Fréttablaðið - 24.01.2020, Qupperneq 30

Reikistjörnur er tón-leikaröð í Hörpu ætluð fjölskyldum sem hefst um helgina. Fy rsti listamaðurinn sem kemur fram er tónlist-
arkonan Bríet Ísis Elfar. Hún segist
hafa alveg sérstaklega gaman af því
að koma fram fyrir börn.
„Börn eru með galopin eyru og
undrandi augu. Svo dansa þau frekar
en fullorðnir. Ég elska að spila fyrir
börn því þá líður mér eins og algjörri
rokkstjörnu. Það er klárlega meira
krefjandi að spila fyrir fullorðið fólk
því mín tilfinning er stundum sú að
það þurfi að vera drukkið til þess
að dansa og lifa sig inn í tónlistina.
Síðan eru þau feimnari við að svara
spurningum frá mér en börnin, því
þau eru svo einlæg,“ segir Bríet.
Góð í puttastríði
Hún segist hafa verið ung þegar hún
áttaði sig á því að hana langaði að
verða söngkona þegar hún yrði stór.
„Ég held að það sé draumur allra
að verða einhvers konar stjarna.
Ég bjóst svo sem aldrei við því að
komast þetta langt og fá að sinna
áhugamálinu mínu eins og ég geri
í dag. En þetta er algjör draumur,“
segir Bríet.
Bríet hlær þegar hún rifjar upp
að hún stefndi einnig um tíma á að
verða nuddari.
„Samt aðallega út af því að ég
nuddaði strák sem ég var hrifin af
og hann sagði að ég ætti að verða
nuddari. Mig langaði líka að verða
fimleikastjarna, leikkona og söng-
kona. En fyrirmyndin mín var alltaf
Lína Langsokkur, en var hún ekki
fyrirmynd svo margra? Svo var ég
og er líka rosalega góð í Einn, tveir,
þrír puttastríð en ég veit ekki alveg
hvort ég hefði getað gert það að
atvinnu,“ segir Bríet.
Væri að vinna á bókasafni
En ef hún væri ekki söngkona í dag,
hvað væri Bríet þá að gera?
„Ætli ég væri ekki bara að vinna
á bókasafni? Mér finnst samt svo
ótrúlega skemmtilegt að hugsa til
þess að ástæðan fyrir því að ég er
á þeim stað sem ég er í dag, er ein-
faldlega út af því að ég sagði já. Ég
greip tækifærið. Ég held að ég væri
að gera eitthvað annað afskaplega
skemmtilegt, því að lífið getur tekið
mann á svo ótal marga mismunandi
en góða staði,“ segir Bríet.
Bríet vinnur nú hörðum höndum
að því að gefa út meiri tónlist.
„Ég er á fullu í stúdíóinu að taka
upp. Svo er einnig von á tónlistar-
myndbandi sem fyrir mér er mikið
fagnaðarefni. Annars hef ég mjög
góða tilfinningu fyrir þessu ári.
Áramótaheitið mitt er að gefa meira
út og úthýsa allri neikvæðni í lífi
mínu.“
Bon Iver og Björk
Bríet heldur upp á marga íslenska
tónlistarmenn
„Já, ég held mikið upp á Axel
Flóvent, Gabríel Ólafsson, Júníus
Meyvant, Valdimar, Röggu Gísla
SVO VAR ÉG LÍKA
ROSALEGA GÓÐ Í EINN,
TVEIR, ÞRÍR PUTTASTRÍÐ EN ÉG
VEIT EKKI ALVEG HVORT ÉG
HEFÐI GETAÐ GERT ÞAÐ AÐ
ATVINNU.
Tryggðu þér áskrift
Í KVÖLD
KL. 20:10
KAUPTU STAKAN LEIK:
Bríet úthýsir
neikvæðninni
á nýju ári
Bríet kemur fram á tónleikaröðinni Reiki-
stjörnur nú um helgina. Hún fer fram í
Hörpu og er fyrir alla fjölskylduna. Þegar
söngkonan var yngri dreymdi hana um að
verða Lína Langsokkur eða nuddari.
Reikistjörnur
Reikistjörnur er ný tónleikaröð
fyrir alla fjölskylduna og fer
fram í Kaldalóni á laugardögum
í vetur. Dagskráin er glæsileg og
margt af vinsælasta tónlistar-
fólki landsins kemur fram. Hér
gefst fjölskyldum tækifæri til
að sækja tónleika saman um
helgar. Nú um helgina verður
einnig í gangi vísindasmiðja
og því fá gestir tækifæri til
að skoða hvern krók og kima
Hörpu undir leiðsögn.
og í raun svo ótrúlega marga. En
þau hafa áhrif á mann þegar maður
fylgist með þeim koma fram, þau
hafa ákveðna töfra sem ekki allir
búa yfir.“
Spurð hverjum hún myndi helst
vilja vinna með, stendur ekki á
svari.
„Bon Iver, það væri svo ótrúlega
sturlað og gaman. Annars væri líka
mikill heiður að fá að vinna með
Björk, hún er drottning okkar Íslend-
inga að mínu mati,“ segir Bríet.
Þó að tónlistin eigi hug hennar
allan um þessar mundir, svona í
það minnsta meðan unnið er að
nýrri plötu, á Bríet ýmis önnur
áhugamál.
„Ég elska að mála og keyra út úr
bænum með mömmu minni og
spjalla við hana. Svo finnst mér
mjög gaman að fara í leikhús og
ferðast. Ég elska að skapa og upp-
lifa nýja hluti. Það er svolítið það
sem lífið snýst um, ekki satt?,“ segir
Bríet. steingerdur@frettabladid.is
Bríet kemur fram um helgina á nýrri tónleikaröð fyrir alla fjölskylduna í Hörpu. MYND/SARA BJÖRK ÞORSTEINSDÓTTIR
2 4 . J A N Ú A R 2 0 2 0 F Ö S T U D A G U R26 L Í F I Ð ∙ F R É T T A B L A Ð I Ð