Fréttablaðið - 28.11.2015, Blaðsíða 24

Kö rfu bo lti Íslandsmeist-
arar Snæfells eru búnir að vinna
fimm leiki í röð í Domino’s-
deildinni en þurfa að mæta
toppliði Hauka á sunnudags-
kvöldið án fyrirliðans Gunnhild-
ar Gunnarsdóttur þegar keppni
hefst á ný eftir landsleikjahlé.
Gunnhildur meiddist illa á öxl í
fyrri hálfleik á fyrsta heimaleik
íslenska kvennalandsliðsins í
undankeppni EM 2017
„Ég má ekkert gera í nokkrar
vikur. Liðböndin í kringum
öxlina eru sködduð, eitthvað
er slitið og eitthvað er rifið eða
tognað. Sem betur fer er ekki allt
slitið því það hefði þýtt aðgerð.
Þetta mun taka tíma og ég get
ekkert gert,“ sagði Gunnhildur
en hvað gerðist í leiknum við
Slóvakíu?
Heyrði bara smell
„Ég fór í sniðskot og lenti svona
illa á öxlinni. Ég fann eitthvað
aðeins fyrir þessu en pældi ekki
mikið í því. Ég tók þessi víti sem
ég fékk (og hitti úr þeim báðum)
og hljóp tvisvar fram og til baka
í sókn og vörn. Þá fékk ég smá
högg og heyrði bara smell. Eftir
það gat ég ekkert hreyft öxlina,“
lýsir Gunnhildur sem var búin
að skora 5 stig og tók 5 fráköst á
13 mínútum.
Gunnhildur hefur spilað þrátt
fyrir bakmeiðsli í allan vetur en
fer seint inn á völlinn til að gera
eitthvað annað en hún er vön
sem er að spila af fullum krafti.
„Það þýðir ekkert að mæta í
leiki og ætla að hlífa mér þó að
ég sé búin að vera slæm í bak-
inu,“ segir Gunnhildur en hún
og yngri systir hennar og liðs-
félagi í bæði Snæfelli og lands-
liðinu hafa verið afar óheppnar
með meiðsli á ferli sínum. „Mér
finnst við alveg vera búnar með
kvótann. Þetta er alveg komið
gott. Þú kemst stundum ekkert
frá því að lenda í svona þegar
þú ert í þessum íþróttum. Hlutir
gerast, því miður,“ segir Gunn-
hildur.
Alveg óþolandi samt
Fram undan eru rólegheit á
meðan öxlin er að jafna sig. „Við
eigum þrjá leiki eftir fram að
jólum og ég mun líklega hvíla
þá alla. Vonandi verð ég bara
klár eftir jól og það er bara fínt
að jólafríið komi þarna inn fyrst
þetta þurfti að gerast. Þetta er
samt alveg óþolandi fyrir því,“
segir Gunnhildur og takið eftir
að hún segir líklega. Það verður
ekki auðvelt fyrir þessa miklu
keppnismanneskju að geta ekki
hjálpað liði sínu. Hún reynir
samt að vera jákvæð og sá björtu
hliðarnar. „Þetta er kannski bara
fínt upp á bakið og kannski eitt-
hvað sem þurfti til að ég myndi
stoppa,“ segir Gunnhildur í
léttum tón.
„Nú þarf ég bara að taka því
rólega og reyna síðan að koma
mér aftur í stand til að geta mætt
ennþá tilbúnari eftir áramót,"
segir Gunnhildur en hvernig
mun það ganga að taka því
rólega?
„Ég kann það ekki alveg en
það hlýtur einhver að stoppa
mig af,“ segir hún.
Orðlaus þjálfari í beinni
Ingi Þór Steinþórsson, þjálfari
Snæfells, var að lýsa leiknum í
Sjónvarpinu þegar hann sá fyrir-
liða sinn meiðast.
„Mér skilst að hann hafi orðið
orðlaus í útsendingunni. Það
vill enginn að einhver lendi í
meiðslum í svona verkefni hvort
sem þetta er leikmaður þinn eða
einhvers annars liðs. Fyrst þetta
gerðist þá þurfum við bara að
tækla það,“ segir Gunnhildur.
