Morgunblaðið - 30.10.2019, Side 14

Loksins er komin afsökunin sem
unnendur fallegra og dýrra bíla hafa
beðið eftir: En elskan mín. Hann á
bara eftir að hækka í verði! – geta
lesendur sagt við makann ef honum
þykir ekki viturlega farið með
sparifé fjölskyldunnar að nota það
til að kaupa klassískan ítalskan
sportbíl.
Financial Times greindi frá því
fyrr í vikunni að frá árinu 2015 hafi
verð vel með farinna Lamborghini-
fornbíla hækkað meira en bresk rík-
isskuldabréf og skilað álíka góðri
ávöxtun og FTSE 100-vísitalan. FT
fær þetta út með því að bera mark-
aðstölur saman við svokallaða
HAGI-vísitölu sem vaktar verðþró-
un eftirsóttustu fornbíla. Eins og
vera ber með fornbílamarkaðinn
hafa vissar tegundir hækkað meira
en aðrar og þannig væri hægt að
vænta þess að fá í dag nærri tvöfalt
hærra verð fyrir gott eintak af Lam-
borghini Miura en fyrir fjórum ár-
um. Það eru ekki bara bílar frá 8.
áratugnum sem hafa hækkað;
ákveðnar útgáfur af Diablo frá 10.
áratugnum hafa líka nærri tvöfald-
ast í verði. SLS AMG-sportbíllinn
frá Mercedes-Benz – þessi með
vængjahurðunum – kom fyrst á
markað árið 2010 en framleiðslu var
hætt 2014. Svokölluð „Black Series“
útgáfa af bílnum, sem fékkst í tak-
mörkuðu upplagi árið 2013, kostaði
þá um 230.000 pund en myndi í dag
seljast á tvöfalt eða þrefalt hærra
verði.
Bæði geta þeir sem keyptu rétta
bílinn á réttum tíma vænst þess að
innleysa mjög góðan hagnað, ef þeir
kæra sig um að selja en svo er líka
miklu skemmtilegra að hafa fallegan
sportbíl inni í bílskúr til að dást að,
en að horfa á virði verðbréfasafnsins
sveiflast upp og niður á tölvuskjá.
Skattfrjáls gleðigjafi
Vitaskuld er bílabrask áhættusöm
viðskipti og ætti alltaf að reikna með
því að tapa á bílakaupum frekar en
að græða. Myndi þykja mjög gott að
vera svo heppinn í bílaviðskiptum að
geta komið út á sléttu við sölu, og
hafa þannig faktískt ekið bílnum
„ókeypis“ á meðan hann var í notk-
un, en þá er eftir að taka með í
reikninginn viðhalds- og viðgerð-
arkostnað, tryggingar skatta og
annað umstang sem fylgir því að
eiga og reka bíl. Þeir sem velja í
staðinn að hjóla og setja allan pen-
inginn í verðbréfasjóð losna við þess
háttar basl og áhættu. Þá þarf að
geyma bílinn einhvers staðar – helst
inni í hlýjum og tandurhreinum bíl-
skúr – og hæsta verðið fæst yfirleitt
fyrir minnst notuðu bílana. Er því
ekkert sem heitir að skjótast á fjár-
festingunni út í næstu búð eftir potti
af mjólk. Svo á verð fornbíla það til
að hækka og lækka í takt við efna-
hagsástandið almennt. Ef hluta-
bréfamarkaðir taka dýfu er næsta
víst að erfiðara verður að fá gott
verð fyrir eðalbíla.
En ekki afskrifa það alveg strax
að kaupa bíl sem fjárfestingu. Ólíkt
viðskiptum með hlutabréf þarf ekki
að greiða fjármagnstekjuskatt af
hagnaðinum af sölu bifreiðar, „nema
eignanna hafi verið aflað í þeim til-
gangi að selja með hagnaði“, eins og
segir á vefsíðu Ríkisskattstjóra.
Er líka ekkert sem segir að megi
ekki snerta bílinn ef hann hefur þeg-
ar fengið einhverja notkun. Það er
allt annað að bæta 5.000 km á bíl ef
að þegar eru 50.000 km á mælinum,
en að gera slíkt hið sama við glæsi-
kerru sem hefur aðeins verið gang-
sett einu sinni. Raunar má halda því
fram að það sé gott fyrir innvols
eldri bíla að vera notaðir endrum og
sinnum, frekar en að sitja alveg
óhreyfðir. Að vísu vildi einn bíla-
braskarinn sem ég ráðfærði mig við
meina að það væri alveg galið að
ætla að geyma og nota öndvegisbíl á
Íslandi, með það fyrir augum að
selja hann síðar. Ástand vega væri
svo slæmt að það færi illa með bíl-
ana; óhreinindin skemmdu lakkið og
fyndu sér leið inn í allar glufur, að
ekki væri talað um salt sjávarloftið.
