Morgunblaðið - 25.09.2019, Side 25

ÍÞRÓTTIR 25
MORGUNBLAÐIÐ MIÐVIKUDAGUR 25. SEPTEMBER 2019
TIS SOT WATCH E S .COM
TISSOT, INNOVATORS BY TRADITION
#ThisIsYourTime
SKARTGRIPIR & ÚR
SÍÐAN 1923
TISSOT seastar 1000
chronograph.
WATER RESISTANCE UP TO 30 BAR
(300 M / 1000 FT).
Bankastræti 12 | Sími 551 4007 | skartgripirogur.is
Það er mikil gerjun á þjálf-
aramarkaðnum í karlafótbolt-
anum um þessar mundir.
Það stefnir í að þrjú lið úr
Pepsi Max-deildinni skipti um
þjálfara. Breiðablik og Fylkir
hafa þegar gefið það út að þau
hafi ákveðið að breyta til.
Ágúst Gylfason lætur af störf-
um hjá Breiðabliki og Helgi
Sigurðsson hættir með Fylki.
Flest bendir til þess að
Ólafur Jóhannesson yfirgefi
brúna á Hlíðarenda og fái þar
með kaldar kveðjur frá Vals-
mönnum þrátt fyrir góða upp-
skeru á undanförnum árum.
Undir stjórn Óla hefur Valur
orðið Íslandsmeistari í tvígang
og bikarmeistari jafn oft.
Tímabilið hjá Val í ár hef-
ur verið skrautlegt í meira lagi
og árangurinn vægast sagt
slakur. Að sjálfsögðu ber þjálf-
arinn mikla ábyrgð á gengi
liðsins og leikmannakaupum
fyrir tímabilið, sem reyndust
slæm í flestum tilfellum.
Eftir eitt slakt tímabil hefði
ég haldið að Óli Jó ætti inni-
stæðu fyrir því að halda áfram
en forráðamenn Vals virðast
vera á þeirri skoðun að tími
hans sé liðinn. Þeir hafa þegar
rætt við Heimi Guðjónsson,
þjálfara HB í Færeyjum, og
hver veit nema hann feti í fót-
spor síns gamla lærimeistara
eins og hann gerði hjá FH.
Ólafur, Ágúst og Helgi
hafa ekki sagt sitt síðasta orð
í þjálfuninni og ég er viss um
að þeir verða á hliðarlínunni á
næstu leiktíð. Hvar er ekki gott
að segja. Einhver þeirra gæti
tekið við Blikum eða Fylki en
svo eru líka lausar stöður í In-
kasso-deildinni en Þór Ak-
ureyri, ÍBV og Víkingur Ólafs-
vík eru í það minnsta í
þjálfaraleit.
BAKVÖRÐUR
Guðmundur
Hilmarsson
gummih@mbl.is
GRÓTTA
Jóhann Ingi Hafþórsson
johanningi@mbl.is
Grótta kom öllum á óvart í sumar og
stóð uppi sem sigurvegari í Inkasso-
deild karla í fótbolta, 1. deild, og
tryggði sér í leiðinni sæti í efstu
deild í fyrsta skipti. Liðið endaði í
öðru sæti í 2. deildinni á síðasta ári
og bjuggust flestir við erfiðu sumri
hjá nýliðunum.
Þess í stað gekk allt saman upp og
Grótta endaði með 43 stig, einu stigi
meira en Fjölnir, og tapaði aðeins
þremur leikjum allt tímabilið. Óskar
Hrafn Þorvaldsson tók við Gróttu í
október 2017 er liðið var nýfallið úr
1. deild. Á aðeins tveimur árum hef-
ur Óskar komið Gróttu upp í efstu
deild. Gróttumenn skoruðu 45 mörk
í sumar og skoraði framherjinn Pét-
ur Theodór Árnason 15 þeirra og var
markahæstur í deildinni ásamt
Framaranum Helga Guðjónssyni.
„Maður er enn að átta sig á því að
við höfum náð þessu og þetta er búið
að vera geggjað,“ sagði Pétur í sam-
tali við Morgunblaðið.
Markmiðið ekki að fara upp
Framherjinn viðurkennir að
markmiðin innan félagsins fyrir mót
hafi ekki endilega snúist um að fara
upp um deild. „Við vissum eiginlega
ekki alveg hvað við værum að fara út
í. Við ætluðum ekki bara að taka
þátt og gefa öllum fimmu, við ætl-
uðum að reyna að safna eins mörg-
um stigum og við gátum.
Eftir því sem leið á mótið sáum við
að við áttum fullt erindi í þessa deild.
