Skessuhorn - 25.10.2001, Blaðsíða 6

1
FIMMTUDAGUR 25. OKTÓBER 2001
^niutsunu.-
Vestfirsk áhrif
„Vestfirsk áhrif,, er yfirskrift sýn-
ingar Dýrfinnu Torfadóttir, gull-
smiðs í Listasetrinu Kirkjuhvoli,
Akranesi, sem hefst laugardaginn
27. október n.k. Þar sýnir hún
skartgripi, lágmyndir og skúlptúra.
Dýrfinna er fædd 1955 í Reykja-
vík en ólst upp á Isafirði og hefur
búið þar eftir að námi lauk en flutt-
ist til Akraness á liðnu sumri, þar
sem hún vinnur að skartgripagerð á
eigin vinnustofu.
Hún lærði fag sitt á Akureyri og í
Noregi og lauk meistaraprófi í
gullsmíði árið 1983 og opnaði
vinnustofu og verslun sama ár á
Isafirði sem hún starfrækir enn.
Dýrfinna er jafnframt sjóntækja-
fræðingur og sjónfræðingur og hef-
ur veitt þjónustu á því sviði sam-
hliða skartgripagerð.
Dýrfinna hefur sem skartgripa-
hönnuður skapað sér sérstakan og
persónulegan stíl sem einkennist af
frumlegri og oft óhefðbundinni
efnismeðferð og djarfri útfærslu.
Með þessu hefur hún skipað sér í
röð hinna eftirtektaverðustu gull-
smiða og skartgripahönnuða á Is-
landi.
Hún hefur tekið þátt í þölda sýn-
inga, bæði einkasýninga og sam-
sýninga og hlotið margvísleg verð-
laun og viðurkenningar. Meðal
annars hlaut hún 1. verðlaun fyrir
tískuskartgrip ársins 1997, 1998 og
1999.
Sýningunni lýkur 11. nóvember
og er Listaasetrið opið alla daga
nema mánudaga frá kl. 15-18.
(fréttatilkynning)
Grænfánaráðstefiia á Hvanneyri
Um síðustu helgi var haldin
námsstefha á Hvanneyri fyrir full-
trúa þeirra tólf grunnskóla sem hafa
skrifað undir samning um að vinna
að því markmiði að öðlast Græn-
flaggið en það er umhverfismerki
sem nýtur virðingar víða í Evrópu
sem tákn um góða fræðslu og um-
hverfisstefnu í skólum. Að baki
Grænflagginu stendur sjálfseignar-
stofnunin Foundation for Environ-
mental education in Europe
(FEEE). Landvernd hefur gerst að-
ili að FEEE og hefur í samvinnu
við umhverfisráðuneytið hleypt af
stað verkefninu um Grænflaggið í
samvinnu við þessa tólf grunnskóla
sem hittust á Hvanneyri. Skrifað
var undir samstarfssamning í
Grasagarðinum í Laugardal í júní
síðastliðinn og er þetta fyrsta nám-
skeiðið sem skólarnir halda sam-
eigninlega. Sigrún Helgadótir er
verkefhisstjóri Grænflaggsins hér á
landi og sér hún um að skipuleggja
samstarfið og styðja skólana í á-
framhaldandi starfi.
I hópi þessara skóla eru Andakíls-
skóli, Grunnskólinn í Borgarnesi
og Lýsuhólsskóli af Vesturlandi en
aðrir skólar eru Engidalsskóli,
Fossvogsskóli, Gnúpverjaskóli,
Grunnskóli Mýrdalshrepps, Hall-
ormsstaðarskóli, Langholtsskóli,
Lindaskóli, Selásskóli og Seljaskóli.
Guðlaug Erla Gunnarsdóttir skóla-
stjóri Andakílsskóla sagði í samtali
við Skessuhorn að námskeiðið um
helgina væri fyrsta skrefið í sam-
vinnu þessara skóla til að þróa sína
starfsemi að umræddum markmið-
um. „Allir þessir skólar eru byrjaðir
að vinna að markmiðum Græn-
flaggsins en eru mjög mislangt
komnir. Markmiðin felast í að taka
umhverfisstefnu inn í bæði rekstur
skólanna og sjálft skólastarfið, m.a.
með endurvinnslu, jarðgerð og al-
mennri umhverfisfræðslu. Jafn-
framt sýnir reynslan í Evrópu að
skólar sem taka þátt í verkefhinu
geta sparað talsvert í rekstri.
Það má segja að þarna sé verið að
vinna ákveðið brautryðjendastarf
og því gefur auga leið að námsefni í
umhverfisfræðslu á íslensku er
mjög takmarkað. Það er meðal þess
sem við þurfum að leysa og var það
rætt á námskeiðinu um helgina. Þá
var verið að þróa þetta samstarf og
skipuleggja næstu skref.“
Guðlaug tók fram að með um-
hverfisfræðslu í skólunum væri ekki
verið að boða neina öfgastefnu í
umhverfismálum eða yfirhöfuð að
troða neinum skoðunum inn á
nemendur. „I þessu felst engin
predikun heldur er markmiðið að
kenna börnunum að njóta náttúr-
unnar og umhverfisins og umgang-
ast það með virðingu,“ segir Guð-
laug.
JJP'’ {