Vesturbæjarblaðið - jún. 2015, Blaðsíða 14

14 Vesturbæjarblaðið JÚNÍ 2015
www.borgarblod.is
hreinsum
fyrir þig
við
Ægisíðu 115 - Sími 552 4900
hradi@fatahreinsun.is
HRAÐI fatahreinsun
www.fatahreinsun.is
Alhliða fatahreinsun og þvottahús síðan 1966
Vala Ingimarsdóttir
Í símanum var rödd ungrar
konu. Hún kynnti sig og kvaðst
búa í Vesturbænum og væri
búin að taka við formennsku
í hverfisráði borgarinnar. Hún
var áhugasöm - vildi láta til sín
taka. Umhverfi og mannlíf voru
henni hugleikin og hún vildi fá
sem flesta til liðs við sig. Ves-
turbæjarblaðið var þar engin
undantekning. En hún var ekki
fyllilega sátt við skrif blaðsins.
Þótt ég hefði ekki húsbóndavald
á blaðinu á þeim tíma fann ég
strax að konan í símanum og
blaðið gátu átt samleið um
að gera Vesturbæinn að betri
byggð. Hún spurði hvort ég
hefði búið í Vesturbænum og
þegar ég sagði henni að ég hafði
verið þar í tvo áratugi með
smávægilegum frávikum varð
röddin ákveðnari. „Þú verður
að koma með“. Og símtalinu
lauk með því að við ákváðum
að hittast yfir kaffibolla og ræða
málin.

Y f i r k a f f i n u k o m Va l a
eiginlega öll í ljós. Ákveðnin
og kraf tur inn sem drei f
hana áfram var augljós og
hugmyndaauðgin virtust fá
takmörk sett. Það dróst úr
spjallinu. Vala átti nægan
tíma. Stundum er sagt að góð
blöndun komi fram í útliti, krafti
og áreiðanleika. Sé einhver
mannfræði að baki þeirri
fullyrðingu kom hún greinilega
fram í Völu. Yfir kaffinu
rakti hún ættir sínar þar sem
Suðurland og Norður – Þingey-
jarsýsla mættust á miðri leið.

Kaffitímanum lauk með því
að ég bauð henni að skrifa
viðtal við hana – um hana og
Vesturbæinn sem hún greinilega
leit á sem heimabyggð þótt
hún væri alin upp í nágrenni
Miklatúnsins. Eft ir þetta
var auðvelt að leita til Völu.
Hún gjörþekkti Vesturbæinn
eins og hún hefði slitið öllum
barnsskónum þar á grundu og
átti óendanlegar hugmyndir
hvernig fjalla mætti um dag og
veg á þeim heimaslóðum. „Ég
vil koma að því hversu mikil
saga og menning er að baki
þessa borgarhluta,“ sagði hún
í viðtali við Vesturbæjarblaðið.
Einlægni Völu verður vart
betur lýst en fljótlega deildi hún
því að hún gengi ekki heil til
skógar. Taldi veikindi sín tæpast
til hættu en gerði sér þó grein
fyrir að mein yrði ekki upprætt
að fullu heldur haldið í skefjum.
Í stað uppgjafar lagði hún í
víking og stjórnmálafræðin-
gurinn fékk vísindamenn í
læknisfræði til liðs við sig og
stofnaði fyrirtækið Vala Med -
þekkingarfyrirtæki í læknisfræði
á sviði krabbameinsrannsókna.

Einhverju sinni nefndi hún
hvort ég vildi kynna Sif Jakobs
skartgripahönnuð. Vala fékkst
einnig við kynningu og sölu
skartgripa í fyrirtæki sem
hún stofnaði og nefndi Ossa
skart í höfuð Oddnýju ömmu
sinnar að norðan. Ég átti langt
símtal við Sif hvar sem hún var
stödd - í Danmörku eða í Japan
þá stundina og efnið varð til.
Eftir það hringdi Vala til mín
að morgni dags og bað mig að
líta við í kaffi. Við eldhúsborðið
heima á Einimelnum tók hún
fram öskju og launaði fyrir Sif
og sig á þann hátt sem engum
öðrum var líkt.

