Skessuhorn - 05.01.2001, Blaðsíða 5
jivtMunu...
FIMMTUDAGUR 5. JANUAR 2001
5
Samfélag okkar og hagkerfi þess byggist
á því að hæíir menn vinni störf sem þeir
kunna skil á. Skólakerfið og menntakerfið
allt sér til þess að menn tileinki sér þekk-
ingu og færni, standist próf og sanni kunn-
áttu sína í því augnamiði að geta ráðið sig í
störf og stundað vinnu sér og sínum til
framfærslu og samfélaginu til gagns.
Almennt gerist þetta þannig að þegar
vinnuveitandi eða atvinnurekandi þarf á
starfskrafti að halda þá gerir hann það
heyrinkunnugt og áhugasamir og að eigin
mati hæfir einstaklingar sækja um starfið.
Er þá valin úr hópi umsækjenda sú eða sá
sem færastur þykir til að sinna starfinu. Oft
er farið eftir menntun og vegur hún jafnan
þyngst en auðvitað ráða mannkostir um-
sækjenda og reynsla einnig einhverju um
hver hlýtur starfið. Algengt er að tilgreint
sé í atvinnuauglýsingu hvort umsækjendur
eigi að ráða yfir sérstakri hæfni, hafa
reynslu af svipuðum störfum og fleira.
Umsækjendur leggja oft á sig talsverða
vinnu við að búa atvinnuumsóknina sem
best úr hendi enda er hún andlit umsækj-
andans fram að því að hann verði hugsan-
lega kallaður í viðtal. Vönduð umsókn getur
sem best haft þá ánægjulegu afieiðingu og
hinir útvöldu líta eðlilega á það sem hálfan
sigur að vera kallaðir fyrir ráðningarnefnd-
ina til að gera betur grein fyrir sínum á-
formum varðandi starfið sem í boði er.
Umsækjendur gera að sjálfsögðu ráð fýr-
ir að farið sé yfir umsóknir þeirra af kost-
gæfni og að hugsanlegt samtal snúist um
þær kröfur sem starfið gerir og möguleika
umsækjandans til að fullnægja þeim.
Flestir hljóta að vera sammála um að
ráðningarferli í samræmi við ofangreinda
lýsingu sé lítt aðfinnsluvert. Öllum um-
sækjendum er sýnd full sanngirni og virð-
ing enda byggist allt á faglegum vinnu-
brögðum.
Einhver skringilegasta aðferðin við að
ráða fólk í starf er í því fólgin að snúa ráðn-
ingarferlinu við, ákveða fyrst hvern eigi að
ráða og búa jafnframt til starf handa við-
komandi, annað hvort með því að stofna
nýtt starf eða segja manni upp sem gegnt
hefur starfinu. Næst er svo á dagskrá að
auglýsa starfið sem hlýtur þó að teljast
nokkuð óhagkvæmt þar eð það er vita ó-
nauðsynlegt í því skyni að fá hæfa menn til
að sækja um starfið. Sá útvaldi hefur þegar
verið ráðinn. Þegar aðrir umsækjendur
spyrja síðan hvumsa ráðningarneftidina út
í niðurstöðu málsins og bera fyrir sig kröf-
ur um hæfni og reynslu sem lýst var í aug-
lýsingunni ffæðir neftidin þá um að nýi
starfsmaðurinn hafi nú ýmislegt annað til
brunns að bera sem gagnlegt geti talist í
starfinu. Oft getur þar að lita ýmislegt ann-
að en tilgreint var í auglýsingunni.
Hætt er við að umsækjendur sem lenda
1 slíkum ósköpum verði varir við lengra nef
á sér en þeir eiga að venjast. Sjaldnast gera
menn neitt í slíkum málum þótt þeim
gremjist framferðið gagnvart sér. Sjálfsagt
gera þeir sér grein fyrir því sem öllum hlýt-
ur að vera Ijóst að það er ekki þess virði að
vinna fyrir fólk sem þannig hagar sér.
Gleðilegt ár!
Lars H. Andersen
Innilegar þakkir til allra sem
auðsýndu samúð og vinarhug
við andlát móður okkar og
tengdamóður,
Halldóru Guðbrandsdóttur
Brúarlandi, Mýrum.
Guð blessi ykkur öll.
Helga Brynjúlfsdóttir
Ólöf Brynjúlfsdóttir
Ragnheiöur H. Brynjúlfsdóttir -
Halldór Brynjúlfsson
Brynjólfur Brynjúlfsson
Guðbrandur Brynjúlfsson
Guðmundur Þ. Brynjúlfsson -
Borge Jónsson
Páll Sigurbergsson
Haukur Arinbjarnarson
Ásta Sigurðardóttir
Fanney Einarsdóttir
Snjólaug Guðmundsdóttir
Ásdís Baldvinsdóttir
og fjölskyldur
Þrettándagleði Orkunnar verður að venju haldin
í félagsheimilinu Brautartungu, Lundarreykjadal
á þrettándanum 6. jan og hefst kl 20:30
Orkan