Hlynur - 15.12.1961, Page 2

STARFSALDURSMERKI S.Í.S.
Fátt er fyrirtækjum nauðsynlegra
en góðir starfsmenn, er helga þeim
starfsaldur sinn og vaxa að leikni
með ári hverju. Fer því vel á að
slíkra manna sé minnst af þeirri
virðingu, er samræmist trúrri og
hagsælli þjónustu þeirra.
Nú hefur Samband íslenzkra sam-
vinnufélaga tekið upp þá nýbreytni,
að sæma starfsmenn þá, er unnið
hafa hjá fyrirtækinu í 40 og 25 ár,
sérstökum heiðursmerkjum úr gulli
og silfri. Eru gullmerki veitt fyrir
40 ára starf, en silfurmerki fyrir 25
ára. Bæði merkin eru stafirnir SÍS á
kringlóttum fleti, og prýðir mynd af
þeim að þessu sinni forsíðu Hlyns.
Um teikningu síðunnar sá Ingvi
Magnússon.
Af hálfu Sambandsins hefur ekk-
ert verið til sparað, að þessi vottur
þakklætis og virðingar til handa
starfsmönnum þess yrði þeim sem
eftirminnilegastur. Þannig verða nöfn
og æyiágrip þeirra, er merkin hljóta,
skráð í tvær bækur, Gullbók SÍS, er
ætluð er 40 ára starfsmönnum, og
Silfurbók SÍS, er geyma mun skrá
yfir handhafa silfurmerkja. Bækurn-
ar eru hinar vönduðustu að gerð, í
litlu kvartóbroti, 300 síður hvor og
bundnar í geitarskinnsband í dimm-
bláum lit. Utan á fremri kápusíðu
beggja bókanna er smellt afsteyp-
um merkjanna í stækkaðri mynd.
Eru afsteypurnar báðar úr skírum
málmi. Þá eru í bókunum titilblað og
formáli, hvorttveggja skrautritað
gotnesku letri.
Starfsaldursmerkin voru í fyrsta
sinni afhent á árshátíð Sf/SÍS að
Hótel Borg þann 18. nóvember s.
1., og má með sanni segja, að fagn-
aðurinn hafi náð hámarki sínu með
þeirri athöfn, enda var hún öll hin
virðulegasta. Mælti forstjóri fyrst
nokkur orð og skýrði tilgang stjórnar
SÍS með nýbreytni þessari, og upp-
lýsti ennfremur, að auk merkjanna
hlytu handhafar þeirra peningaupp-
hæð, er samsvaraði eins mánaðar
kaupi, og heiðurslaunum auk heiðurs-
skjals. Gengu síðan þeir, er merkin
hlutu, hver af öðrum fyrir forstjóra,
er las upp æviágrip hvers og eins,
afhenti þeim merkin ásamt heiðurs-
launum og heiðursskjali og vottaði
þeim þakkir fyrir störf þeirra í þágu
Sambandsins.
í þetta sinn voru tveir menn
sæmdir gullmerkjum, þeir Hallgrím-
ur Sigtryggsson, starfsmaður félaga-
eftirlits og Pétur Jónsson, Fjármála-
deild. Handhafar silfurmerkja eru
hinsvegar sextán að tölu, og birtast
myndir af þeim öllum, ásamt nöfn-
um og starfsaldri, á næstu opnu. Þeir
eru þessir: Helgi Pétursson, fram-
kvæmdastjóri Búvörudeildar, Harry
Frederiksen, framkvæmdastjóri Iðn-
aðardeildar, Helgi Þorsteinsson,
framkvæmdastjóri Innflutningsdeild-
ar, Helgi Jónsson, starfsmaður hjá
Reykhúsi og Garnastöð SÍS, Víglund-
ur Guðmundsson, bifreiðarstjóri, Sig
urgrímur Grímsson, verkstjóri í
Vörugeymslum SÍS, Einar Jónsson,
gjaldkeri, Ólafur Sigurðsson, af-
greiðslumaður hjá Afurðasölu SIS,
Leifur Þórhallsson, deildarstjóri í
Innflutningsdeild, Ólafur Þórarins-
son, starfsmaður í Véladeild, Þórar-
inn Jóhannesson, afgreiðslumaður á
Búsáhaldalager, Hermann Þorsteins-
son, fulltrúi forstjóra, Björn Gunn-
arsson, forstöðumaður Innkaupa-
deildar, Ásgeir Jónsson, deildar-
Framhald á bls. 5-
2 HLYNUR