Breiðholtsblaðið - apr 2018, Qupperneq 4

Hafsteinn Vilhelmsson var tilnefndur ein af hverfishetjum Breiðholts í síðasta
mánuði. Hann var tilnefndur
fyrir að hafa gefið sig allan í
skapandi félagsmiðstöðvastarf
í Breiðholti síðastliðin tíu
ár, þrátt fyrir ungan aldur.
“Það var gaman að fá þessa
viðurkenningu og deila henni
með tveimur öðrum sem hafa
unnið mikið í Breiðholtinu.
Sem strákur kom ég mikið í
Leiksport til Braga sem deilir
nú þessari viðurkenningu
með mér ásamt Luis Lucas
danskennara með meiru.
Hann var unglingur hjá mér
í félagsmiðstöðinni Hundrað
og ellefu virkilega flottur
strákur.” Hafsteinn hefur
sett á svið leikrit, staðið fyrir
kvikmyndahátíðum, tónleikum,
hæfileikakeppni og mörgu
fleiru í frístundamiðstöðinni
Miðbergi. Hann lauk námi
í leik list og kvik mynda gerð
við Kvik mynda skóla Íslands
fyrir nokkrum árum og hefur
einkum starfað við verkefni
tengd sínu fagi. Þar á meðal
fór hann með hlutverk í
spennuþætt in um Pressu á
Stöð 2 þar sem Haf steinn lék
einn úr glæpa geng inu, lék í
leiksýningunni Smán sem sett
var upp í þjóðleikhúsinu og
fleira. En hver er Hallsteinn
Vilhelmsson. Hann spjallaði við
Breiðholtsblaðið á dögunum.
“Ég er fæddur á Sri Lanka
árið 1984 en var ætt leidd­
ur til Íslands nokkurra vikna
gam all af hjón un um Mar gréti
Ingi björgu Haf steins dótt ur og
Vil helm Ein ars syni. Ég kom
hingað í desember sama ár. Þau
ættleiddu einnig stúlku á sama
tíma, Hlíf Sigríði sem er á sama
aldri og ég og þótt við séum ekki
blóðskyld erum við alin upp eins
og tvíburar og gætum ekki verið
meiri systkini
Vakti athygli að ég talaði
íslensku
Haf steinn er fremur dökkur
á hörund eins og fólk á Sri
Lanka en ólst upp sem hver
ann ar Íslend ing ur og var ekki
að velta því fyrir sér að hann
væri eitt hvað öðru vísi fyrr en
aðrir fóru að veita því athygli.
Börnin í leikskólanum veittu
hörundslitnum athugi og spurðu
hann af hverju hann væri svona
brúnn og hann svaraði að
bragði “af því að ég borða svo
mikið súkkulaði”. Og þar með
var málið af greitt. Hafsteinn
segir að útlit hans hafi strax
vakið athygli enda færri börn af
erlendum uppruna þegar hann
var að alast upp en síðar varð.
“Mörgum fannst ég merkilegur
sem krakki og oft vakti athygli
að ég talaði lýtalausa íslensku.
Það eru til ýmsar fyndnar sögur
af því þegar fólk uppgötvaði
það. Ein er sú að ég vann að
sumri til sem send ill og eitt af
því sem ég þurfti að gera var
að fara með mjólki á Hrafnistu í
Hafnarfirði. Einn dag inn var ég
eitthvað þreyttur og fékk mér
smá blund í mat sal heim il is ins.
Þegar ég vaknaði sátu nokkr ar
eldri kon ur við borðið. Þegar
ég vaknaði og sá þær bauð ég
góðan dag. Þær hrukku þær í
kút og sögðu “heyrðu þú tal ar
ís lensku.“ Ég ólst upp með
íslensku sem móðurmál og hef
aldrei lært stakt orð í móðurmáli
blóðfjölskyldu minnar. Ég hef
aldrei lagst í tungumálanám
og eina tungumálið fyrir utan
íslenskuna sem ég get notað
er enska. Hún kemur bara
með þörfinni.”
