Skessuhorn - 01.02.2006, Qupperneq 10

10
MIÐVIKUDAGUR 1. FEBRÚAR 2006
aSESSiÍHgSBIM
VESTURLAND Á FLEYGIFERÐ - VESTURLAND Á FLEYGIFERÐ - VESTURLAND Á FLEYGIFERÐ - VESTURLAND Á FLEYGIFERÐ
Vesturland morgundagsins
- allt á fleygiferð!
Fjölmenn ráðstefna um framtíð
Vesturlands, undir yfirskriftinni „A
fleygiferð - Vesturland morgun-
dagsins," var haldin á Bifröst sl.
föstudag. Það voru Samtök sveitar-
félaga á Vesturlandi og Viðskipta-
háskólinn á Bifröst sem stóðu fyrir
ráðstefnunni. Hólmfríður Sveins-
dóttir, starfsmaður Rannsókna-
miðstöðvar Viðskiptaháskólans
hafði veg og vanda að skipulagn-
ingu ráðstefnunnar og á hún og
aðrir þeir sem að henni stóðu hrós
skilið fyrir hvernig til tókst.
Brynhildur Olafsdóttir,
fréttamaður á NFS og
Grundfirðingur stjórnaði
ráðstefnunni af festu og
skörungsskap, enda stóðust
tímaáætlanir ágætlega, en sama
verður ekki sagt um allar
ráðstefnur hér á landi. Fjölbreytt
og í senn fræðandi erindi voru flutt
þar sem víða var komið við. Hvert
um sig vörpuðu erindin ljósi á þau
gríðarlegu sóknarfæri sem bíða
fyrir íbúa og samfélagið hér á Vest-
urlandi. Þróun undanfarinna ára
var rakin, sem og staðan í dag og
ekki síst væntingar manna til upp-
byggingar af ýmsu tagi og íbúa-
fjölgun því samfara. Um 100
manns mættu á ráðstefnuna og var
almennt gerður góður rómur af
henni.
Hér á þessari opnu og þeirri
næstu mun Skessuhorn birta út-
drætti og frásagnir af þeim erind-
um sem flutt voru á Bifröst sl.
föstudag. MM
Ibúafjöldi Vesturlands gæti
þrefaldast á næstu 10 til 15 árum
Runólfur Ágústsson rektor
Viðskiptaháskólans á Bifröst er
bjartsýnn á að Vesturland gæti orð-
ið eitt helsta vaxtarsvæði landsins
og að íbúafjöldi svæðisins geti hátt í
þrefaldast á næstu 10 til 15 árum.
Hann telur að þær samfélagsbreyt-
ingar sem eiga sér stað í landinu
geti skapað mörg tækifæri fyrir
Vesturland vegna nálægðar við höf-
uðborgarsvæðið og vegna þess að
svæðið sé að stærstum hluta orðið
að úthverfi Reykjavíkur vegna
bættra samgangna. Þessi þróun
verður ekki síður að raunveruleika
með tilkomu Sundabrautar.
Runólfur segir jafn-
ffamt að Landbúnaðar-
háskóli Islands á
Hvanneyri og Við-
skiptaháskólinn á Bif-
röst geymi aðgöngu-
miða að þekkingarsam-
félagi morgundagsins
og mannauðurinn sé sú
auðlind sem býr í þekk-
ingu okkar, menntun,
huga og þjóð og sú
auðlind sé ein af þeim
fáu sem ekki klárist.
Sérstaða Vesturlands
liggur hjá þessum skól-
um og sé því mikilvægt
að stuðla að uppbygg-
ingu þeirra. „Með nýj-
um tækifærum og nýj-
um störfum er hægt að
umbreyta efhahags- og
atvinnumálum Vestur-
lands,“ sagði Runólfur
og bætti við að það væri hans skoð-
un að með því að efla frumkvöðla-
starf og nýsköpun gæti samfélagið
nýtt háskólana betur en nú væri
gert.
