Morgunblaðið - 25.07.2019, Síða 55

Samhent hjón Kári Þorsteinsson og Sólveig Edda Bjarnadóttir fluttu fyrr á
þessu ári til Egilsstaða og hafa nú opnað þar veitingastaðinn Nielsen.
Þóra Kolbrá Sigurðardóttir
thora@mbl.is
Þau hjónin eru engir aukvisar þegar
veitingamennska er annars vegar
en Kári er matreiðslumeistari og
fyrrverandi yfirkokkur á Dill en þar
á undan á Kol og því hokinn af
reynslu. Sólveig Edda er markaðs-
fræðingur, fædd og uppalin á Egils-
stöðum. Þau fluttu austur í mars og
tveimur mánuðum seinna fæddist
Nielsen fullskapaður.
Að sögn þeirra hjóna er áherslan
á íslenskt hráefni af svæðinu. „Við
erum með lítinn matseðill sem
breytist ört í takt við það hráefni
sem er fáanlegt og ferskast hverju
sinni. Við kaupum til dæmis mjög
mikið af Vallanesi/Móður jörð sem
er með lífræna grænmetis- og bygg-
ræktun hér rétt fyrir utan Egils-
staði. Megnið af mjólkurvörum
fáum við frá Fjóshorninu sem er
framleiðsla Egilsstaðabýlisins. Fisk-
inn fáum við frá Borgarfirði eystri
og stundum villtan lax af svæðinu
líka. Svo er auðvitað hellingur af
villbráð eins og gæs og hreindýri
sem við notum líka, Kári veiddi
meira að segja hreindýrið sem er á
seðlinum núna,“ segir Sólveig Edda
um áherslurnar í matargerð. Í há-
deginu er svo seðill sem tekur dag-
legum breytingum þar sem áhersl-
an er á bragðgóðan og seðjandi
heimilismat.
Sólveig Edda segir viðtökurnar
hafi verið vonum framar og þau
hjónin séu sérstaklega ánægð með
þann áhuga sem heimamenn og
Austfirðingar almennt hafa sýnt
staðnum enda sé búið að vera nóg
að gera undanfarið.
Öðruvísi bragð og hráefni
Markmiðið hafi verið að bjóða
heimamönnum upp á bragðgóðan,
ferskan og öðruvísi mat sem væri
að mestu leyti úr hráefni úr heima-
byggð. „Maturinn er ólíkur öðru
sem býðst á Egilsstöðum. Við
vinnum mikið með hráefni sem
kokkarnir sækja sjálfir eins og
hvönn, kerfil, lerki og rabarbara,
sem maður sér ekki á mörgum mat-
seðlum. Við erum líka með ótrúlega
færa kokka sem geta töfrað fram
ótrúlegt og öðruvísi bragð en þeir
leggja einnig mikið upp úr faglegu
handbragði og nýtingu hráefnisins.
Vinsælasti rétturinn hingað til hefur
verið lambaprime-ið okkar, sem
hreinlega bráðnar í munni. Svo er-
um við farin að taka eftir því að fólk
kemur aftur og aftur til að fá sér
eftirrétt sem er súkkulaði-
saltkaramella með mjólkurís og
lerki, hann hefur verið mjög vin-
sæll!“
Sólveig Edda segir að þau hafi
svo sem ekki vitað hverju þau ættu
að búast við þegar þau opnuðu Niel-
sen. „Við vissum að við þyrftum að
vinna mikið og að við yrðum frekar
upptekin í sumar og það hefur svo
sannarlega verið þannig, en þetta
gengur ótrúlega vel og við höfum
ekki yfir neinu að kvarta. Við ætlum
að vera með opið allan ársins hring.
Yfir sumarið er opið alla daga vik-
unnar en á veturna ætlum við að
draga seglin saman og hafa opið
fimm daga í viku.“
Í mörg horn að líta
Nielsen hefur, eins og áður segir,
farið vel af stað og eru þau hjónin
mjög sátt við byrjunina. „Við gerð-
um okkur enga grein fyrir því
hvernig þetta yrði en þetta hefur
farið ótrúlega vel af stað og við er-
um mjög ánægð með móttökurnar,“
segir Sólveig Edda og bætir við að
það hafi helst komið þeim á óvart
hvað aukaverkefnin séu drjúg og
hvað það sé í mörg horn að líta til
að reksturinn rúlli hnökralaust.
„Alls konar lítil verkefni og atriði
sem þarf að huga að, en þetta lærist
bara með tímanum og er ótrúlega
skemmtilegt. Ekki síst að fá gesti
sem eru yfir sig ánægðir en svo
finnst okkur sérstaklega gaman að
fá fólk sem er forvitið og til í að
prófa alls konar nýtt í matargerð.
Fólk sem hefur margar spurningar
og pælir mikið í hráefninu sem við
notum, það er svo gaman að gefa
svoleiðis mataráhugafólki að borða.“
Húsnæði með sál Nielsen
er til húsa í einu elsta húsi
Egilsstaða sem búið er að
gera fallega upp.
Komin heim á Egilsstaði
Fyrr á þessu ári tóku þau Kári Þorsteinsson og Sólveig Edda Bjarnadóttir
þá ákvörðun að flytja á heimaslóðir hennar á Egilsstöðum og opna þar
veitingastað. Staðurinn hlaut nafnið Nielsen og er ólíkur öðru því sem
býðst á svæðinu. Hróður hans hefur farið víða og ljóst að opnun hans
er mikill happafengur fyrir Héraðsbúa og nærsveitunga.
Matarást Matseðillinn er sérlega
girnilegur og hafa matgæðingar
hælt staðnum í hástert.
Meistaramatur Maturinn
þykir hreinasta afbragð
en þau hjón reyna að
nota eins mikið hráefni
af Héraði og kostur er.
MORGUNBLAÐIÐ FIMMTUDAGUR 25. JÚLÍ 2019
laugavegi 47 www.kokka.is kokka@kokka.is
Pappelina á pallinn
Pappelina er tilvalinn félagi bæði innan
og utandyra. Kíktu á úrvalið í Kokku eða á
kokka.is