Með góðri liðsheild og góðum þjálf-
urum er hægt að ná langt. Við töl-
uðum saman í æfingaferðinni í vor
og töluðum um einhver markmið, en
að fara upp um deild var ekki eitt af
þeim. Við ætluðum að gera betur en
Grótta hefur gert áður í deildinni og
við gerðum það áður en fyrri um-
ferðin var búin. Við skoðuðum þetta
aftur um mitt sumar og breyttum
markmiðunum okkar.“
Flugum of hátt
Grótta var í öðru sæti með 34 stig,
einu stigi meira en Þór, að 18 um-
ferðum loknum. Þá átti liðið eftir að
leika við Aftureldingu, Hauka,
Magna og Njarðvík, en þau voru öll í
fjórum neðstu sætunum. Grótta
vann þrjá af síðustu fjórum leikj-
unum og hafði 0:5-skellur gegn
Aftureldingu ekki teljandi áhrif.
„Við gerðum okkur grein fyrir því að
við áttum fjögur neðstu liðin í fjórum
síðustu leikjunum. Það eru auðvitað
erfiðir leikir en við vorum komnir í
mjög góða stöðu eftir leikinn við
Magna. Þá vorum við fjórum stigum
á undan þriðja sætinu. Við flugum
kannski aðeins of hátt eftir það enda
fengum við skell á móti Aftureldingu
í næsta leik. Við gerðum vel í að
koma til baka eftir það og klára
þetta.“
Grótta var með fjórða besta ár-
angur allra á heimavelli og tapaði
tveimur af þremur leikjum sínum á
Seltjarnarnesi. Engu liði gekk hins
vegar eins vel á útivelli, þar sem
Grótta vann sjö af ellefu leikjum.
„Ég man ekki hvenær við töpuðum á
grasi síðast. Það gengur vel í þess-
um útileikjum hjá okkur og að
ferðast. Það er gaman að mynda
stemningu í rútunni á leiðinni og það
gekk rosalega vel.“
Sleit krossband tvisvar
Pétur hefur verið lengi í Gróttu og
einnig leikið með Kríu, eins konar
varaliði Gróttu í 4. deild. „Ég hef
verið hjá félaginu síðan 2011 en ég
lenti í tveimur krossbandsmeiðslum
2013 og 2014. Það var erfitt að stíga
upp úr því. Svo 2017 spilaði ég nán-
ast ekki neitt og dró mig aðeins til
hliðar. Ég tók seinni hluta tímabils-
ins hjá Kríu og byrjaði þar aftur
2018 en svo fannst mér ég vera kom-
inn það vel af stað að ég gat tekið
þátt í þessu með Gróttu og mér leist
vel á verkefni liðsins. Ég spurði Ósk-
ar Hrafn hvort ég mætti mæta á æf-
ingar og hann tók vel á móti mér,“
sagði Pétur, sem var aðeins með eitt
mark í 27 leikjum í 1. deild fyrir
sumarið. Hann skoraði 15 mörk í 22
leikjum á tímabilinu.
„Ég fór aðeins í krossfit og það
hjálpaði mér líkamlega. Ég er búinn
að styrkjast mjög mikið. Þjálfunin
hjá Óskari er líka mjög góð, ég hef
aldrei fengið svona góða fram-
herjaþjálfun áður. Boltinn sem við
spilum hentar mér síðan mjög vel.
Óskar og Dóri [Halldór Árnason, að-
stoðarþjálfari Gróttu] eru búnir að
vera frábærir. Þeir eiga allt hrós
skilið. Æfingarnar hjá þeim eru vel
skipulagðar og þeir ná vel til okkar.
Það vita allir sín hlutverk í liðinu.
Við erum á svipuðum aldri og því
ungir og graðir í að ná markmið-
unum.“
Pétur er spenntur fyrir því að
spreyta sig í efstu deild. „Ég ætla að
taka slaginn þar. Það er draumur að
fara með Gróttu upp í efstu deild, en
ég sá það kannski ekki alveg gerast
þegar ég fór að æfa í þessu litla
bæjarfélagi. Ég fer ekki að fara frá
Gróttu núna. Félagið ætlar að bæta í
á öllum stöðum, bæði innan hópsins
og utan hans. Félagið mun bregðast
við stærri áskorunum. Við munum
gera okkar besta og við erum komn-
ir þangað því við unnum deildina og
við eigum þetta sæti skuldlaust,“
sagði Pétur, sem er nokkuð brattur
að hann geti skorað mörk í úrvals-
deildinni.
„Vonandi tek ég þetta sumar með
mér núna inn í næsta mót og held
áfram að spila vel,“ sagði Pétur
Theodór.
Maður er enn að átta sig
á því að við náðum þessu
 Grótta kom öllum á óvart og fór upp  Pétur Theodór raðaði inn mörkunum
Morgunblaðið/Eggert
Meistarar Gróttumenn, sem léku í 2. deild í fyrra, tryggðu sér meistaratitil 1. deildarinnar í lokaumferðinni á laugardaginn við mikinn fögnuð á Nesinu.