Skessuhorn - 25.09.2002, Blaðsíða 2

MIÐVIKUDAGUR 25. SEPTEMBER 2002
^MUnu^
Bæjarráð Akraness og
Borgarbyggðar funda
Stefiia að
auknu
samstarfi
Bæjarráð Akraness og Borg-
arbyggðar héldu sameiginlegan
fund á Akranesi í síðustu viku.
A fundinum voru rædd ýmis
sameiginleg hagsmunamál og
reifaðir möguleikar á frekara
samstarfi sveitarfélaganna. Að
sögn Jóns Pálma Pálssonar bæj-
arritara á Akranesi var fundur-
inn gagnlegur og gefur fyrirheit
um áframhaldandi gott sam-
starf. „Sveitarfélögin eru með
samstarfsyfirlýsingu þar sem
meðal annars er fjallað um sam-
eiginleg innkaup. Þau hafa skil-
að góðum árangri og eins sam-
starf á öðrum vettvangi. Því
vilja menn endurskoða yfirlýs-
inguna með það að markmiði
að auka samstarfið enn frekar.
Það er meiningin að bæjar-
stjórnir sveitarfélaganna haldi
sameiginlegan fund í Borgar-
nesi þann 18. október og þá
verða þau mál rædd nánar,“
segir Jón Pálmi.
GE
Starfsleyfi
fyrir þorskeldi
Heilbrigðisnefnd Vestur-
lands kemur saman í næstu viku
til að taka fyrir umsókn Guð-
mundar Runólfssonar hf. í
Grundarfírði um starfsleyfi fyr-
ir áframeldi á þorski í Grundar-
firði. Eins og Skessuhorn hefur
greint frá er útgerðaríyrirtækið
Guðmundur Runólfsson hf.
þátttakandi í tilraunaverkefni
ýmissa rannsóknastofnanna í
sjávarútvegi, um þróun á-
frameldis á smáþorski. Er
meiningin að smáþorskur verði
fangaður lifandi og alinn áfram
í Grundarfirði í kvíum.
Helgi Helgason, heilbrigðis-
fulltrúi, segir að svör umsagn-
araðila hafi borist og engin
þeirra séu neikvæð. Reiknar
hann með að starfsleyfi fyrir
allt að 200 tonna áframeldi á
þorski verði veitt á næstunni.
smh
Sameining al-
mannavama-
nefiida
Sameiningaáform eru uppi
meðal almannavarnanefnda á
Snæfellsnesi. Mun sýslumaður
Snæfellinga hafa haft forgöngu
um málið frá því á síðasta ári en
með sameiningu Almannavarna
ríkisins við embætti Ríkislög-
reglustjóra virðist málið hafa
tafist.
A vef Grundarfjarðarbæjar,
www.grundarfjordur.is, lýsir
bæjarstjóri þeirri von sinni að
málið verði tekið fyrir á lands-
hlutafundi Almannavarna ríkis-
ins þann 17. október nk. í
Stykkishólmi.
smh
Próflaus ökumaður á óskráðum bíl
Endaði á hvolfi ofan í höftiinni
Bátamir í höfninni í Borgamesi sluppu við skemmdir en bifreiðin er
ónýt eins og sést á innfelldu myndinni.
Mynd: GE
Fimmtán ára ökumaður slapp
með skrekkinn þegar hann ók fólks-
bifreið útaf bryggjunni í Borgamesi
skömmu eftir miðnætti aðfaranótt
föstudags.
Borgarbyggð hefur í sumar starf-
rækt Mótorsmiðju í gamla hafnar-
húsinu í Borgamesi en þar hafa ung-
lingar haft aðstöðu til að gera upp
gamla bíla. Einn unglinganna tók
eina bifreiðina, sem er óskráð,
traustataki á fimmtudagskvöldið og
fór í ökuferð um hafnarsvæðið sem
endaði sem fyrr segir ofan í höfninni
á ævintýralegan hátt. Utfyri var þeg-
ar atvikið átti sér stað og lenti bif-
reiðin í sandfjöru við bryggjuna.
Pilturinn, sem var einn í bflnum,
kastaðist út úr honum og lenti und-
ir bifreiðinni og sat þar fastur. Fé-
lagar piltsins, sem vom sjónarvottar
að atvikinu, gerðu lögreglu aðvart
og náði einn lögregluþjónanna að
draga ökuþórinn undan biffeiðinni
áður en flæddi að. Drengurinn slapp
ómeiddur og má telja það mestu
mildi. GE
Dragnótarbátur sigldi á trillu
Á miðvikudagsmorguninn í síð-
ustu viku sigli dragnótarbáturinn
Rifsari SH-70 á trilluna Þemu SH-
350 um sex mílur norður af Rifi á
Snæfellsnesi. Engin alvarleg slys
urðu á fólki en trillan skemmdist
talsvert ofan sjólínu.
Ástæða árekstrarins var sú að
skipstjóri dragnótarbátsins mun
ekki hafa séð trilluna fyrir glugga-
pósti í brú og mastrinu á bátnum
fyrr en um seinan. Trillan sigldi
fyrir eigin vélarafli til hafnar í fylgd
dragnótarbátsins.
Rannsóknarnefnd sjóslysa var
gert viðvart og teknar vom skýrslur
af skipstjórnarmönnum.
smh
Fyrsti báturinn eftir fimmtán tonna mörkin
Bátasmíðastöð Guðgeirs á Akra-
nesi sjósetti síðastliðinn laugardag
fyrsta nýja bátinn sem smíðaður er
inn í hið nýja 15 tonna kerfi en
samkvæmt lagabreytingum á þessu
ári hækka stærðarmörk krókaafla-
marksbáta úr 6 tonnum í 15 tonn.
