Skessuhorn - 25.10.2001, Blaðsíða 7

FIMMTUDAGUR 25. OKTOBER 2001
7
§2ESSimö2f<j
Afstríði og stormsveitum
Þá er maður kominn í stríð, og
er þó búinn að sitja á friðarstóli
síðan NATO stillti til friðar
austur á Balkanskaga, og barði á
Saddam í Flóabardaga forðum.
Maður sperrti eyru þegar Hall-
dór utanríkisráðherra tilkynnti í
sjónvarpi að NATO ætlaði að
hefja loftárásir á Afganistan. Að
vísu myndu Islendingar ekki
berjast sjálfir þar eystra þrátt
fyrir aðild sína að NATO heldur
myndu Bretar og Bandaríkja-
menn sjá um allar framkvæmdir
árásanna. Hlutverk íslensku
þjóðarinnar er þá að vera með
þeim í andanum og sýna
móralskan stuðning. Halldór
var ofboðslega rauður í framan
þegar hann útskýrði hernað-
arplönin. Fyrst hélt ég að karl-
inn væri bara fullur og þess-
vegna mætti fyrirgefa honum
rausið, en sá svo að roðinn staf-
aði ekki af niðurgreiddu ráðu-
neytisbrennivíni heldur var karl-
inn orðinn svona ofboðslega
herskár. Annars var ráðherrann
svo sem ekki alveg klár á því við
hverja við værum í stríði, það
væri helst Osama bin Laden og
aðrir hryðjuverkamenn. Um það
geta allir verið sammála að það
þarf að draga svoleiðis skúrka til
ábyrgðar fyrir meint illvirki. En
þegar fulltrúar lýðræðisins í
vestri eru búnir að sprengja
birgðageymslur Rauða krossins í
Afganistan í tætlur og gera von-
ir sveltandi fólks um mat að
engu auk þess að drepa óbreytta
borgara í hundraða vís, alveg oní
kornabörn, ættu þessi 6% Is-
lendinga, sem samkvæmt könn-
unum styðja loftárásirnar, að
fara að hugsa sinn gang, hvít-
voðungar eru ekki hryðjuverka-
menn.
Annars telja margir að atburð-
ir síðustu vikna séu af trúarleg-
um toga, sem sé milli fylgis-
manna Múhammeðs frá Mekka
annarsvegar og Jesú frá Nazaret
hinsvegar. En það skyldi þó
aldrei vera að fyrrnefndir heið-
ursmenn séu báðir tiltölulega
stikkfrí í þessu máli. Kannski er
átrúnaðurinn og fygisspektin við
guð þann sem Mammon heitir,
rótin að flestum andskotagangi á
jarðkringlunni. Hvað skyldu
bandarískir vopnaframleiðendur
þéna marga dollara á þessu
stríði, og ekki óhugsandi að þeir
hnyppi í ráðamenn þegar fram-
leiðslan er farin að hlaðast upp á
lagernum.
Ekki eru allir sammála um af
hverju Osama bin Laden er
svona eins og hann er. Sumir
telja að hann sé illa læs og hafi
misskilið Kóraninn sér til skaða
( það hefur líka hent kristna
menn að túlka Biblíuna út og
suður) aðrir segja að Osama hafi
verið útundan og vanræktur sem
barn enda yngstur 53 barna föð-
ur síns sem voru fæst ef þá nokk-
ur, sammæðra. Það kann því vel
að vera að þessi tilhneiging
Ladens gamla að dreifa sæði
sínu sem víðast sé rótin að
vonsku Osama, ekki er hægt að
kenna óreglu á heimilinu um,
því múslímar drekka ekki
brennivín.
Eins og kunnugt er hótaði
Búskur Bandaríkjaforseti þeim
sem hýsa og fæða terrorista öllu
illu. Þar sem ýmsir setja sama-
sem merki á milli múslíma og
hryðjuverkamanna, fer nú al-
deilis að fara um mig og ýmsa
fleiri. Hann Tóti frændi minn
kom nefnilega með múslíma
með sér hingað fyrir ekki löngu.
Múslíminn þáði hérna kaffi og
samkvæmt skilgreiningu Búsks
er það að gefa múslíma kaffi,
sama og fæða terrorista. Eg er
semsé í vondum málum, en þó
situr frændi minn mun dýpra í
súpunni. Hann hefur margoft
gefið téðum múslíma kaffi, og
jafnvel köku líka. Nú er spurn-
ing hvort Búskur lætur okkur
frændur gjalda fyrir þessa terr-
orista fóðrun. Þetta kennir
manni líka að víkja aldrei góðu
að nokkrum manni, sama hverr-
ar trúar viðkomandi er, það get-
ur hefnt sín.
Bjartmar Hannesson

i
'WM ■ •

Opnunort fmi:
Man - fim Id. 11-18
Föstudaga Id. 11-19
Lauqapdaqa U. 10-13