá að ekki var hægt að
anna eftirspum eftir veglyklunum á-
kváðu forsvarsmenn Spalar að grípa
til sérstakra ráðstafana og hafin var
sala á afsláttarkortum með 20 eða 40
ferðum í hverjum gjaldflokki. Við
akstur um Hvalfjarðargöngin þurfa
því kaupendur afsláttarkortanna að
framvísa þeim í gjaldhliðum við
norðurenda ganganna. Þessi tíma-
bundna óvænta breyting í innheimtu
kallar á að ökumenn sem hafa afslátt-
arkort þurfa nú að stöðva til að láta
starfsmenn í gjaldskýlunum klippa af
afsláttarkortunum með tilheyrandi
töfum á umferð. Skessuhom var á
staðnum s.l. föstudag til að kynna sér
hvemig gjaldtakan gengi fyrir sig á
einum mesta annatíma vikunnar.
Framkvæmdastjórinn
ánægður
Tíðindamaður Skessuhorns hitti
framkvæmdastjóra Spalar ehf., Stef-
án Reyni Kristinsson, þar sem hann
var ásamt starfsmönnum sínum í
gjaldskýli Spalar að skipuleggja við-
bótar gjaldstöð. “Við emm að æfa
okkur og sníðum um leið af vankanta
í innheimtunni þannig að umferð um
næstu helgi, Verslunarmannahelgina,
gangi snurðulaust fyrir sig. Almennt
hefur innheimta veggjaldsins gengið
vel og lipurlega fyrir sig. Þeir sem
greiða með reiðufé þurfa einungis að
stöðva í örfáar sekúndur en lengri
tíma tekur hins vegar að afgreiða þá
sem framvísa greiðslukortum. Raf-
ræn viðskipti taka lengri tíma, eins og
gengur”, sagði Stefán Reynir.
Fyrir næstu helgi sagði Stefán
Reynir að einkum þyrfti að lagfæra
vegmerkingar fyrir vegfarendur á
norðurleið.
Meiri umferó en búist
var við
Stefán Reynir sagði að meiri um-
ferð færi í gegnum göngin en reiknað
hafi verið með. “Hins vegar má búast
við að umferðin sé meiri vegna nýja-
brumsins og þess hve stutt er síðan
umferð var leyfð í gegnum göngin.
Fyrstu dagana eftir að gjaldtaka hófst
hefur það sýnt sig að 90% af þeim
sem hafa hag af að nota göngin fara
um þau fremur en að aka Hvalfjörð-
inn. Hins vegar eru 15% af heildar-
umferðinni sem hefur ekki beinan
hag af að nota göngin, t.d. þeir sem
fara í sumarhúsabyggðina í Svínadal,
Skorradal og á Hvalfjarðarströndina.
Þeir aka áfram um Hvalfjörðinn”,
sagði Stefán Reynir.
Lítil mengun niöri í
göngunum
Starfsmenn gjaldskýlisins sem rætt
var við sögðu að vegfarendur væru
almennt mjög ánægðir með þessi
nýju samgöngumannvirki. Dæmi eru
Rei6ulé-Kort
Hanuai
Askrift
Automatic
Stefán Reynir Kristinsson framkvæmdastjóri Spalar ásamt starfsmönnum sínum vib gjaldskýlin s.l. föstudag.
jafnvel um fólk sem vildi gjaman
greiða meira en uppsett verð. Einnig
höfðu þeir á orði að mengun hefði
mælst óveruleg það sem af væri, þrátt
fyrir þunga umferð á köflum. Hins
vegar vildu þeir benda vegfarendum
um göngin á að hafa lokaða glugga á
bifreiðum sínum á meðan að ekið
væri í gegn og taka ekki inn útiloft
um miðstöðvamar. Sögðu þeir að
mengun, þó lítil væri, mætti alltaf
finna. Höfðu þeir á orði að líklega
væri þó oftast meiri mengun t.d. við
Miklubrautina í Reykjavík á lygnum
degi, heldur en niðri í Hvalfjarðar-
göngunum.
Reynslan af Hvalfjarðargöngunum
er því jákvæð í flesta staði. Komið
hefur m.a. í ljós að göngin afkasta
mun meiri umferð en búist hafði ver-
ið við, fleiri vegfarendur fara þessa
leið, mengun er óvemleg auk þess
sem öryggisbúnaður allur hefur stað-
ist þær kröfur sem gerðar vom til
hans. Stjómendur Spalar ehf. og veg-
farendur allir mega því vel við una.
-MM
Þrátt fyrir þunga umferö gekk gjaldtakan smurt s.l. föstudag um háanna-
tíma.
Samninqur um
rannsolcnir á
Nesinu
í samtali við Erling Garðar Jóns-
son hjá Rarik á Snæfellsnesi kom
fram að tekist hefur samkomulag
milli Rarik annars vegar og Eyrar-
sveitar og Snæfellsbæjar hins vegar
um að ljúka rannsóknum í tengslum
við hugsanlegar hitaveitufram-
kvæmdir í sveitarfélögunum. Samn-
ingurinn miðast við að Rarik taki þátt
í framkvæmdunum ef af þeim verður.
Eins og frá segir annars staðar í blað-
inu þá hefur leit og bomn eftir heitu
vatni gefið góða raun í nágranna-
sveitarfélaginu Helgafellssveit og
víst er að menn em bjartsýnir vestar
á Nesinu um að árangur náist í jarð-
hitaleit.
Komið hefur í ljós að hitaveita er
möguleg frá Berserkseyri en leitað
verður áfram nær Gmndarfirði í von
um að hagkvæmari kostur finnist.
-MM
Vinir og ættingjar Sædísar og
Jóns hafa opnað söfnunar-
reikning, vegna veikinda Atla
Snæs Jónssonar, í Búnaðar-
✓
banka Islands Borgarnesi
númer 221096. Innborgunar-
seðlar liggja frammi í útibúum
Búnaðarbanka íslands
á Vesturlandi.
Með fyrirfram þökk
fyrir stuðningin.