Víkurfréttir - 05.09.2019, Blaðsíða 10

Árið 2000
Sjómannamerkið flutt
Ákveðið var að flytja minnismerki sjómanna frá bakgarðinum við Holtaskóla,
en þar hafði það staðið frá árinu 1978. Þetta fallega listaverk Ásmundar
Sveinssonar fékk nýjan stað við Norðfjörðsgötu, þar sem það hefur verið
síðan. Þetta ár sáu um 20.000 manns glæsilega flugeldasýningu sem var
hápunktur Ljósanætur. Viðar Oddgeirsson tók saman gömul myndbrot frá
sögu bæjarins og sýndi í fyrsta sinn.
Upphafið að einhverju stóru
Fyrsta Ljósanæturhátíðin árið 2000 heppnaðist mjög vel en var ekki fjölmenn miðað við seinni hátíðir en mjór er
mikils vísir. Þetta má sjá á myndinni frá flugeldasýningunni, þar er ekki þéttur mannfjöldi niðri við sjó. Eitthvað var
um skemmtiatriði og nokkuð um listsýningar en menning og listir áttu sannarlega eftir að aukast mikið á komandi
árum. Þá voru verslunareigendur og þjónustuaðilar einnig fljótir að taka við sér með tilboð. Á myndinni til vinstri
má sjá gesti pútta á Keflavíkurtúni og gamla svip á Duus-húsum.
Íslendingur lýstur upp á Ljósanótt
Víkingaskipið Íslendingur sigldi inn Stakksfjörðinn með tilkomumiklum
hætti á þriðju hátíðinni, árið 2002. Það var ljósum prýtt í tilefni Ljósanætur.
Hér (á myndinni að neðan) sést fleyið koma inn að Keflavíkurbergi sem er
upplýst. Veðurblíða var eins og svo oft á Ljósanótt mörg fyrstu árin.
Árið 2001
Árið 2002
Ljósanæturframkvæmdir
Forráðamenn Reykjanesbæjar hafa jafnan notað Ljósanótt sem tímamarkmið eða tímaramma varðandi hinar og
þessar framkvæmdir. Hér má sjá starfsmenn Nesprýði árið 2003 að helluleggja Hafnargötuna niður við Duus-
torfuna. Við Víkurfréttamenn höfum yfirleitt verið á þönum við útgáfuna fyrir hátíðina og því sjaldan verið beinir
þátttakendur en árið 2003 héldum við þó ljósmyndasýningu. Sýndum þá myndir úr safni Víkurfrétta. Hér má sjá Pál
Ketilsson, ritstjóra og Hilmar Braga Bárðarson, fréttastjóra, með Einar Júlíusson, pottafyrirsætu, á einni myndinni.
Ritstjórinn hafði þetta svolítið fjölskyldutengt þetta árið því Hildur Björk dóttir hans var förðuð í ljósanæturlitunum
og var fyrirsæta á forsíðu dagskrárblaðs VF.
Árið 2003
Gulldrengirnir verðlaunaðir
Árið 2004 voru Gulldrengir Keflavíkur heiðraðir með stjörnuspori fyrir
framan K-sport á Hafnargötunni í miðbæ Keflavíkur. Þetta voru náttúru-
lega knattspyrnuhetjur bítlabæjarins sem unnu fjóra Íslandsmeistaratitla
á árunum 1964 til 1973 og einn bikarmeistaratitil til viðbótar. Meðal atriða
var heimsókn Landhelgisgæslunnar en þyrla frá henni kom til Keflavíkur og
sést hér á skemmtilegrimynd.
Árið 2004
10 LJÓSANÓTT 20 ÁRA f immtudagur 5. september 2019 // 33. tbl. // 40. árg.