Víkurfréttir - 05.09.2019, Blaðsíða 16

Ljósanótt 2019
Björgin Geðræktarmiðstöð Suðurnesja verður með
Geðveikt kaffihús
og markað
6. og 7. september á Suðurgötu 15–17
(Hvammur) frá kl.11.00 til 18.00.
Handgerðir munir og heimabakað bakkelsi
verður til sölu. Nýbakaðar vöfflur og heitt kaffi
á könnunni á góðu verði.
Endilega kíkið við, styrkið gott málefni
og eigum góðar stundir saman.
Heimilisþrif
Ég heiti Elona og ég tek að mér heimilisþrif.
Fagleg og persónluleg þjónusta, tek með mér
öll helstu hreinsiefni og nauðsynlegan búnað.
Innifalið í þrifum:
n Gólf ryksugað og skúrað
n Þurrkað af öllum helstu yfirborðsflötum
n Baðherbergi þrifin, klósett, vaskur, bað/
sturta og þurrkað af baðinnréttingu.
n Þurrkað af öllum speglum
n Búið um rúm og skipt um rúmföt
sé óskað eftir því
n Eldhús þrifið, eldavél, örbylgjuofn,
ísskápur að utan og þurrkað af
eldhúsinnréttingu.
n Allar ruslafötur tæmdar.
Verð frá 15.000-30.000 kr. eftir stærð.
Elona Stanislavsdóttir
Sími: 861-3127
E-mail: elona.stan@gmail.com
Allt hreint þjónustar fjölda fyrirtækja og stofnanir í Reykjanesbæ sem og
á höfuðborgarsvæðinu. Allt hreint býður fyrirtækjum og stofnunum upp
á reglubundnar ræstingar. Við áttum samtal við Halldór Guðmundsson en
hann ásamt eiginkonu, Ingu Rut Ingvarsdóttur, eiga fyrirtækið Allt hreint.
Áratuga reynsla
„Ég er búinn að vinna við ræstingar í
32 ár. Ég var átján ára þegar ég byrjaði
að vinna við ræstingar í flugstöðinni
og hef ekki unnið á mörgum stöðum
um ævina. Ég var aldrei hræddur við
að henda mér í djúpu laugina en það
gerði ég aðeins 20 ára þegar mér var
boðið að vera vaktstjóri. Allt hreint
hefur á bak við sig ræstingarfólk sem
hefur áratuga reynslu af ræstingum
en við leggjum sérstaklega áherslu á
persónuleg samskipti við verkkaupa.
Við veitum einnig alla þá aðstoð sem
þörf er á, hvað varðar ráðgjöf og fleira.
Þegar ég var 24 ára stofnaði ég þetta
fyrirtæki því ég vildi vinna hjá sjálfum
mér. Það þarf alltaf að hreinsa og
þrífa alls staðar. Í dag eigum við þetta
saman við hjónin en konan mín sér
um skrifstofuna, launin, reikninga og
innheimtu en ég sinni rekstrinum,
mannaráðningum og verkstjórn,“
segir Halldór.
Misstum þetta í hruninu
„Við misstum þetta í hruninu en okkur
tókst að eignast fyrirtækið aftur á átta
árum og erum ánægð með reksturinn
í dag. Orðspor fyrirtækisins er gott og
það skiptir öllu í þessum geira. Okkur
helst einstaklega vel á kúnnum og
einnig starfsfólki. Starfsfólkið okkar
er þjálfað í upphafi og ákveðnar verk-
lagsreglur kenndar þeim. Það skiptir
máli að allir standi sig vel. Við erum
með ca 40 manns í vinnu, hörkudug-
legt starfsfólk sem við erum mjög
ánægð með. Hér er starfsaldur mjög
hár, margir hafa unnið hjá okkur í yfir
tíu ár og enn fleiri yfir fimm ár sem
er ekki algengt þegar um ræstingar er
að ræða, en verkstjórinn hefur til að
mynda unnið hjá okkur í yfir 25 ár, en
það er Andrea Karlsdóttir. Við viljum
halda í starfsfólkið okkar og gerum
vel við þau. Við aðlögum vinnutíma að
þeim sem þurfa þess vegna leikskóla
og fleira og erum með launakerfið
greitt eftir dagvinnu og næturvinnu
en ekki á jafnaðartaxta. Þegar við
hlúum að starfsfólkinu okkar svona
þá helst það betur í vinnu hjá okkur.
Við höfum reynt að brjóta upp og
bjóða upp á viðburði með þeim. Allt
er þetta gert til þess að skapa góðan
liðsanda og góða stemningu á vinnu-
staðnum,“ segir Halldór.
Fullt af verkefnum í dag
„Við þjónustum yfir 60 verkkaupa
sem eru í föstum viðskiptum hjá Allt
hreint, að stærstu leyti erum við hér á
svæðinu en einn starfsmaður er fyrir
okkur í Reykjavík. Í dag sinnum við
eingöngu föstum þrifum hjá fyrir-
tækjum og stofnunum og erum hætt
að taka að okkur að hreinsa nýbygg-
ingar. Við notum umhverfisvæn
efni og erum með svansvottun, eina
fyrirtækið á þessu sviði hér á Suður-
nesjum. Það hafa orðið svo miklar
breytingar í viðhorfi almennings til
umhverfisverndar að við erum ekki
gjaldgeng alls staðar nema að vera
með umhverfisvæna vottun. Við
flytjum inn öll efni sjálf. Við erum
með lager og erum mjög vel tækjum
búin, það skiptir máli. Reksturinn
gengur mjög vel og við erum glöð með
stöðu fyrirtækisins,“ segir Halldór.
Margir minnast Gvends þribba sem þótti kyn-
legur kvistur í gömlu Keflavík á árum áður.
Þann 25. september árið 1911 eignaðist fátæk
móðir að Fossi í Arnarfirði þríbura, Gvend
þribba og tvö önnur börn en aðeins Gvendur
lifði af fæðinguna og komst til fullorðinsára.
Hann var skírður Guðmundur en ávallt kall-
aður Gvendur þribbi.

