Morgunblaðið - 27.07.2019, Blaðsíða 39

ÍÞRÓTTIR 39
MORGUNBLAÐIÐ LAUGARDAGUR 27. JÚLÍ 2019
„Eru Framararnir þínir að
klúðra þessu?“ „Hvað gera þínir
menn í Fram í sumar?“ „Þetta
var ekki nægilega gott hjá þínum
mönnum í Fram.“
Þetta er meðal þess sem ég
hef heyrt í blaðamannastúkum á
knattspyrnuvöllum á síðustu vik-
um. Nú er ég enginn Framari,
alls ekki. Ég hef hins vegar óvart
misst út úr mér einhvern tímann
að mér þætti örlítið vænt um
karlalið Fram í fótbolta og þá hef
ég sést á örfáum leikjum liðsins
í sumar.
Þar spilar aðallega inn í
tvennt. Annars vegar er gott
vinafólk mitt harðir Framarar og
hafa reglulega dregið mig með á
völlinn í gegnum árin. Það er
auðvelt að samgleðjast þeim,
þótt ég hafi að vísu oftar fundið
til með þeim á síðustu árum.
Hins vegar er auðvelt að bera
saman Fram og Leeds United, fé-
lagið sem ég styð í enska bolt-
anum. Bæði eru þau gömul stór-
veldi, sem hafa sannarlega séð
betri tíma. Sofandi risar, myndu
einhverjir segja. Þau eru búin að
vera föst lengi í B-deild og virð-
ast ekkert voðalega líkleg til
þess að breyta því á næstunni.
Þá er mikið af frægum
stuðningsmönnum beggja fé-
laga. Leikarinn Russell Crowe,
kylfingurinn sir Nick Faldo og
Matthew Lewis, sem leikur Ne-
ville Longbottom í Harry Potter-
kvikmyndunum, eru stuðnings-
menn Leeds. Sagnfræðingurinn
Stefán Pálsson, rithöfundurinn
Einar Kárason og kvikmynda-
gerðarmaðurinn Friðrik Þór Frið-
riksson eru t.a.m. allt Framarar.
Hægt væri að þylja upp mun
fleiri.
Ég er ekki orðinn það mikill
Framari að ég standi upp og
klappi þegar liðið skorar og ekki
tek ég þátt í „siggi saggi siggi
saggi“ eftir leik. Sjáumst samt á
vellinum næsta miðvikudag.
BAKVÖRÐUR
Jóhann Ingi
Hafþórsson
johanningi@mbl.is
KNATTSPYRNA
Úrvalsdeild karla, Pepsi Max-deildin:
Mustad-völlur: Grindavík – ÍBV............ S16
Greifavöllur: KA – FH............................ S17
Norðurálsvöllur: ÍA – Valur.............. S19.15
Würth-völlur: Fylkir – KR................ S19.15
Úrvalsdeild kvenna, Pepsi Max-deildin:
Kópavogsv.: Breiðablik – Keflavík........ L14
Þórsvöllur: Þór/KA – ÍBV ................ L15.30
Meistaravellir: KR – Fylkir ................ LS14
1. deild karla, Inkasso-deildin:
Grenivíkurvöllur: Magni – Fjölnir ........ L16
2. deild karla:
Dalvíkurv.: Dalvík/Reynir – Þróttur V. L14
Húsavíkurvöllur: Völsungur – Kári ...... L14
Olísvöllur: Vestri – Selfoss..................... L14
Sauðárkr.: Tindastóll – Fjarðabyggð ... L16
3. deild karla:
Vilhjálmsv.: Höttur/Huginn – Reynir S L14
KR-völlur: KV – Einherji ...................... L14
Valsvöllur: KH – KF .............................. L15
Sindravellir: Sindri – Álftanes .............. L16
GOLF
Origo-Íslandsmót golfklúbba, liðakeppnin,
heldur áfram á Leirdalsvelli hjá GKG og á
Urriðavelli hjá GO þar sem keppt er í 1.
deildum karla og kvenna. Riðlakeppni lýk-
ur um hádegi í dag, undanúrslit fara fram
síðdegis og úrslitaleikir hefjast í fyrramál-
ið. Keppt er í 2. deild karla í Vestmanna-
eyjum og í 2. deild kvenna á Akranesi.
FRJÁLSÍÞRÓTTIR
Bikarkeppni FRÍ fer fram í Kaplakrika í
dag og hefst kl. 11.30 með stangarstökki
kvenna. Aðalkeppnin hefst kl. 13 og lýkur
með 1.000 m boðhlaupum karla og kvenna
kl. 14.45. Átta lið keppa, Breiðablik, FH-A,
FH-B, Fjölnir/Afturelding, HSK, ÍR-A,
ÍR-B og UMSS/KFA.
KRAFTLYFTINGAR
Íslandsmótið í réttstöðulyftu fer fram í
Smáranum í Kópavogi í dag kl. 13.
UM HELGINA!
