Vesturbæjarblaðið - Dec 2017, Page 16

Kjötkompaníið er komið
í Vesturbæinn og hefur opnað
glæsilega búð á Grandanum.
Búðin er staðsett þar sem Matar-
búrið var áður til húsa. Fyrirtæki
er átta ára gamalt. Var stofnað
2009 og hefur verið með starfse-
mi sína í Hafnarfirði frá upphafi.
Nú er það komið á hinn enda
höfuðborgarsvæðisins. Af hverju
varð hann fyrir valinu. Vestur-
bæjarblaðið settist niður með
Jóni Erni Stefánssyni eiganda
Kjötkompanísins einn kaldan
vetrarmorgun á Grandanum.
“Við höfum verið í Hafnarfirði
frá því fyrirtækið var stofnað og
vorum farin að horfa til þess að
opna verslun annars staðar á
höfuðborgarsvæðinu. Umsvifin
voru farin að kalla eftir því. Við
vorum lengi búin að horfa á þetta
svæði en þegar tækifærið bauðst
varð ekki aftur snúið. Þetta er
hentugt pláss fyrir starfsemi okkar
og þarna var verslunin Matarbúrið
með kjötvörur áður. Við horfðum
til þeirrar miklu uppbyggingu
í verslun og þjónustu sem verið
hefur á þessu svæði og er ekki
lokið. Þarna er iðandi mannlíf
alla daga vikunnar og ánægjulegt
að vera kominn í þennan hóp.”
En hvað er k jö tkompaní .
“Kjötkompaní er kjötverslun
sem leggur áherslu á sérunnar
kjötvörur. Við vorum búin að vera
með þessa hugmynd í höfðinu
í nokkurn tíma þegar við fórum
af stað 2009. Við höfðum mikla
trú á henni og bjartsýnin og trúin
á að þetta myndi ná til fólks rak
okkur af stað. Nei – við höfðum
aldrei áhyggjur af að vera staðsett
í Hafnarfirði. Starfsemi hefur farið
stig vaxandi alveg frá því að við
byrjuðum.”
Veitingar á pari við það
sem er á veitingahúsum
Jón er búinn að vera viðloðandi
kjötvinnslu í tæpa tvo áratugi.
Hann er matreiðslumeistari að
mennt og lærði á sínum tíma hjá
Skúla Hansen á Arnarhóli. Hann
segir að um það leyti hafi opnast
nýjar víddir í veitingarekstri
sem hægt hafi verið að vinna
úr. Hluti af hugmyndinni að baki
Kjötkompaní hafi strax verið að
geta boðið fólki heildarlausnir í
matarkaupum. “Heildarlausnirnar
urðu strax vinsælar. Fólk hefur
lítinn tíma í dag til að standa í
mikilli matargerð heima fyrir
og frá okkur á fólk að geta farið
heim með veitingar sem eru
á fyllilega á pari við það sem
gerist á veitingahúsum út í bæ.“
Fólk kemur með óskir og við
vinum úr þeim. Við meðhöndlum
kjötið og meðlæti með því.
Kartöfurétti, sósur og annað
sem til þarf. Þetta gildir bæði
fyrir stærri veislur og minni.
Matarboð á heimilum og jafnvel
borð fyrir tvö ef því er að skipta.
Í eldhúsinu okkar í Hafnarfirði
framleiðum við allt meðlæti með
máltíðum bæði stórum og smáum.
Þar framleiðum við til dæmis
allar sósur og eftirrétti sem við
höfum tilbúna á boðstóðum. Við
höfum það líka sem markmið
að fram leiða sem mest sjálf af
þeim vör um sem við selj um og
gerum miklar kröfum um það
kjöt sem við erum að meðhöndla
hverju sinni.”
Verkunin er mikilvæg
Nautakjötið er aðall Kjöt-
kompanísins. Jón segir ákaflega
mikilvægt að allt kjöt fái góða
verk un. Nautakjötið verði til
dæmis að hanga og við rétt
hitastig í talsverðan tíma svona
25 til 30 daga áður en hægt er að
meðhöndlað það til eldamennsku.
Margir hafa átt í erfiðleikum
með að matbúa góðar máltíðir
úr nautakjöti . Fólk virðast
ekki alltaf hafa náð tökum á
eldamennskunni. “Þetta er alveg
rétt,” segir Jón. “Fólk hefur verið
að koma til okkar bæði til að
versla og fá ráðleggingar. Þetta
getur átt sér ýmsar orsakir. Að
fólk hafi ekki fengið nægilega
gott hráefni Nautakjötið er
vandmeðfarið og ef það er ekki
látið hanga nægilega lengi og
meirna getur það leitt til þess
að það verði seigt. Svo þarf líka
að passa eldunaraðferðirnar. En
með réttri meðhöndlum og eldun
er hægt að búa til úrvals rétti úr
nautakjöti.
16 Vesturbæjarblaðið DESEMBER 2017
Nautalund Wellington
með villisveppasósu
Nauta lund Wellington
Hráefni:
1,4 kg. nauta lund
smjördeig
olía (til steikingar)
1000 g sveppir, saxaðir
3 dl saxaður skalotlaukur
250 ml púrtvín
sjávarsalt og nýmalaður pipar
2 egg (til penslunar)
3 msk ólívuolía
1 stk hvítlauksgeiri
6 sneiðar skinka
Einn stilkur ferskt timjan
½ til 1 dl ljóst rasp