Skírður eftirnafni í höfuðið á
kaupfélagsstjóra
Á þessum tíma var Pétur Snæland kaup-
félagsstjóri í Kaupfélaginu á Flateyri í
Önundarfirði. Hann fann til með fátækri
móðurinni og gaf henni að borða. Konan
ákveður að skíra drenginn sem lifði, Guð-
mund Snæland, þessu sama eftirnafni með þakklæti og
af virðingu við góða kaupfélagsstjórann.
Snyrtimenni sem angaði af Old
spice
Þótt Gvendur væri yfirleitt ölvaður
var hann ætíð mikið snyrtimenni og
kurteis. Hann kallaði sig heimsfrægan
munnhörpuleikara um allt Ísland.
Í seinni tíð gekk hann yfirleitt um í
nokkurs konar einkennisbúningi,
sem gátu verið allskonar. Oft var
hann klæddur síðum dökkum frakka
með kasketi á höfði eða jakka með
hatt á höfði. Hann bauðst til að spila
á munnhörpu sína fyrir börn og
fullorðna á götum Keflavíkur en
hann átti nokkrar munnhörpur.
Laglínan var ekkert allt of skýr og fólk
áttaði sig ekki alltaf á því hvaða lag hann væri að spila. En þetta
var góður kall og glaðlyndur, sjálfsagt eilítið sérvitur. Gvendur angaði
af Old spice rakspíra, bæði úr munni og af andliti en á þessum tíma
drukku menn jafnvel rakspíra eða bökunardropa til að drýgja aurinn.
Hann tók í nefið og var með silfurhringi í stærri kantinum nánast á
hverjum fingri.
Allir þekktu Gvend þribba
Valtýr Guðjónsson skrifaði grein
í Tímanum, um Guðmund Snæ-
land, Gvend þribba, í tilefni sex-
tíu ára afmælis hans árið 1971,
sem lýsir persónu hans vel;
„Guðmundur hefur ávallt verið
barn síns tíma, síungur og fylgzt
með nýjungum. Það var því
ósköp eðlilegt, er innrás Vest-
firðinga hófst til að skapa nýja
og skemmtilegri Keflavik, að
snillingurinn fylgdi líka í kjöl-
farið og flyttist hingað suður,
þar sem hann hefur alið aldur
síðan. Varla er til það smábarn, að það
kannist ekki við þennan heiðursmann, sem þrátt fyrir
erfið spor og erfiða sjúkralegu eftir válegt slys, heldur alltaf sínu
striki, brosandi og hamingjusamur, og sýnir okkur hinum, sem ef til
vill höfum verið eilítið heppnari í lífinu, hvernig sannur lífsspekingur
á að lifa lífinu. Á þeim dögum, sem liðnir eru síðan þetta var ritað,
hefur Guðmundur að minnsta kosti tvívegis hafnað brottför af leik-
sviði jarðlífsins, — hann hefur ekki að svo komnu viljað ganga eilífð-
arfaðminum endanlega á hönd, heldur skotið honum ref fyrir rass.
Sjálfur er hann og hefur verið fús að rétta þeim hjálparhönd, sem
hjálpar þurfa, eftir því sem kraftar leyfa: ekki sízt var hann góður að
moka. Megi honum verða að ósk sinni um að lifa lengi á meðal okkar
eins og hann langar mikið til. Og ef sá, sem á hæstum situr tróninum
kynni að heyra þá frómu ósk, hver veit þá nema hann virði hana og
uppfylli. Allir vilja nú samt komast heim. Og þegar G.Snæland klæðist
búningi hefðarmanna lögregluforingja eða jafnvel hershöfðingja, því
svo ber við, þá er það hann, göngumaður um stræti og torg.“
Ljós líðandi stundar
Gvendur þribbi sagði sjálfur eftirfarandi í tilefni afmælisins; „Mér
þætti rétt, að þú létir þau tiðindi berast að ekki hafa allir keisarar átt
þvi að fagna að vera Ijós líðandi stundar í eigin augum og allra þeirra
sem líta rétt á hlutina né heldur því að verða sextugir.“
Gvendur þribbi dvaldi á elliheimilinu
Hlévangi í Keflavík síðustu æviár sín
og dó árið 1981, sjötugur að aldri.
Aleigan hans komst fyrir í tveimur
skókössum.

Örsýning verður á persónu-
legum munum úr eigu
Gvends þribba í Duushúsum
á Ljósanótt. Það er Byggða-
safn Reykjanesbæjar sem
stendur að örsýningunni.
„Skiptir máli að skapa góðan liðsanda,“ segir Halldór Guðmundsson,
eigandi ræstingafyrirtækisins Allt hreint sem er með 40 manns í vinnu.
Vildi vinna hjá sjálfum sér
Mar ta Eiríksdóttir
marta@vf.is
VIÐTAL
EFTIRMINNILEGIR BÆJARBÚAR
GVENDUR ÞRIBBI,
ÓKRÝNDUR KEISARI
16 REYKJANESBÆR 25 ÁRA f immtudagur 5. september 2019 // 33. tbl. // 40. árg.