ENGLAND
Bjarni Helgason
bjarnih@mbl.is
Knattspyrnukonan Rakel Hönnu-
dóttir er á leið inn í sitt fyrsta heila
tímabil með enska úrvalsdeildarlið-
inu Reading en hún skrifaði undir
eins og hálfs árs samning við félag-
ið í lok janúar á þessu ári. Rakel
fór frábærlega af stað með enska
liðinu og skoraði fjögur mörk í
ensku bikarkeppninni, þar af sig-
urmörk gegn Birmingham og Man-
chester United, en Reading fór alla
leið í undanúrslit bikarkeppninnar
á síðustu leiktíð þar sem liðið tap-
aði fyrir West Ham í vítakeppni.
Rakel er komin aftur til Eng-
lands eftir stutt stopp á Íslandi og
hún undirbýr sig nú af krafti fyrir
tímabilið í ensku úrvalsdeildinni
sem hefst þann 8. september næst-
komandi þegar Reading sækir Liv-
erpool heim.
„Ég kom út 9. júní og er bara
búin að vera að æfa á fullu síðan.
Við byrjuðum frekar rólega og er-
um bara búnar að vera að byggja
okkur hægt og rólega upp. Ég var
að glíma við beinmar rétt fyrir of-
an hnéð þegar ég kom út þannig að
ég mætti aðeins fyrr en liðið.
Fyrstu dagarnir mínir fóru svo
bara í það að æfa með sjúkraþjálf-
ara og að hlaupa. Þetta undirbún-
ingstímabil hefur verið eitt það erf-
iðasta sem ég hef gert. Þetta er
náttúrlega mun styttri tími heldur
en undirbúningstímabilið heima á
Íslandi sem dæmi og þetta er því
mun snarpara og þéttara hérna úti
en samt sem áður mjög skemmti-
legt.“
Háleit markmið fyrir tímabilið
Reading endaði í fimmta sæti
ensku úrvalsdeildarinnar á síðustu
leiktíð og þá fór liðið alla leið í und-
anúrslit bikarkeppninnar eins og
áður sagði. Rakel kom við sögu í
fimm deildarleikjum með liðinu á
síðustu leiktíð, þrisvar kom hún
inn á sem varamaður og tvívegis
var hún í byrjunarliðinu, en eftir
tvo leiki í röð í byrjunarliðinu
meiddist hún og missti þar af leið-
andi af restinni af tímabilinu.
„Liðið hefur ekki ennþá sest nið-
ur og sett sér ákveðin markmið
fyrir tímabilið en við viljum allar
gera betur en í fyrra. Við lentum í
fimmta sæti á síðustu leiktíð en
tímabilið þar áður lentum við í
fjórða sæti. Það voru ákveðin von-
brigði að lenda neðar síðasta vor
en mér heyrist það á öllu að mark-
miðin í ár séu háleit. Það eru frá-
bær lið í þessari deild og sterkustu
þrjú liðin í deildinni eru komin að-
eins lengra en önnur lið en að sama
skapi hefur deildin verið mjög jöfn
og þetta verður því mjög spenn-
andi tímabil. Ég er búin að setja
mér þau markmið að vinna mér inn
fast sæti í byrjunarliðinu. Ég kom
inn í liðið á miðju tímabili á síðustu
leiktíð og það var þess vegna erfitt
fyrir mig að ætla að labba beint inn
í byrjunarliðið á þeim tíma. Þegar
ég náði svo að byrja tvo leiki í röð
meiddist ég og datt þar af leiðandi
út úr liðinu sem var svekkjandi en
ég vil fyrst og fremst spila og gera
mitt allra besta fyrir Reading.“
Umgjörðin með besta móti
Úrvalsdeildin á Englandi er at-
vinnumannadeild og því er um-
gjörðin þar í takt við það en Rakel
viðurkennir að aðstaðan og ut-
anumhaldið á Englandi sé það
flottasta sem hún hefur kynnst á
sínum ferli.
„Það er allt hrikalega flott hérna
og við erum með fjóra þjálfara,
einn markmannsþjálfara, þrjá
sjúkraþjálfara, lækni sem kemur
einu sinni í viku og svo bún-
ingastjóra þannig að umgjörðin í
kringum liðið er sú langflottasta
sem ég hef orðið vitni að á mínum
ferli. Þetta er atvinnumannadeild
og allir leikmennirnir sem spila
hérna eru atvinnukonur þannig að
umgjörðin er á hæsta stigi. Þegar
tímabilið er í gangi æfum við á
morgnana og eigum svo frí yfir
daginn og á kvöldin, en ég æfði
alltaf á kvöldin í Svíþjóð. Að sama
skapi leið mér mjög vel í Svíþjóð
og það var allt tipptopp þar en
þetta er ennþá flottara hérna á
Englandi. Eins og þetta hefur ver-
ið hjá mér núna á þessu undirbún-
ingstímabili þá fer ég út á morgn-
ana um áttaleytið og kem heim í
kringum 17-leytið þannig að þetta
er í raun bara eins og hver annar
„níu til fimm“ vinnudagur.“
Aðsóknin mest í bikarnum
Reading lék flesta heimaleiki
sína á Adams Park-vellinum í Wy-
combe á síðustu leiktíð en völlurinn
er um 30 km fyrir utan Reading.