Aðferð:
Byrjið á því að steikja sveppina
á pönnu í 3-4 mínútur, setjið þá
laukinn og hvítlaukinn saman við
og steikið áfram í nokkrar mínú-
tur, hellið þá púrtvíni á pönnuna
og sjóðið vel niður að lokum
bætið raspi saman við og kryddið
til, kælið síðan.
Steikið nauta lundina vel
á öllum hliðum kryddið með
sjávarsalti og nýmöluðum pipar
og kælið.
Takið smjördeigið og fletjið
það út í hæfilega þykkt, smyrjið
sveppamauki á miðju deigsins og
leggið lundina ofan á, setjið einnig
sveppamauk ofan á lundina og
pakkið síðan lundinni inn í deigið,
penslið samskeyti með eggjum.
Penslið allt deigið með eggjum
og bakið í ofni við 190 – 200 °c í 20
– 30 mín eða með kjarnhitamæli í
52° í kjarna. Látið síðan standa í
ca 10 mínútur áður enn skorið er.

Villisveppasósa
Hráefni:
20 gr villisveppir þurrkaðir
350 ml vatn (heitt)
500 ml Rjómi (matreiðslurjómi)
30 gr smjör
Ferskt timjan (bara lítið)
1 stk laukur saxaður
Sjávarsalt og nýmalaður pipar
Nautakjötkraftur

Aðferð:
Sveppirnir eru settir í skál og
heitu vatni hellt yfir, látið standa
í ca hálftíma síðan er vatninu hellt
af sveppunum og vatnið er geymt
en sveppirnir eru saxaðir gróft.
Smjörið er hitað á pönnu,
laukurinn settur á pönnuna og
látinn krauma í ca 3-4 mínútur,
sveppunum bætt saman við,
kryddað með sjávarsalti, ferku
timjan, nýmöluðum pipar og
kjötkrafti síðan er rjómanum bætt
samanvið og látið sjóða í ca 10 til
15 mínútur.

Njótið vel.
Jón Örn Stefánsson.
Farið að spyrja um nautakjöt á jólaborðið
- segir Jón Örn Stefánsson í Kjötkompaníinu sem verslar nú á Grandanum
Jón Örn Stefánsson ásamt eiginkonu sinni fyrir utan Kjötkompaní á
Grandanum.
s

FLUGELDASÝNING
Í SAMSTARFI VIÐ KR-FLUGELDA
kl. 18:45
MELASKÓLI
Kl. 18:00
ÞRETTÁNDAHÁTÍÐ
6. JANÚAR 2018
KVEIKT
Í BRENNUNNI
kl. 18:30
HÁTÍÐIN HEFST KL. 18.00 VIÐ MELASKÓLA - ÞAR VERÐA SUNGIN NOKKUR LÖG
OG SÍÐAN GENGIÐ MEÐ BLYS AÐ BRENNUNNI Á ÆGISÍÐU.
HRESSANDI VEITINGAR Á VÆGU VERÐI
FORELDRAFÉLÖG VESTURBÆJAR-, GRANDA-, HAGA- OG MELASKÓLA, TJÖRNIN FRÍSTUNDAMIÐSTÖÐ
OG ÞJÓNUSTUMIÐSTÖÐ VESTURBÆJAR, MIÐBORGAR OG HLÍÐA
Styrktar- og samstarfsaðilar
UNGMENNI
ÚR GRUNNSKÓLUM
VESTURBÆJAR LEIÐA
FJÖLDASÖNG VIÐ
MELASKÓLA.
UNDIRLEIKARI:
SVEINN BJARKI TÓMASSON