Skessuhorn - 07.07.2004, Síða 12

12
MIÐVIKUDAGUR 7. JÚLÍ 2004

Fasteignamarkaðurínn kannaður:
Hlutfallslega mesta hækkun
fasteignaverðs er á Vesturlandi
Undanfarin ár hefur mátt merkja tals-
vert jákvæðar væntingar fólks á Vestur-
landi til búsetu á svæðinu. Þó svo að
skipulögð mæling væntingarvísitölu eða
ánægjustuðuls af einhverju tagi hafi ekki
farið ffarn meðal íbúa, fyrirtækja eða
stofnana, er ljóst að menn trúa á að vöxt-
ur verði á svæðinu með tilheyrandi fjölg-
un íbúa næstu árin. Þetta má m.a. merkja
á því að sveitarfélög skipuleggja íbúða-
hverfi, verktakar byggja og víðast hvar er
góð efrirspurn efrir lóðum og íbúðarhús-
næði, sala hefur því aukist og verð hefur
víða hækkað.
Ein marktækasta mæling á væntingum
fólks til tiltekinna svæða landsins er fast-
eignaverð og eftirspurn eftir íbúðarhús-
næði. Hjá Fasteignamati ríkisins er hægt
að nálgast upplýsingar um þróun fast-
eignaverðs eftir landshlutum. Ef litið er
til landsins alls, allt aftur til ársins 1990,
kemur í ljós að fasteignaverð hefur hlut-
fallslega hækkað mest á Vesturlandi, því
næst á Reykjanesi og loks á höfuðborgar-
svæðinu. Ef litið er nær í tíma, eða til ár-
anna 1997 til 2003 hækkaði fermetraverð
íbúðarhúsnæðis um 60% á Vesturlandi.
Hækkun á sama tímabili á Suðurlandi var
70% og 80% á höfuðborgarsvæðinu. Á
öðrum svæðum landsins var hún minni
og var minnst á Vestfjörðum þar sem
fasteignaverð stóð í stað á þessu árabili.
Þannig má segja að höfuðborgarsvæðið,
Suðurland og Vesturland lúti svipuðum
lögmálum varðandi þróun fasteignaverðs
og helst það e.t.v. í hendur við stærri at-
vinnusvæði samhliða bættum samgöng-
um og því sé nágrenni höfuðborgarinnar
að verða vænlegri fjárfestingakostur en
áður. Skessuhorn tók púlsinn á fasteigna-
markaðnum á Vesturlandi, ræddi við
nokkra fasteignasala, kannaði verðþróun
og annað er snýr að fasteignaviðskiptum
á svæðinu.
Akranes:
Verð hækkar og
mikil eftirspum
Ibúum á Akranesi fjölgaði
merkjanlega á þeim árum sem
uppbyggingin var mest á
Grundartanga og Hvalfjarðar-
göng voru opnuð eða á árunum
frá 1998 til 2001. Síðan hefur í-
búafjölgun verið smærri í snið-
um og jafnvel staðið í stað. Engu
að síður hafa miklar íbúðabygg-
ingar staðið yfir síðari árin og
heilu hverfin risið. Bæði bygg-
ingaverktakar á staðnum og úr
Reykjavík virðast veðja á fólks-
fjölgun og aukna eftirspurn.
Góðar horfur eru því á fast-
eignamarkaði á Akranesi.
Þorvaldur Vestmann er sviðs-
stjóri tækni- og umhverfissviðs
hjá Akraneskaupstað og er því
deildarstjóri skipulagsmála.
Hann segir mikla eftirspurn
hafa verið eftir öllum þeim lóð-
um sem skipulagðar hafi verið
undanfarin ár. „Nokkrir verk-
takar eru að bíða efrir lóðum og
menn virðast hafa trú á að
byggja hér,“ segir Þorvaldur.
Hann segir að undanfarið hafi
mest verið byggt í Flatahverfi.
„Næsta deiliskipulag er í vinnslu
og verður um að ræða klasa 5 og
6 í Flatahverfi. Við stækkuðum
jafhvel svæðið fyrir íbúðabyggð
í þessum klasa og tókum hluta af
verslunar- og þjónusmsvæði í
þessum byggingaklösum undir
íbúðabyggð. Um verður að ræða
bæði fjölbýlis- og einbýlishúsa-
lóðir í næstu áföngum Flata-
hverfis eða samtals með ca 150
íbúðum. Auk Flatahverfis er
framundan bygging tveggja
stórra íbúðablokka á Miðbæjar-
reit með 70-80 íbúðum, bygg-
ingar á Hvítanesreit, Stdllholtí 2,
Suðurgötu 47-51 og víðar,“ seg-
ir Þorvaldur Vestmann. Þannig
má segja að lóðir fyrir allt að
250-300 íbúðir muni verða til-
búnar til bygginga á næstu miss-
erum á Akranesi og ljóst að
miklar væntingar eru í gangi því
margir tugir íbúða eru í bygg-
ingu og söluferli um þessar
mundir.