Eftir kaffið áttu Vala og Ves-
turbæjarblaðið samleið og eftir
að mér var sett húsbóndavald
á þeim bæ var öryggi að vita
af henni. Ráð og hugmyndir
spruttu af því er virtist af
óendalegum brunni. Ekki brást
að lúta því leiðarljósi. Það var
eins og hún sægi inn í tímann.
Fjölskyldan, vinahópurinn stóri,
Vesturbærinn og Vesturbæjar-
blaðið eru fátækari.
Þ
... nokkur kveðjuorð
Nesstofa
- Hús og saga -
Ný sýning í Nesstofu sem fjallar
um húsið og landlæknisembættið
sem stofnað var árið 1760.
Skemmtileg verkefni í boði fyrir
fjölskyldur og frístundahópa.
Opið alla daga nema mánudaga
frá 13. júní - 31. ágúst
kl. 13-17,
ókeypis aðgangur.
Nesstofa er hluti af húsasafni Þjóðminjasafns Íslands.
Nánari upplýsingar:
í síma 595 9100 eða 530 2200
www.thjodminjasafn.is
Meirihlutaflokkarnir í borgar-
stjórn vildu ekki samþykkja
tillögu Sjálfstæðisflokksins um
að lagst verði eindregið gegn
flutningi á starfsemi Landhelgis-
gæslunnar (LHG) frá Reykjavík
og að lýst verði yfir fullum vilja
borgarstjórnar til þess að búa
þannig að starfsemi stofnunarin-
nar í borginni að hún nái að þróast
og eflast. Tillagan var lögð fram
á síðasta fundi borgarstjórnar en
í stað þess að samþykkja hana
kaus meirihlutinn að vísa henni
til meðferðar í borgarráði. Kjartan
Magnússon borgarfulltrúi og
flutningsmaður tillögunnar segir
dapurlegt að vinstri meirihlutinn
í borgarstjórn vilji ekki styðja það
með afdráttarlausum hætti að
starfsemi Landhelgisgæslunnar
verði áfram í Reykjavík heldur vísi
henni til nefndar. ,,Slík afgreiðsla
vekur auðvitað spurningar um
vilja vinstri meirihlutans fyrir því
að Landhelgisgæslan verði áfram
í borginni.“
Margir vilja fá LHG út á
land
Kjartan bendir á að árum
saman hafi ýmis bæjarfélög úti á
landi sótt það fast að starfsemi
Land-helgisgæslunnar verði
flutt þangað, annað hvort að
hluta eða í heild. ,,Í vetur kom sú
hugmynd fram í frægri skýrslu
að flytja heimahöfn Gæslunnar í
Skagafjörð en áður höfðu komið
fram hugmyndir um Ísafjörð auk
þess sem þingsályktunartillaga
liggur fyrir Alþingi um að flytja
stofnunina til Suðurnesja. Rétt er
að borgarstjórn leggist eindregið
gegn slíkum hugmyndum um
flutning Landhelgisgæslunnar,
hvort sem er að hluta eða í heild
og lýsi jafnframt yfir fullum vilja
til að búa þannig að starfsemi
stofnunarinnar í Reykjavík, jafnt
flugdeild sem skiparekstri, að hún
nái áfram að þróast og eflast,“
segir Kjartan.
Þyrlusveitin
Stuðn ingsmenn þess að
Landhelgisgæslan verði áfram í
Reykjavík hafa fundið að því að
sögn Kjartans að á sama tíma og
hugmyndir komi sífellt fram um
flutning stofnunarinnar út á land,
heyrist lítið um málið frá kjörnum
fulltrúum Reykvíkinga. Jafnvel
hafi oddviti Samfylkingarinnar,
Dagur B. Eggertsson borgarstjóri,
sjálfur lýst þeirri framtíðarsýn að
þyrlusveit Landhelgisgæslunnar
yrði staðsett á Akureyri í tengslum
við uppbyggingu á sjúkrahúsþjón-
ustu þar. ,,Það má vera að þarna
sé komin skýring á því af hverju
borgarfulltrúar Samfylkingarin-
nar treysta sér ekki til að styðja
afdráttarlausa tillögu um stuðning
við áframhaldandi starfsemi
Landhelgisgæslunnar í Reykjavík.
Reyndar er líklegt að Gæslan
neyðist til að finna þyrlusveit sinni
nýjan stað ef áfram verður þrengt
að flugvallarstarfsemi í Vatnsmýri
eins og núverandi borgarstjórnar-
meirihluti vinnur að undir forystu
Dags,“ segir Kjartan.
Gæslan er
hátæknivinnustaður
S t a r f s t ö ð v a r G æ s l u n n a r
hafa flestar verið byggðar upp í
Reykjavík og segir Kjartan skyns-
amlegt að halda því fyrirkomulagi
óbreyttu að ekki stærri stofnun
sem þó hafi svo víðtækt hlutverk,
verði áfram með aðalstöðvar sínar
og meginstarfsemi í Reykjavík.
,,Öruggt er að það myndi hvorki
auðvelda stjórnun á svo fjölbreyti-
legri starfsemi né auka skilvirkni
hennar að flytja hana í hlutum
eða í heild út á land. Landhelgis-
gæslan er hátæknivinnu'staður
þar sem mörg störf eru sérhæfð.
Mun auðveldara er að manna slík
störf hæfu fólki hér á höfuðborgar-
svæðinu en á litlu atvinnusvæði
úti á landi. Einnig verður að hafa
starfsfólk Gæslunnar og fjöls-
kyldur þess í huga þegar fjallað
er um þessi mál. Þetta er þéttur
hópur einstaklinga sem margir
hverjir búa að áratuga reynslu og
þekkingu á sínu sviði og væri því
mikið óþurftaverk að rífa starf-
semina upp með rótum enda
líklegt að margir starfsmenn litu
svo á að með því væri í raun verið
að segja þeim upp störfum.“
Kjartan segir auðvelt að
sýna fram á að hagkvæmast og
öruggast sé að aðalstöðvar og
útgerð helstu tækja LHG sé í
Reykjavík, m.a. vegna nálægðar
við Landspítalann og fjölmennustu
byggðarlög landsins. Þess vegna
er það sjálfsagt í mínum huga að
borgarstjórn lýsi yfir afdráttarlau-
sum stuðningi við starfsemi Land-
helgisgæslunnar í Reykjavík og að
þar nái þessi starfsemi að vaxa og
dafna,“ segir Kjartan Magnússon
borgarfulltrúi.
Sjálfstæðisflokkurinn
vill Landhelgisgæsluna
áfram í Reykjavík
Kjartan Magnússon
borgarfulltrúi.
... borgarstjórnarmeirihlutinn vísaði tillögunni til nefndar