Grunnskólar verða að
standast samanburð
Runólfur beindi orðum sínum til
sveitastjórnamanna og sagði að þeir
yrðu að leggjast á eitt til að gera
Vesturland að ákjósanlegum stað til
búsetu og setji það sem forgangsat-
riði að byggja upp bestu grtmnskóla
landsins. Lagði hann ffam nokkurs
konar „tékklista“ fyrir núverandi og
verðandi sveitarstjórnarfólk til
hliðsjónar við stefhumótun sína. I
dag sé það raunin að grunnskólar á
Vesturlandi standast engan veginn
samanburð við grunnskóla Reykja-
víkur og nágrennis og því þurfi að
breyta. „Við þurfum að setja okkur
það markmið að byggja upp bestu
grunnskóla landsins en slíkt verður
ekki gert nema saman fari fjármagn
og faglegur metnaður," segir Run-
ólfur. Hann vildi einnig styrkja
ffamhaldsskólastigið með myndar-
legri aðkomu sveitarfélaga að Fjöl-
brautaskóla Vesturlands, Fjöl-
brautaskóla Snæfellsness og hinum
nýja Menntaskóla Borgarfjarðar. I
öðru lagi þurfi sveitafélög á Vestur-
landi að fara í ffamsækna skipulags-
vinnu til að geta tekið á móti nýjum
íbúum og þá sé mikilvægt að gera
sér grein fyrir þeim breytingum
sem kunna að verða á samfélagi
okkar. Hann telur það nauðsynlegt
að sveitarfélög á Vesturlandi vinni
að markvissri markaðssetningu svo
hægt sé að kynna svæðið sem fysi-
legan búsetukost fyrir nýja íbúa
sem og fjárfesta. Runólfur benti
sveitarstjórnarmönnum á að hafa
langtímahagsmuni umbjóðenda
sinna í huga og að þeir ættu að hafa
vilja og þor til breytinga og ákvarð-
anatöku ásamt því að veita svæðum
sínum örugga og ódeiga forystu.
KÓÓ
Þætti í nærandi sam-
félagi þarf að uppfyUa
Helena Gutt-
ormsdóttir, mynd-
listamaður og kenn-
ari við Landbúnaðar-
háskóla Islands á
Hvanneyri segir það
mikilvægt að einstak-
lingurinn fái að njóta
sín svo samfélagið
geti notað krafta
þeirra. Hún sagði að
við þyrftum að vera
full af krafti í samfé-
lagi sem stöðugt kall-
ar á þátttöku
okkar.Til að svo geti
orðið þarf að tengja
betur þætti eins og
skóla- og ffæðslumál, þjónustu og
verslun, menningu og afþreyingu,
fagmennsku og metnað og ekki síst
samskipti og samvimiu. Þetta kall-
aði hún „nærandi samfélag."
Helena taldi metnaðarfullt skóla-
starf með góða tenginu út í samfé-
lagið öflugustu leiðina að nærandi
upplifun. „Við þurfum þó að hafa
augun opin til að nýta hvert tæki-
færi til skapandi verkefna og vera
meðvituð um það sem betur má
fara.“ Helena benti á að inn á
heimasíða fjögurra bæja- og sveit-
arfélaga hafi hún hvergi fundið
steftiu í menningarmálum hjá við-
komandi sveitarfélagi. Ræddi hún
um vitund fólks gagnvart menn-
ingu og tók sem dæmi að það væri
hvergi nærri ásættanlegt að ung-
lingar á Vesturlandi kannist ekki
við Ásmund Sveinsson og Helga
Þorgils Friðjónsson. „Erum við að
nýta ræturnar?" spurði hún og
benti á að hæg væru heimatökin.
„Vestlendingar ættu að njóta þess
munaðar sem umhverfi okkar býð-
ur upp á og nota sjóinn, skóginn,
rokið og skjólið, hitann og gufuna
sem andlega næringu." Þá sagði
hún að í kjölfar nýundirritaðs
menningarsamnings leggði hún til
að við settum okkur markmið og
styrktum grasrótina. „Þá eigum við
að sýna mun meiri djörfung í verk-
eftiavali og reyna að virma betur úr
því sem við höfum. Síðast en ekki
síst er afar mikilvægt að við virkjum
unga fólkið okkar.“ Ráðlagði hún
ennfremur ungum sem öldnum að
„vera til í dag en ekki í gær.“
KÓÓ
Norðan Hvalíjarðar eru allir vegir færir - segir hafiiarstjóri
Gísli Gíslason, hafnarstjóri
Faxaflóahafna sagði í erindi sínu á
Bifröst að aldrei fyrr hafi jafn mörg
tækifæri blasað við þeim sem fást
við byggðaþróun og sveitarstjórn-
armál norðan Hvalfjarðar. Það eigi
reyndar einnig við um fleiri svæði
umhverfis höfuðborgina en aldrei
fyrr hafi sjónir manna beinst að
þessu svæði í jafn ríkum mæli og nú
eigi íbúar svæðisins val og mögu-
leika á að stýra þróun með aðgerð-
um. Þá reyni á ffamsýni fólks, hug-
rekki og trú á að það sem gert er
leiði til jákvæðra breytinga. Ymsar
ákvarðanir hafi verið teknar sem
séu grundvöllur þess sem nú gerist
á svæðinu og neftidi Gísli ákvörðun
um gerð Hvalfjarðarganga, samein-
ingu orkufyrirtækja og hafnarsjóða
og einnig nefndi hann ferðir
Strætó. Með frekari aðgerðum
megi ná enn sterkari stöðu og benti
þar á gerð Sundabrautar sem hann
sagði líflínu í framtíðaruppbygg-
ingu Faxaflóahafna og þeirrar starf-
semi sem þær draga að sér.