Báturinn sem sjósettur var á
laugardag heitir Guðfinnur KE 119
og er smíðaður fýrir Sigurð Frið-
riksson útgerðarmann í Keflavík.
Báturinn sem er 14,2 brúttótonn er
alfarið hannaður og smíðaður af
starfsmönnum bátasmiðju Guð-
geirs og að sögn Guðgeirs Svavars-
sonar framkvæmdastjóra eru menn
mjög ánægðir með útkomuna.
„Mér sýnist að þetta hafi tekist með
afbrigðum vel og samkvæmt okkar
prófunum gengur allt upp eins og
það á að gera.“ Guðgeir segist
bjartsýnn á að sóknarfæri sé í smíði
báta af þessari stærð. „Ef það er
Guðfmnur KE 119 sjósettur á Akranesi.
ekki í þessu þá veit ég ekki í hverju
það ætti að vera í þessum geira.
Menn fara að vísu hægt í að stækka
þar sem margir voru búnir að fjár-
festa í sex tonna bátum á síðustu
áram og eru kannski ekki tilbúnir
að taka þetta skref alveg strax. Það
eru hinsvegar mjög margir sem
hafa sýnt þessum báti áhuga og
skoðað hann þannig að við eram
bjartsýnir,“ segir Guðgeir.
GE
Irsk sendineftid í heimsókn
Akurnesingar fengu góða heim-
sókn í dag þegar forseti írska þjóð-
þingsins, Rory 01480100, varafor-
seti þingsins; Séamus Pattison og
nokkrir írskir þingmenn komu í
heimsókn að Görðum. Með þeim í
för var einnig Lesley Ní Bhriain
starfsmaður írska sendiráðsins í
Kaupmannahöfn. Hópurinn er
staddur hér á landi í boði Halldórs
Blöndal forseta Alþingis en með
þeim í för í dag vora m.a. Friðrik
Olafsson skrifstofústjóri Alþingis.
Gestirnir skoðuðu Safnasvæðið
að Görðum undir leiðsögn Bjöms I
Finsen og Jóns Allanssonar. Hing-
að vora Irarnir komnir til að kynna
sér landnám landa sinna á Akranesi
Bjöm lngi Finsen leiddi Irana um safnasvœðið að Górðum og lýsti því semfyrir augu
bar. Hér má sjá hann meðþeim Seamur Pattison og Guðmundi Páli Jónssyni.
um 880. Eftir viðkomu á Akranesi með viðkomu í kirkjunni að Innra
var förinni heitið til Reykjavíkur Hólmi. MM
Leitað sátta í
afréttarmáli
Landbúnaðarnefnd Borgar-
byggðar kom saman í síðustu
viku og ræddi meðal annars á-
greining þann sem kominn er
upp um kosmað vegna smölunar
og ágangs búíjár af affétti. Eins
og fram hefur komið í Skessu-
homi hafa eigendur Lundar og
Hermundarstaða í Þverárhlíð
neitað að greiða kostnað við
smölun á þessum jörðum á síð-
asta ári og lagt fram reikning fýr-
ir hagagöngu búfjár af afrétti.
Tillaga um að vísa málinu til
dómstóla féll á jöfnu á fundi
landbúnaðamefndar og var nið-
urstaðan sú að vísa málinu aftur
til bæjarráðs. Á bæjarráðsfundi í
síðusm viku var ákveðið að fela
bæjarstjóra og þjónustufulltrúa í
dreifbýli að leita lausna á um-
ræddum ágreiningi. Páll S
Brynjarsson bæjarstjóri sagði í
samtali við Skessuhom að hann
byggist síður við að málið færi
fýrir dómstóla en ljóst er að mál-
ið hefur vakið mikla athygli
vegna fordæmisgildis. „Mér
heyrist vera sáttatónn í mönnum
og ég vona að við leysum það án
þess að til þurfi að koma afskipti
dómstóla," segir Páll. GE
Sjálfstæðis-
menn fimda í
norðvestur-
kjördæmi
Aðalfundur kjördæmisráðs
norðvesturkjördæmis verður
haldinn í Snæfellsbæ 28. og 29.
september. Stjómin boðaði til
fjögurra funda hinn 19. júní sl.
til að kanna hug manna til þess
hvort viðhaft skuli prófkjör eða
uppstilling fýrir komandi al-
þingiskosningar. Niðurstaða
fundanna var sú að áberandi
fleiri töldu prófkjör vera væn-
legri kost en uppstillingu, að því
er fram kemur á heimasíðu
Sjálfstæðisflokksins. smh
Netkerfi
Stykkis-
hólmsbæjar
Á vegum Stykkishólmsbæjar
hefur nú verið sett á laggirnar
tilraunaverkefhi sem felur í sér
tölvunet bæjarstofhana. Það er
Einar Strand, kerfisumsjónar-
maður Stykkishólmsbæjar, sem
hefur haft umsjón með verkefn-
inu og segir hann að um allfull-
komið bæjarnet sé að ræða. „All-
ar starfstöðvar bæjarins, 12 tals-
ins, era nú tölvutengdar saman.
Netið er sett upp með búnaði
sem heitir Long Reach Internet
frá Cisco og hefur þá sérstöðu
að geta keyrt innra net yfir
tveggja víra koparlínu, en það
þýðir að við þurfum ekki að not-
ast við ljósleiðara til að ná 15
megabæta internettengingu yfir
skamma vegalengd,“ segir Ein-
ar.
Heildarkosmaður við verk-
efnið var rúm milljón króna og
rekstarkostnaður er um 100
þúsund krónur á mánuði, en
Einar segir það vera svipaða
upphæð og áður var. smh