Þurfa að vera mjög sérstakir
Þeir sem eru á þeim buxunum að
kaupa sér eins og einn ítalskan
sportbíl, til að selja með hagnaði síð-
ar, ættu því að kaupa í leiðinni bíl-
skúr suður á Spáni eða Ítalíu. Það
tryggir líka að bíllinn verður ekki
notaður of oft, að þurfa að gera sér
sérstaka ferð suður að Miðjarð-
arhafi til að fara í bíltúr. Ekki þarf
heldur að fela lyklana fyrir ung-
lingnum á heimilinu. Þá þykja alla
jafna meiri líkur á að gott verð fáist
fyrir bílinn ef um er að ræða sér-
útgáfu sem fékkst í takmörkuðu
upplagi, eða einstaklega vel útbúið
eintak af síðustu kynslóð merki-
legrar bifreiðar. Má nefna, í því
ljósi, að þess virðist skammt að bíða
að forþjöppulausir 8, 10 og 12
strokka sportbílar geti með engu
móti fullnægt mengunar- og hávaða-
kröfum stjórnvalda og því ógalið að
svipast um eftir vel með förnum
Porsche 911 GT3, Ferrari 813 Su-
perfast eða Lamboghini Huracán
Performante.
Annað ráð er að kaupa bíla með
það í huga að þegar bíladellufólk
kemst á miðjan aldur og eignast
loksins einhvern pening, þá vill það
oft mest af öllu aka um á draumabíl
unglingsáranna. Þess vegna má
reikna með að þeir bílar hækki mest
á komandi áratug sem prýddu vegg-
spjöld í unglingaherbergi þeirra
sem núna eru að ná þeim aldri að
komast í framkvæmda- og for-
stjórastöður.
Veðmálið gengur upp að því gefnu
að unga fólkið muni ekki missa allan
áhuga á bílum. Óttast sumir að kyn-
slóðin sem er núna að vaxa úr grasi
muni ekki kunna að meta „alvöru
bíla“, enda alin upp við ósköp hvers-
dagsleg ökutæki með lítinn persónu-
leika. Ef kaupendurnir eru fáir má
seint reikna með að verðið á merki-
legum eldri bílum rjúki upp.
Úr sem bera ávöxt
Vilji lesendur ekki braska með
fallega bíla má í staðinn reyna að
græða með útpældum fjárfestingum
í armbandsúrum. Þar eru lögmálin
n.v. þau sömu og í bílaviðskiptunum
og fæst hæst verð fyrir úr sem aldr-
ei hafa verið tekin úr boxinu. Getur
það lækkað verð á úri um 30% ef
boxið, pappíra og aðra fylgihluti
vantar. Að sögn þeirra sem til
þekkja er langsamlega öruggast að
veðja á Rolex, en hlutfallsleg verð-
hækkun við endursölu er, merkilegt
nokk, mest á ódýrari úrum sviss-
lenska framleiðandans. Þannig er
ekki óalgengt að þeir sem komast
t.d. yfir nýtt Daytona-stálúr geti
komið því strax í verð með 100%
hagnaði, enda úr sem svo fjarska
marga langar í. Audemars Piguet og
Patek Philippe þykja líka sniðugur
fjárfestingarkostur.
Einn safnarinn í vinahópi blaða-
manns benti á að auk þes að vera
eigulegir gripir sem gaman er að
hafa á úlnliðnum hafi lúxusúr þann
kost fram yfir bannkainnistæður og
hlutabréfasöfn að enginn veit af
þeim, og því enginn sem notar þessa
eign til frádráttar frá lífeyri eða bót-
um. Þegar kemur svo að því að
kveðja vini og ættingja fyrir fullt og
allt greiðir ekki nokkur maður af því
erfðafjárskatt þótt veglegur Rolex
færist af einum úlnlið yfir á annan
við síðasta handabandið.
Betri er bíll í skúr en tölur á skjá
Ásgeir Ingvarsson
skrifar frá Istanbúl
ai@mbl.is
Það er ágætis regla að fjár-
festa í fjölbreyttri blöndu af
hlutabréfum og skulda-
bréfum, og kannski eiga
nokkrar únsur af gulli upp á
grín. En hvað um að bæta
sígildum sportbíl eða eigu-
legum Rolex við fjárfest-
ingasafnið?
AFP
Gestur virðir fyrir sér fágætan Lamborghini Veneno blæjubíl á uppboði í Sviss. Bíllinn var einn af mörgum sem gerðir
voru upptækir úr bílasafni sonar fyrrverandi forseta Miðbaugs-Gíneu. Hann kostaði sennilega um 4,5 milljónir dala
nýr árið 2014 en var sleginn hæstbjóðanda fyrir jafnvirði um 8,3 milljóna dala. Ekki amaleg ávöxtun það.
14 MORGUNBLAÐIÐ MIÐVIKUDAGUR 30. OKTÓBER 2019FRÉTTIR
Fallegar vörur
fyrir heimilið
Sendum
um
land allt
Tjarnargötu 2 | 230 Reykjanesbæ | Sími 421 3377 | bustod@bustod.is | www.bustod.is
Pier leðursófi
Fáanlegur 3 lengdum
Verð frá 259.000 kr.
Við erum í hjarta borgarinnar
að Þverholti 13. Komdu við í
kaffisopa eða sendu okkur
línu og óskaðu eftir tilboði í
prentverkið þitt, stórt eða
smátt.
MIÐBORGIN