Fréttablaðið - 18.05.2019, Blaðsíða 22

FÓTBOLTI Franska knattspyrnu-
félagið Lyon getur í dag tryggt
sér sigur í Meistaradeild Evrópu í
knattspyrnu kvenna í sjötta skipti
en liðið er sigursælasta liðið í sögu
keppninnar. Ljónið á vegi Lyon er
Barcelona en spænska liðið er alger-
lega blautt á bak við eyrun á þessu
stigi keppninnar.
Fari Barcelona með sigur af hólmi
í þessum leik þá brýtur félagið blað í
sögunni en spænska félagið verður
þá það fyrsta til þess að eiga lið
sem hefur unnið keppnina bæði í
kvenna- og karlaflokki. Barcelona
hefur undanfarið vaknað til lífsins
hvað kvennaknattspyrnu varðar og
eytt miklu púðri í liðið.
Fréttablaðið fékk Daða Rafnsson,
sérfræðing um kvennaknattspyrnu,
til þess að ræða það hvernig leik
búast megi við og líklegri þróun
hans.
„Lyon er með mun sterkara lið
á pappírnum og ef farið er yfir
byrjunarlið og leikmannahóp
liðanna leikmann fyrir leikmann
þá er Lyon með sterkari leikmenn
í öllum stöðum. Ég myndi segja að
getumunurinn sé þó nokkur og ef
allt verður eðlilegt fer Lyon með
sannfærandi sigur af hólmi,“ segir
Daði um leikinn.
„Barcelona er með mjög spenn-
andi lið sem er rísandi stórveldi
í kvennaknattspyrnu en liðið er
ekki komið á þann stall sem Lyon er
á. Að mínu mati er Wolfsburg með
næstbesta lið Evrópu um þessar
mundir og Lyon sló þýska liðið úr
leik fyrr í keppninni að þessu sinni.
Það er mikill uppgangur í spænskri
kvennaknattspyrnu og til að mynda
eru spænsku yngri landsliðin í
fremsta gæðaf lokki. Barcelona er
svo að bæta við sig mjög sterkum
leikmönnum fyrir næsta tímabil
og orðað við fremstu leikmenn
heims og ég held að spænsk félags-
og landslið muni ýta við valdajafn-
væginu í kvennaknattspyrnunni í
Evrópu og í heiminum næsta ára-
tuginn,“ segir Daði enn fremur.
„Lyon er hins vegar bara með
draumalið og hefur á að skipa Ödu
Hegerberg sem er besti leikmaður
heims og varnarlína Barcelona
er veikasti hluti liðsins. Ég held
að Barcelona muni eiga í miklum
vandræðum með hana og aðra
framherja liðsins. Það verður mjög
gaman að sjá einvígi Asisat Oshoala,
nígeríska framherjans í liði Barce-
lona, og Wendie Renard, burðaráss
í vörn Lyon. Oshoala er stór og
sterkur framherji sem getur velgt
Renard undir uggum hvað varðar
hæð, styrk og hraða,“ segir hann
þegar hann er beðinn um að bera
liðin saman.
„Barcelona er svo með leikmenn
á borð við Lieke Mertens og Tony
Duggan sem geta hæglega sært
vörn Lyon en ég held hins vegar
að franska liðið muni ná að halda
þeim í skefjum. Barcelona spilar
skemmtilegan fótbolta með snöggu
spili og tæknilega góða leikmenn í
f lestum stöðum. Þær munu ekki
leggjast í vörn og reyna að hafa
betur í þessum leik. Þetta eru tvö
mjög vel spilandi og skemmtileg
knattspyrnulið og það verður mjög
gaman að horfa á þennan leik. Ef ég
ætti að leggja pening undir á það
hvernig leikurinn fer þá myndi
ég tippa á Lyon og myndi ávaxta
pund mitt vel ef ég spáði fyrir um
spænskan sigur,“ segir Daði um lík-
legan sigurvegara leiksins.
hjorvaro@frettabladid.is
Lyon mun líklegra til þess að
vinna Meistaradeild Evrópu
Barcelona freistar þess í dag að bera sigur úr býtum í Meistaradeild Evrópu í knattspyrnu kvenna í fyrsta
skipti í sögu félagsins. Mótherji spænska liðsins í úrslitaleik keppninnar er hins vegar franska stórveldið
Lyon sem þykir mun sigurstranglegri aðilinn í leiknum. Barcelona getur hins vegar klárlega sært Lyon.
FÓTBOLTI Úrslitaleikur ensku bikar-
keppninnar í knattspyrnu karla fer
fram á Wembley klukkan 16.00
í dag. Þar leiða saman hesta sína
Manchester City sem hefur nú þegar
tryggt sér enska meistaratitilinn og
enska deildabikarinn á leiktíðinni
og Watford sem hafnaði í tíunda
sæti ensku úrvalsdeildarinnar eftir
gott keppnistímabil.
Fyrir Manchester City er hvatn-
ingin að vinna þennan bikar að fá
rós í hnappagatið og verða bikar-
meistari í sjötta skipti í sögu félags-
ins og í fyrsta skipti síðan árið 2011.
Fyrir Watford er hvatningin auk
þess að verða bikarmeistari í fyrsta
skipti í sögunni einnig fjárhagslegs
eðlis þar sem í húfi fyrir liðið er sæti
í Evrópudeildinni á næstu leiktíð
með sigri í þessum leik.