Fasteignasalar á Akranesi láta
því eðlilega vel af ástandinu á
markaðinum. Bæði Soffía
Magnúsdóttir hjá Fasteigna-
miðlun Vesturlands og Daníel
Elíasson hjá Fasteignasölunni
Hákoti segja eftirspurn viðvar-
andi eftir íbúðarhúsnæði og
verð fari hækkandi. Daníel Elí-
asson áætlar að verð á íbúðar-
húsnæði sé um 80-85% af fast-
eignaverði á höfuðborgarsvæð-
inu og hefur bilið því minnkað
ef borið er saman við tölur ffá
árinu 2002 en þá var fasteigna-
verð á Akranesi mælt 71% af
verði sambærilegs húsnæðis í
Reykjavík, skv. óútgefinni
skýrslu Vífils Karlssonar, hag-
ffæðings hjá SSV þróun og ráð-
gjöf.
Soffía Magnúsdóttir segir
spennandi tfma framundan í
fasteignasölu og telur hún, líkt
og Daníel, að Akranes sé í mik-
illi sókn og merkir hún þetta af
hækkandi verði fasteigna og
Mörg ný, stór og smá hús eru nú að rísa í fíatahverfi á Akranesi.
mikilli effirspurn eftir góðum
eignum. Daníel Elíasson segir
söluna hjá sér meiri en á sama
tíma í fyrra. „Eg er t.d. núna
með í söluferli nýja 17 íbúða
blokk og á fokheldisstigi eru 14
íbúðir seldar og einungis stærstu
íbúðirnar í húsinu óseldar. Það
virðist vera vöntun á ákveðnum
flokki íbúða 2.-3. berbergja sem
ekki eru mikið yfir 100 fermetr-
ar að stærð og hafa helst bíl-
geymslu í kjallara. Það er mikil
hreyfing á eldra fólki sem vill
minnka við sig húsnæði en
einnig er yngra fólk sem er að
leita eftir nýju og góðu húsnæði,
en þó ekki of stóru,“ segir Dan-
íel. Bæði segja þau að stærð fjöl-
skyldna sé að minnka og það
skýri mikla fjölgun íbúða á sama
tíma og íbúafjölgun hafi nánast
staðið í stað. Daníel skýrir
einnig mikla hreyfingu á fólki
vegna aukningar viðbótarlána
þar sem fólki gefst kostur á að
taka allt að 90% lán. „Sveitarfé-
lagið hefur verið ötult og já-
kvætt í garð umsókna um við-
bótarlán hér á Akranesi en það
gefur tekjulægri fjölskyldum
tækifæri á að fjárfesta. Þetta
skýrir e.t.v. að minni eftirspum
er eftir leiguhúsnæði en oft
áður,“ segir hann. Daníel gerir
þó ráð fyrir að kippur komi aft-
ur í leigumarkaðinn þegar áhrifa
af stækkun Norðuráls fari að
gæta á Akranesi.
Ef litið er til verðs á íbúðar-
húsnæði, fjölda íbúða í smíðum,
fjölda byggingaverktaka og nýju
skipulagi lands til íbúðabyggðar
á Akranesi er ljóst að jákvæðar
væntingar eru ríkjandi á svæð-
inu. Skýrist það efalaust af vissu
um stækkun Norðuráls og vænt-
ingum um aukin umsvif á
Grundartanga kringum hafn-
sækna starfsemi og nýjar verk-
smiðjur þar
Fjöldi sölusamninga vegna íbúðarhiísnæðis
Ar Akranessvæði Borgarfjarðarsv. Snæfellsnes Dalir
3000- 3504 3506 - 3609 3701 - 3714 3809 - 3811
1994 171 20 54 3
1995 119 25 36
1996 158 38 64 1
1997 168 32 73 2
1998 164 62 82 4
1999 273 49 58 5
2000 220 67 107 6
2001 191 60 71 6
2002 195 48 84 4
Fasteignasalar tala flestir um fjölgun undanfama
mdnuði d' fasteignaviðskiptum. Ostaðfestar tölurfrd
Fasteigna?tiati ríkisins styðja það einnig.
Heimild: Vífill Karlsson,
SSVþróun og rdðg/öfog Fasteignamat ríkisins.