Fréttablaðið - 09.12.2019, Blaðsíða 2

Veður
Norðaustan 8-15 m/s, en lægir
í kvöld. Víða él, en bjart S- og V-
lands og hiti kringum frostmark
að deginum. SJÁ SÍÐU 16
Ljósadýrð
EKKERT
BRUDL
Gjafakort
BÓNUS
• Fæst í öllum verslunum
• Góð gjöf sem kemur sér vel fyrir alla
16 nýir byggingarreitir innan byggðar voru kannaðir. FRÉTTABLAÐIÐ/STEFÁN
ÁRBORG Sveitarstjórn Árborgar
stefnir að því að þétta byggðina
innan Selfoss og hefur fengið verk-
fræðistofuna Ef lu á Suðurlandi
til að gera skýrslu um mögulega
þéttingarreiti. Sextán reitir hafa
verið valdir og sex þeirra teknir til
frekari greiningar í fyrsta áfanga.
„Ein helsta ástæðan fyrir því að
við viljum þétta byggðina er gríð-
arlega mikil eftirspurn eftir bygg-
ingarlóðum á Selfossi. Við höfum
varla undan að framleiða íbúðir
fyrir fólk,“ segir Gísli Halldór Hall-
dórsson, sveitarstjóri Árborgar.
Byggðar hafa verið um 200 til 300
íbúðir á ári og á síðasta ári fjölgaði
íbúum í sveitarfélaginu um 1.000,
þar af langmest á Selfossi.
„Við höfum áhyggjur af því að ef
við náum ekki að anna eftirspurn-
inni þá hækki það fasteigna- og
lóðaverð fram úr hófi. Því er hand-
hægast að líta til þeirra svæða þar
sem gatnagerð er tilbúin og lítið
þarf til að hefja framkvæmdir,“
segir hann.
Í heildina gerir þetta um 43.000
fermetra í lóðum og um 13.500 fer-
metra í byggingarsvæði. Ekki hefur
verið ákveðið hvers konar íbúðir
verður um að ræða.
Bæjarstjórn bað um úttektina
í nóvember síðastliðnum og hug-
myndirnar verða núna lagðar
fram til kynningar og umræðu.
Gísli segir útilokað að segja til um
lokaniðurstöðuna og hverjir af
þessum reitum haldist vænlegir
eftir umræðuna. „Næsta skref er
að heyra í íbúum og kanna afstöðu
til þeirra reita sem minnstar líkur
eru á að valdi óánægju,“ segir Gísli
sem vonast til að það verði ljóst í
vetur hvað verði gert, helst fyrir
páska. „Við þurfum að hafa hraðar
hendur en verðum að gefa fólki
tækifæri á að bregðast við og lýsa
sínum skoðunum.“
Umræða hefur skapast á meðal
íbúa í bænum um grænu svæðin og
leikvellina sérstaklega, sem hugs-
anlega hverfa með þéttingunni.
Í inngangi skýrslunnar er þó sér-
staklega kveðið á um þessi svæði
og mælt með því að sveitarfélagið
geri áætlun um þau, það er að sem
f lestir íbúar geti haft aðgang að
leiksvæði innan 300 metra radíuss.
Gísli segir að aðgangur að leik-
svæðum verði í forgangi og ef ein-
hver leiksvæði fari undir byggð
verði aðrar lausnir til staðar. „Við
erum að fara að byggja tvö ný leik-
svæði sem mikil þörf er fyrir strax
á næsta ári,“ segir hann.
kristinnhaukur@frettabladid.is
Mikil þétting byggðar
í kortunum á Selfossi
Sveitarstjórn Árborgar stefnir að mikilli þéttingu byggðar á Selfossi þar sem
íbúum fjölgar mjög hratt. Greiningarvinna er þegar hafin. Aðgangur íbúa að
leikvöllum og grænum svæðum verður áfram tryggður, segir sveitarstjórinn.
Við höfum áhyggjur
af því að ef við
náum ekki að anna eftir-
spurninni þá hækki
það fasteigna-
og lóðaverð
fram úr hófi.
Gísli Halldór
Halldórsson,
sveitarstjóri Árborgar
Það verður ekki annað sagt en að miðbærinn iði af lífi þessa dagana enda jólaundirbúningurinn kominn á fullt. FRÉTTABLAÐIÐ/SIGTRYGGUR ARI
HEILBRIGÐISMÁL Engum starfsmanni
hefur verið sagt upp í klínískri þjón-
ustu á Landspítalanum. Þetta stað-
festir Ragna Gústafsdóttir, deildar-
stjóri á bráðamóttöku. Búið er að
fækka í framkvæmdastjórn og á
skrifstofum framkvæmdastjóra.
„Engar uppsagnir hafa átt sér stað
í hjúkrun eða hjá öðrum starfsstétt-
um, hvorki hjá læknum né sjúkralið-
um, hér á bráðadeild,“ segir Ragna.
Páll Matthíasson skrifaði um
„sársaukafullar uppsagnir“ á Land-
spítalanum í forstjórapistli sínum
sem birtist á föstudag. Hvergi kemur
fram hversu mörgum hefur verið
sagt upp og ekki náðist í forstjórann
við vinnslu fréttarinnar.
Ragna segir líklegt að Páll eigi
við uppsagnir á skrifstofu fram-
kvæmdastjórnar. „Ég hef ekki heyrt
um neinar uppsagnir á klíník og það
hafa ekki verið uppsagnir á bráða-
deild,“ staðfestir hún. – ilk
Engar uppsagnir
hjá þeim sem
veita þjónustu
Maðurinn féll til bana af svölum á
þriðju hæð hússins eftir hádegi í
gær. FRÉTTABLAÐIÐ/SIGTRYGGUR ARI
LÖGREGLUMÁL Lögreglan rannsakar
mannslát sem varð í Úlfarsárdal um
miðjan dag í gær er karlmaður féll til
bana af svölum fjölbýlishúss. Maður-
inn var fluttur á Landspítalann og
var úrskurðaður látinn við komuna
þangað að því er fram kemur í yfir-
lýsingu lögreglunnar á höfuðborgar-
svæðinu.
Mikill viðbúnaðar var á vettvangi
í kjölfar atburðarins og voru fimm
manns handteknir. Þeir eru allir
erlendir ríkisborgarar.
Margeir Sveinsson aðstoðaryfir-
lögregluþjónn vildi lítið tjá sig um
málið við Fréttablaðið áður en það
fór í prentun í gærkvöldi, að öðru
leyti en að málið væri í rannsókn.
Að hans sögn beinist rannsóknin
að því hvort maðurinn hafi stokkið
sjálfviljugur fram af svölunum eða
hvort honum hafi verið hrint fram
af þeim. Margeir vildi ekki svara því
hvort teknar hefðu verið skýrslur
af hinum handteknu eða hvort lög-
menn og eftir atvikum túlkar hefðu
verið kallaðir til. – aá
Fall manns
af svölum til
rannsóknar
Fimm voru handteknir
vegna málsins í gær. Rann-
sókn málsins er á frumstigi.
9 . D E S E M B E R 2 0 1 9 M Á N U D A G U R2 F R É T T I R ∙ F R É T T A B L A Ð I Ð