Fyrsta reynslan af því að sitja á
bekknum var erfið en hún gat
ekki spilað síðustu 23 mínút-
urnar á móti Slóvakíu.
„Við í Snæfelli eigum rosalega
mikilvægan leik á sunnudaginn
en ég treysti alveg mínu liði til
að spila og vinna þann leik án
mín. Það verða bara einhverjar
aðrar sem stíga fram og fá mín-
útur til að sýna sig og sanna.
Þær nýta þær vonandi bara vel,“
segir Gunnhildur.
Geðheilsan aðalatriðið
„Ég held að það sé aðalatriði að
halda geðheilsu núna og vera
dugleg að styrkja og koma sér
í almennilegt stand til að mæta
bara ennþá betri og sterkari
eftir áramót. Ég fæ bara nýtt
hlutverk. Núna verð ég bara á
bekknum og hvet mitt lið áfram
þaðan,“ segir Gunnhildur sem
ætlar að koma enn sterkari til
baka.
Leikur Snæfells og Hauka
hefst klukkan 19.15 annað
kvöld og verður í beinni á Stöð
2 Sport og á Vísi.
ooj@fettabladid.is

Þarf nú að læra að
taka því rólega
Landsleikurinn á móti Slóvakíu í Laugardalshöllinni var afdrifaríkur
fyrir Íslandsmeistara Snæfells en fyrirliðinn Gunnhildur Gunnarsdóttir
meiddist illa á öxl í leiknum og verður frá í sex til átta vikur.
Gunnhildur Gunnarsdóttir gat ekki spilað seinni hálfleikinn á móti
Slóvakíu vegna axlarmeiðslanna. Yngri systir hennar, Berglind, sem var
aðeins að spila sinn annan landsleik, kom inn í byrjunarliðið í seinni
hálfleik og leysti systur sína af hólmi.
„Það var frábært að hún nýtti tækifærið sitt vel í landsleiknum. Þetta
gefur henni mikið fyrir deildina. Hún mun vonandi gera enn meira
fyrir Snæfell og verður bara í lykilhlutverki,“ segir Gunnhildur um litlu
systur en Berglind er þremur árum yngri en hún.
Berglind hafði einmitt skorað
sína fyrstu landsliðskörfu í fyrri
hálfleiknum eftir stoðsend-
ingu frá stóru systur og fékk
að auki víti sem hún nýtti.
Þetta var því sannkölluð
systrakarfa sem var vel við
hæfi.
„Það var geggjuð
karfa og rosaflott. Ég
var ánægð með það
að hún setti þetta
ofan í og kláraði
þetta með vítinu,“
sagði Gunnhildur.
Alls voru fjórar
systur sem skoruðu
fyrir Ísland í
leiknum en það
hefur aldrei
gerst áður í sama
leiknum. Helena
(16) og Guðbjörg (3)
Sverrisdætur voru
með 19 stig saman.
Fyrsta karfa Berglindar fyrir íslenska landsliðið
var sannkölluð systrakarfa
Mér finnst við
alveg vera búnar
með kvótann.
Gunnhildur Gunnarsdóttir
Gunnhildur Gunnarsdóttir lék sinn
21. landsleik á móti Slóv akíu á mið-
vikudagskvöldið en hún hefur leikið
alla landsleiki í boði síðan Sverrir Þór
Sverrisson tók hana fyrst inn í lands-
liðið vorið 2012. Aðeins ein önnur hefur
leikið alla þessa leiki og það er lands-
liðsfyrirliðinn Helena Sverrisdóttir.
Næsta verkefni landsliðsins er í febrúar.
Systurnar Gunnhildur og
Berglind Gunnarsdætur
voru nú saman í A-lands-
liðinu í fyrsta sinn.
FréttABlAðið/SteFáN
FALLEG GLÖS GLEÐJA AUGAÐ
Verið velkomin í verslun okkar að Síðumúla 16 | Opið mán - fös 8:30 - 17:00 | S: 580 3900
Ekki misst úr
landsleik
frá fyrsta
A-landsleik
2 8 . n ó v e m b e r 2 0 1 5 l A u G A r D A G u r24 s p o r t ∙ f r É t t A b l A ð i ð