Gísli nefni dæmi um nokkur at-
riði sem unnið er að við Reykjavík-
urhöfn og sagði í því sambandi að
verið væri að skoða möguleika á því
að flytja innfluming á plássffekri
vöru út fyrir borgarmörkin eins og
til dæmis timbur og bíla. Hann
sagði að á höfuðborgarsvæðinu
ættu sér stað hraðar og miklar
breytingar sem hefðu það í för með
sér að horfa verði til aðliggjandi
landssvæða. Þar kæmi svæðið norð-
an Hvalfjarðar til sögunnar „sem
gríðarlega mikilvægur valkosmr til
lengri framtfðar," eins og Gísli
komst að orði.
An skipulags
„Sá valkosmr mun hins vegar
ekki nýtast sem skyldi og ekki á
þeim tíma sem nauðsynlegt er
nema að til komi mjög verulegar
samgöngubætur ffá Sæbraut í suðri
að Grundartanga í norðri, en verk-
efnið hefur gengið undir nafninu
Sundabraut," sagði Gísli. Hann
ræddi kostd þá sem Grundartanga-
svæðið hefur upp á að bjóða svo
sem möguleika til stækkunar og
traust aðveitukerfi rafmagns. Á
svæðinu væri nú þegar starfsemi
sem veittu 5-600 manns atvinnu
sem að stærsmm hluta er sinnt af
íbúum á svæðinu norðan Hvalfjarð-
ar. En Grundartangasvæðið glímir
líka við veikleika að sögn Gísla og
það sé skipulag svæðisins sem sé „í
heild enn ómótað þó svo að fyrir
liggi landnotkun í aðalskipulagi,
vamsöflun til framtíðarstarfsemi á
svæðinu er skammt á veg komin og
samgöngur við höfuðborgarsvæðið
þurfa að vera betri til þess að
Grundartangi verði að því aðdrátt-
arafli sem vonir standa til að það
verði í framtíðinni," sagði Gísli.
Þrátt fyrir að skipulag svæðisins
sé skammt á veg komið eru fyrir-
tæki þegar farin að sýna áhuga á að
setja niður starfsemi sína þar.
Nefndi Gísli í því sambandi fyrir-
tæki í innflumingi á korni og áburði
auk þess sem viðræður séu í gangi
um möguleika þess að sköpuð verði
aðstaða á Grundartanga til að taka
við þeirri þjónustu sem veitt er
skipum á Mýrargötusvæðinu, en
slippstarfsemi þar verður í áföngum
hætt innan tíðar.
Lag að blása til sóknar
Þá hafi einnig verið fært í tal við
skipafélögin að áhugavert væri að
draga úr þunga-
umferð inn í höf-
uðborgina með
því að flytja út fisk
frá Grundartanga
og safna þar sam-
an þeim fiski sem
flutmr er af Vest-
urlandi, Vestfjörð-
um og Norður-
landi til útflum-
ings. „Það verk-
efni er afar spenn-
andi en slíkt
myndi einnig auka
vægi Akraneshafn-
ar sem fiskihafnar,
en það er m.a. eitt
af makmiðunum
með stofnun
Faxaflóahafna sf. Það er því verk að
vinna að koma skipulagi svæðisins í
það horf að þar megi auglýsa lóðir í
landi Klafastaða auk þess sem Kata-
nes er einnig áhugavert land til þró-
unar.“
I niðurlagi erindis síns sagði
Gísli: „Okkur norðan Hvalfjarðar
eru allir vegir færir og aldrei hafa
jafn mörg tækifæri blasað við okkur
og um þessar mundir byggist gæfa
okkar í þeim efnurn sem aldrei fyrr
á eigin afli. Það eru breyttir tímar
frá þeirri tíð þar sem samdráttur
réði ferðinni og viðspyrna sveita-
stjórna og atvinnulífs einkenndi all-
ar aðgerðir. Það er því lag að grípa
daginn og blása til þeirrar sóknar
sem mun reynast okkur happadrjúg
til lengri tíma litið.“ HJ