Watford hefur einu sinni farið
alla leið í úrslitaleik bikarkeppn-
innar en það var vorið 1984 þegar
liðið laut í lægra haldi fyrir Everton
þar sem Graeme Marshall Sharp og
Andy Gray skoruðu mörk Everton í
2-0 sigri liðsins. Síðan þá hefur liðið
ekki keppt um verðlaun og flakkað
á milli deilda í ensku deildakeppn-
inni.
Pep Guardiola getur orðið bikar-
meistari í fimmta skipti á knatt-
spyrnustjóraferli sínum en hann
varð tvisvar bikarmeistari sem
knattspyrnustjóri Barcelona og
sömuleiðis tvívegis þegar hann
stýrði Bayern München. Þá getur
hann bætt fimmta titlinum í safnið
á meðan hann er við stjórnvölinn
hjá Manchester City en liðið varð
enskur meistari í annað sinn undir
hans stjórn á dögunum og hefur auk
þess unnið enska deildabikarinn
tvívegis með Pep við stýrið.
Flestir telja að Manchester City
fari með sigur af hólmi í þessum leik
en 38 stig skildu liðin að þegar upp
var staðið í ensku úrvalsdeildinni.
Það hefur hins vegar margoft sýnt
sig að í bikarkeppni getur allt gerst
og Davíð getur hæglega lagt Golíat
að velli. – hó
Manchester City getur orðið þrefaldur meistari
Manchester City getur
orðið fyrsta karlaliðið til
þess að vera enskur meist-
ari, deildabikarmeistari og
bikarmeistari á sama tíma.
Lyon er sigursælasta lið
keppninnar með fimm
Meistaradeildartitla en liðið
hefur þar að auki tapaði
tveimur úrslitaleikjum.
FÓTBOLTI Ríkjandi bikarmeistarar
í knattspyrnu kvenna, Breiðablik,
fer í Árbæinn og sækir Fylki í heim í
16 liða úrslitum keppninnar. Dregið
var í 16 liða úrslitin í Mjólkurbik-
arnum í höfuðstöðvum KSÍ í gær.
Þá mætast Þór/KA og Völsungur
sem er eina liðið sem leikur í 2.
deild og er enn með í keppninni í
nágrannaslag fyrir norðan.
Á dagskrá verða svo úrvalsdeild-
arslagir ÍBV og Val s, Stjörnunnar
og Sel foss og Kef la víkur og KR.
HK/ Vík ing ur fær svo 1. deildar-
lið Aft ur eld ingar í heimsókn og 1.
deildarliðin ÍA - Þrótt ur Reykjavík
og Augna blik og Tinda stóll leiða
saman hesta sína. – hó
Meistararnir
fara í Árbæinn
HANDBOLTI Arna Sif Pálsdóttir,
landsliðskona í handbolta, hefur
gengið í raðir Vals frá ÍBV. Hún skrif-
aði undir tveggja ára samning við
Íslands-, deildar og bikarmeistara
Vals í gær.
Arna Sif lék með ÍBV í Olís-deild-
inni á síðustu leiktíð eftir mörg ár
í atvinnumennsku í Danmörku,
Frakklandi og Ungverjalandi. Hún
er uppalin í HK og hefur leikið yfir
100 landsleiki fyrir Ísland.
Á sama tíma skrifaði mark-
vörðurinn Íris Björk Símonardóttir
undir nýjan samning við Val til
eins árs. Íris Björk lék einkar vel í
marki Vals á síðustu leiktíð og var
til mynda valin mikilvægasti leik-
maður úrslitakeppninnar. – hó
Valur fær
sterkan
leikmann
FÓTBOLTI Enska knatt spyrnu fé-
lagið Ful ham til kynnti í gær að
félagið hefði ákveðið að virkja klá-
súlu í samn ingi sínum við landsliðs-
manninn Jón Dag Þor steins son.
Fyrri samn ing ur Jóns Dags við
Ful ham átti að renna út eftir yfir-
standandi leiktíð en hann er nú
samn ings bund inn Lundúnafélag-
inu til ársins 2020.
Jón Dag ur hef ur ekki enn leikið
með aðalliði Ful ham en hann er í
láni hjá danska úr vals deild arliðinu
Vend syssel. Þessi uppaldi HK-ingur
hefur leikið vel með danska liðinu
en þar hefur hann skorað þrjú mörk
í átján leikj um.
Jón Dag ur hef ur leikið þrjá
A-lands leiki og skorað í þeim eitt
mark. – hó
Jón Dagur
áfram hjá
Fulham
Asisat Oshoala verður í lykilhlutverki í sóknarleik Barcelona þegar liðið mætir Lyon í kvöld. NORDICPHOTOS/GETTY
Arna Sif og Íris Björk verða sam-
herjar hjá Val á næstu leiktíð.
Valskonur sækja ÍBV heim í 16 liða
úrslitum Mjólkurbikarkeppninnar.
Javi Gracia og Pep Guardiola verða í eldlínunni í dag. NORDICPHOTOS/GETTY
1 8 . M A Í 2 0 1 9 L A U G A R D A G U R20 S P O R T ∙ F R É T T A B L A Ð I Ð