Gat hlaupið yfir til ömmu
Hafsteinn er alinn upp í
Breiðholti. “Já – ég er alin
upp í Breiðholti og tel mig
mjög heppinn að hafa átt
æsku mína þar. Við bjuggum í
Krummahólunum en Hlín amma
mín átti heima í Gyðufellinu. Við
vorum miklir vinir og ég hjólaði
oft yfir til hennar. Þetta var
það stutt að mamma gat fylgst
með mér úr eldhúsglugganum
fram að íþróttahúsinu og þar
tók amma við úr sínum glugga.
Skólagangan hófst í Hólaborg.
Þetta er afskaplega þægilegt
svæði. Leiðin lá þaðan yfir í
Hólabrekkuskóla og í FB og þá
var stutt fyrir götuna í Miðberg.”
Kitta losnaði ekki við mig
Hafsteinn kynntist fyrst
félagsstarfinu í Fellahelli.
“Ég náði náði aðeins í hann
þegar ég var í áttunda bekk.
Í unglingavinnunni í áttunda
bekk var ég í ungmennahóp
sem hafði fengið það verkefni
að taka þátt í að flytja Fellahelli
yfir í Miðberg. Þá voru keyptar
nýjar græjur sem voru enn þá
þegar ég kom sem starfsmaður.
Það var gaman.” En hvernig
stóð á að hann lenti í Miðbergi.
“Ég var að leita mér að vinnu.
Ein vinkona mín fékk viðtal
fyrir mig hjá Kristrúnu Lilju eða
Kittu í Miðbergi eins og hún er
jafnan kölluð. Ætlaði nú bara
að vera þarna í stutta stund.
Kitta sagðist vilja gefa mér eina
reynslu vakt sem hún gerði
en svo fór að hún losnaði ekki
við mig. Ég er reyndar hættur
þar núna og starfa hjá RÚV.
Tími minn í Miðbergi var einn
af mínum uppáhalds tímum.
Þar kynntist ég ótal unglingum
hæfileikaríkum og flottum og
eignaðist helling að nýjum vinum
í starfsmannahópi Miðbergs og
margir hverjir eru mínir bestu
vinir. Ein þeirra er sambýliskona
mín og barnsmóðir í dag.”
Tónleikar á ÍR vellinum
Eitt af því sem Hafsteinn
stóð fyrir á þeim tíma var
að endurskipuleggja hátíð
sem bar heitið Hólmstokk og
voru styrktartónleikar “Við
Kári Sigurðsson vinur minn
ákváðum að fara aðeins lengra
með Hólmstokk. Við vinnum
vel saman, þurfum ekki lengur
að hittast til að skipuleggja
viðburðina. Við vissum hvað
hver gerði og pössuðum okkur
á að stíga ekki inn á svið hvors
annars. Við ákváðum að vera
með stærri tónlistarhátíð
og halda hana úti. Þetta ar
árið 2010. Við fengum pláss
fyrir hana á ÍR vellinum.
Þar spiluðu fjöldinn allur af
tónlistarmönnum. Þar á meðal
Haffi Haff og Skítamórall ásamt
mörgum fleirum. Þetta er einn af
stærri viðburðum sem haldnir
hafa verið í Breiðholtinu. Annar
góður vinur minn Hallur Ingi
Pétursson hefur unnið með mér
við marga af þeim viðburðum
sem ég hef átt aðild að. Við
erum góðir saman. Hann er
fremur rólegur og jarðbundinn.
Ég á stundum til að fyllast
draumórum. Þetta samstarf hélt
okkur svona rúmlega á núllinu.”
Þeir settu nokkra söngleiki upp
í Breiðholtinu. Í eitt skipti var
Grease söngleikurinn um Sandy
og Danny sem John Travolta
og Olavia Newton John gerðu
frægan í bíómynd fyrir valinu.
“Við settum hann upp með
krökkum úr áttunda til tíunda
bekk úr öllu Breiðholtinu.
Í annað sinn fengum við
tónlistasnillinginn Þórð Gunnar
sem einnig er Breiðhyltingur
og settum við Footloose á svið.
