Fréttablaðið - 13.12.2002, Blaðsíða 23
FÖSTUDAGUR 13. desember 2002
Lokaþáttur Sopranos í Bandaríkjum:
Tólf og hálf milljón
áhorfenda
SJÓNVARP Lokaþátturinn í fjórðu
þáttaröðinni um Sopranos dró til sín
tólf og hálfa milljón áhorfenda um
síðustu helgi í Bandaríkjunum.
Þátturinn fékk næstmesta áhorf
í sögu HBO-sjónvarpsstöðvarinnar,
en mesta áhorfið fékk einmitt fyrsti
Sopranos-þátturinn í þáttaröðinni.
Að meðaltali horfðu um 11 milljónir
áhorfenda á hvern þátt af þeim 13
þáttum sem sýndir voru. Það er um-
talsverð bæting frá því í síðustu
Sopranos-þáttaröð þegar „aðeins“
um 9 milljónir sátu við sjónvarps-
tækin hverju sinni. ■
SOPRANOS
Sopranos-fjölskyldan hefur notið gífurlegra
vinsælda undanfarin ár.
„Smells Like Teen Spirit“:
Besta smáskífulag
allra tíma
TÓNLIST Lagið „Smells Like Teen
Spirit“ með hljómsveitinni
Nirvana hefur verið valið besta
smáskífulag allra tíma.
Það voru lesendur rokktíma-
ritsins Kerrang sem komust að
þessari niðurstöðu. Alls voru 100
bestu smáskífurnar tilnefndar í
tímaritinu.
Lagið „Freak on a Leash,“ með
Korn lenti í öðru sæti og „Chop
Suey“ með System of a Down
hreppti þriðja sætið.
Eldri smáskífulög komust
einnig inn á listann og þar náði
hæst lag Black Sabbath, „Para-
noid,“ sem fór í níunda sætið. ■
NIRVANA
Hljómsveitin Nirvana sló í gegn með lag-
inu Smells Like Teen Spirit.