Rakel viðurkennir að það sé
skemmtilegra að spila á Madejski-
vellinum í Reading en liðið fær í
kringum 2.000 manns á leiki hjá
sér að meðaltali yfir tímabilið.
„Við fáum einhverja leiki á Ma-
dejski-vellinum en ég veit ekki ná-
kvæmlega hvernig niðurröðunin á
þessu er. Áhorfendafjöldinn hjá
okkur á síðustu leiktíð var mjög
misjafn en ég held að við höfum
verið að fá í kringum 2.000 manns
á leiki hjá okkur að meðaltali. Svo
komu fjögur til fimm þúsund
manns á undanúrslitaleikinn í bik-
arnum hjá okkur sem var ótrúleg
upplifun og sýnir manni bara að
áhuginn er svo sannarlega til stað-
ar. Við spiluðum meirihluta heima-
leikjanna okkar á Adams Park á
síðustu leiktíð en sá völlur er í hálf-
tíma fjarlægð frá Reading og eðli-
lega mættu færri á völlinn þá en
þegar við spiluðum á Madejski-
vellinum sem er í Reading.“
Áhuginn alltaf að aukast
Enska kvennalandsliðið hefur
verið á mikilli uppleið á undan-
förnum árum. Liðið er í dag í
fimmta sæti heimslistans en Eng-
land fór alla leið í undanúrslit á
HM í Frakklandi í sumar og á Evr-
ópumeistaramótinu í Hollandi
2017. Rakel segir að mikill upp-
gangur sé í kvennaknattspyrnunni
á Englandi og að áhuginn á deild-
inni hafi aukist mikið frá því hún
kom í janúar.
„Ég er búin að vera úti núna síð-
an í janúar og áhuginn á kvenna-
boltanum bara frá því að ég kom til
Reading hefur aukist mikið. Það er
mjög gaman að sjá umgjörðina í
kringum liðin og deildina verða
betri og betri með hverjum deg-
inum sem líður. Deildin gerði mjög
stóran samning við Barclays-
bankann í sumar og sá samningur
gerir helling fyrir kvennafótbolt-
ann. Það er búið að vinna mikið í
litlum hlutum á bak við tjöldin,
undanfarna mánuði, og það er því
mikill uppgangur í kvennabolt-
anum á Englandi það er frábært að
vera þátttakandi í því,“ sagði Rak-
el í samtali við Morgunblaðið.
Virkur þátttakandi í upp-
gangi enska fótboltans
 Rakel Hönnudóttir býr sig undir fyrsta heila tímabilið í úrvalsdeildinni
Ljósmynd/Neil Graham
Reading Rakel Hönnudóttir í leik með Reading gegn West Ham á síðasta tímabili. Fyrsti leikur á nýju tímabili er
gegn Liverpool á útivelli 8. september en viku áður eru tveir fyrstu leikir Íslands í undankeppni EM á dagskrá.
Gunnar Ólafsson landsliðsmaður í
körfuknattleik er hættur hjá Keflvík-
ingum en hann staðfesti í viðtali sem
birtist á mbl.is í gær að hann hefði rift
samningi sínum við félagið. Ástæðan
er sú að sögn Gunnars að hann ætlar
sér að spila erlendis á næsta keppn-
istímabili. Gunnar er 26 ára gamall
bakvörður, uppalinn í Fjölni en lék
með Keflavík í eitt ár áður en hann
fór í St. Francis-háskólann í Banda-
ríkjunum og svo aftur á síðasta tíma-
bili. Hann hefur spilað 14 A-landsleiki
og er í landsliðshópnum sem býr sig
undir forkeppni EM.
Gunnar ætlar
að spila erlendis
Morgunblaðið/Hari
Breytingar Gunnar Ólafsson á
landsliðsæfingu í vikunni.
Íslendingaliðið Kristianstad varð af
tækifæri til að þjarma að topp-
liðunum í sænsku úrvalsdeildinni í
knattspyrnu í gær þegar liðið tap-
aði á heimavelli fyrir Vittsjö 3:0.
Vittsjö er í 3. sæti með 17 stig eftir
9 níu leiki en Kristianstad með 14
stig eftir 9 leiki. Gautaborg er á
toppnum með 18 stig. Sif Atladóttir
og Svava Rós Guðmundsdóttir lék
allan leikinn með Kristianstad sem
Elísabet Gunnarsdóttir stýrir.
Andrea Thorison kom inn á sem
varamaður hjá Limhamn Bunkeflo
sem tapaði fyrir Våxjö á útivelli 3:1.
Tap á heimavelli
hjá Kristianstad
Morgunblaðið/Kristinn Magnússon
Svíþjóð Sif Atladóttir er í lykil-
hlutverki í vörn Kristianstad.