Útvegur - 01.08.2003, Síða 152

150
Innflutt hráefni til fiskvinnslu
8. Innflutt hráefni til fiskvinnslu
8. Imported raw material forfish processing
Innflutt hráefni til fiskvinnslu árið 2002 var tæplega 161
þúsund tonn eða nærri sama magn og á árinu 2001. Hins
vegar jókst verðmæti þessa innflutnings um tæpan 1,2
milljarð króna, fór úr 4,7 milljörðum króna árið 2001 í 5,9
milljarða króna árið 2002. Frá árinu 2001 jókst innflutningur
á þorski um tæp 4 þúsund tonn og var hann 6.300 tonn að
verðmæti 794 milljónir króna. Þá jókst inntlutningur á ufsa
um 850 tonn, flutt voru inn 1.245 tonn fyrir tæpar 74
milljónir króna.
Að magni til er uppsjávarfiskur fyrirferðamestur. Alls
voru flutt inn 117 þúsund tonn sem er samdráttur um tæp 11
þús. tonn. Verðmæti þessa uppsjávarafla jókst hins vegar
um 61 milljón króna. Af loðnu voru flutt inn 109 þúsund
tonn sem er aukning um rúm 23 þúsund tonn en nokkru
minna var flutt inn af kolmunna samanborið við árið 2001.
A árinu 2002 voru tonnin 6.700 talsins en tæplega 41
þúsund á árinu 2001.
Innflutningur á rækju ber uppi verðmæti innflutts sjávar-
afla til fiskvinnslu. Flutt var inn rækja fyrir 4 milljarða
króna á árinu 2002 sem er tæplega 500 milljóna króna
aukning í virði. Magn rækju á árinu 2002 nam tæplega 36
þúsund tonnum og jókst um nærri 6 þúsund tonn.
Sé innfluttur afli skoðaður eftir skráningarríki skipa þá
keyptu Islendingar mest af norskum skipum eða rúm 52
þúsund tonn. Af grænlenskum skipum voru keypt 38 þúsund
tonn, af færeyskum skipum 23 þúsund tonn og af dönskum
skipum voru keypt rúmt 21 þúsund tonn. Ef horft er á
verðmæti þessa afla þá var það mest af norskum skipum eða
tæpir 2,8 milljarðar króna og vegur þar þungt að rúmlega 21
þúsund tonn af rækju komu af norskum skipum.
Mest af innfluttu hráefni var skipað upp á Austfjörðum
eða 65 þúsund tonn og vega uppsjávartegundir þar þyngst.
A Norðurlandi eystra var mestu skipað upp af þorski eða
tæplega 4.500 tonnum en af rækju var mestu skipað upp á
Vestfjörðum eða tæplega 12 þúsund tonnum og tæplega 10
þúsund tonnum á Norðurlandi vestra.
Mynd. 8.1 Magn innflutts hráefnis til fiskvinnslu á íslandi 1997-2002
Figure 8.1 Quantity of imported raw materialforfish processing in Iceland 1997-2002