Söng­ og dansverk um ungling
sem flytur frá Boston til lítils
bæjar í Suðurríkjunum þar sem
dans hafði verið bannaður og
tekur að mótmæla banninu.
“Þar vorum við með sprengjur
og “stage floss” og þurftum við
að redda sprengjuleyfi. Það
var enginn vandi að fá krakka
til þess að koma og taka þátt
í þessum verkefnum þó að
þetta væri heilmikil vinna. Við
settum báðar þessar sýningar
upp í Breiðholtsskóla enda góð
aðstaða þar og þar var unnið
daga og nætur, æfingar með
krökkum yfir daginn og kvöldin
og uppsetning á nóttinni. Það
kom fyrir að ekki tók því fyrir
okkur að fara heim og lögðum
við okkur bara smá á sviðinu í
Breiðholtsskóla og mættum svo
í vinnu daginn eftir. Krakkarnir
voru ótrúlega flott að taka þátt
í svona erfiðum verkefnum.
Þau sýndu mér og öllum sem
sáu þessar sýningar hversu
magnað ungt fólk er og hvað
var hægt að gera.”
Leiklistarbakterían
þróaðist í Breiðholtinu
En hvernig stóð á því að
Hafsteinn fór á leiklistarbrautina.
Var hann með bakteríuna í
blóðinu. Hann gerir lítið úr því.
Vill fremur meina að hún hafi
þróast í Breiðholtinu. Þetta
byrjaði bara í Gyðufellinu hjá
ömmu. Við settum upp ýmis
glæpaleikrit í stofunni þar
sem ég var yfirleitt löggan
og hún bófinn. Síðan fór ég í
Hólabrekkuskóla í Leiklist hjá
Sigurði Lyngdal og þá kviknaði
hún kannski fyrir alvöru. Amma
sagði reyndar oft við mig á
yngir árum þegar ég svaraði
að ég ætlaði að verða læknir
eða lögfræðingur eins og allir
hinir krakkarnir sögðu þá
sagði hún “Hafsteinn þú ert
allt of skemmtilegur til að vera
læknir eða Lögfræðingur þú
átt að vera leikari eða dansari
og skemmta fólki”. Þetta hélt
áfram í FB þar sem ég tók þátt
í leiklistarverkefnum. Svo
fór ég í Kvikmyndaskólann
þar sem ég lærði leiklist og
kvikmyndagerð. Eftir skólann
fékk ég ýmis hlutverk eins og í
Pressu, Reykjavík, The Aquatic
Effect, Föngum og svo Smán sem
er leikverk sem sett var upp
í Þjóðleikhúsinu. Þetta hefur
undið upp á sig og nú starfa ég
há RÚV.” En Hafsteinn er ekki
hættur að hugsa um Breiðholtið.
Hann hefur áhuga á að setja fleiri
sýningar upp þar. “Ég sé fullt
af möguleikum í Breiðholtinu.
Sérstaklega þegar kemur að
leiklistinni mig langar að stofna
Leikfélag Breiðholts. Við erum
með frábæra aðstöðu fyrir
leiksýningar og aðra viðburði,
Barnasýningar, unglingasýningar,
fullorðinssýningar og allt frítt
er draumurinn.”
Forréttindi að fá að
vinna með börnum og
ungmennum
Talið berst að fjölmenningu
sem einkennir Breiðholtið meira
4 Breiðholtsblaðið APRÍL 2018
V i ð t a l i ð
Forréttindi að fá að vinna
með börnum og ungmennum
Vinirnir Hafsteinn Vilhelmsson og Kári Sigurðsson. „Við vinnum vel
saman, þurfum ekki lengur að hittast til að skipuleggja viðburðina,”
segir Hafsteinn.
- segir Hafsteinn Vilhelmsson sem var tilnefndur ein af hverfishetjum Breiðholts í síðasta mánuði
Bílasmiðurinn hfBarnabílstólar í úrvali
Bíldshöfða 16, 110 Reykjavík - Sími: 567 2330 - www.bilasmidurinn.is