Fréttablaðið - 31.03.2020, Blaðsíða 4

Þetta er að verða
mjög svört staða
hérna hjá okkur.
Kjartan Magnús
Kjartansson,
bæjarstjóri Suður-
nesjabæjar
400 milljónum verður
veitt í 20 þúsund króna
eingreiðslu til örorku- og
endurhæfingarlífeyrisþega.
SKILTAGERÐ
Ljósakassar
Ljósaskil

3D stafir
Hönnun
Ráðgjöf
Uppsetning
Sundaborg 3
104 Reykjavík
777 2700
xprent@xprent.is
Allar nýjustu fréttir og blað
dagsins eru fáanleg á
www.frettabladid.is
Meira á frettabladid.is
COVID-19 Bæjarstjórn Ölfuss segir
sveitarfélagið Ölfus vel í stakk búið
til að milda neikvæð efnahagsleg
áhrif af COVID-19 faraldrinum.
Hyggst bæjarstjórnin leita allra
leiða til að flýta þeim framkvæmd-
um sem fyrirhugaðar eru. Bæjar-
stjórinn eigi að útbúa áætlun þar
sem framkvæmdum sé flýtt.
„Kallað verði eftir því að ríkið
komi með auknum krafti að hafnar-
framkvæmdum í Þorlákshöfn sem
geri mögulegt að þjónusta allt að
180 metra löng og 34 metra breið
skip. Sýnt hefur verið fram á að slík
framkvæmd er ein af þeim allra
þjóðhagslega hagkvæmustu fram-
kvæmdum sem hægt er að grípa til,“
segir í bókun bæjarstjórnarinnar.
Þetta eigi ekki síst við um ferða-
þjónustu því aðilar hafi þegar sýnt
því áhuga að taka upp reglulegar
siglingar með vörur og farþega til
Bretlands og meginlands Evrópu.
Þá eigi að leita eftir því að ríkið
auðveldi framgang mála í gegnum
eftirlitsstofnanir sínar svo sem
Umhver f isstofnun, Sk ipulags-
stofnun og fleiri.
„Eðlilegt og sanngjarnt er í
ástandi sem nú að þessum stofnun-
um verði gefin tiltölulega þröngur
rammi til ljúka sinni aðkomu að
málum. Til grundvallar þessu eru
milljarða framkvæmdir í umhverf-
isvænni matvælaframleiðslu sem í
alla staði er jákvætt að f lýta þegar
svo árar sem nú.“ - gar
Stækka höfnina til að hindra kólnun
Elliði Vignisson bæjarstjóri kallar eftir að ríkið komi að framkvæmdum.
1 „Þetta er að verða mjög svört staða hérna hjá
okkur“ Bæjarstjórar Reykjanes-
bæjar og Suðurnesjabæjar segja
báðir í samtali við Fréttablaðið
að tíðindin af uppsögnum Isavia í
dag mikið áfall.
2 Upp sagnir hjá Isavia: 101 sagt upp og 37 boðið minna
starfs hlut fall Isavia neyddist til
að segja upp 101 starfsmanni í
dag í ljósi fækkun verkefna og
þá var 37 starfsmönnum boðið
áframhaldandi starf með minna
starfshlutfalli.
3 Ó léttar konur ekki í aukinni hættu vegna CO VID-19 Alma
D. Möller, land læknir, segir ekkert
benda til þess að CO VID-19 legg-
ist harðar á ó léttar konur en aðra
en barnshafandi konum hefur
verið ráðlagt af yfirljósmóður að
fara í sjálfskipað sóttkví.
4 Stóra á skorunin verður hve-nær eigi að af létta að gerðum
Að sögn sóttvarnalæknis mega
landsmenn búast við að aðgerðir
til að hefta útbreiðslu veirunnar
muni dragast eitthvað en nauð-
synlegt er að aflétta þeim að-
gerðum mjög hægt.
COVID-19 Hundrað og einum starfs-
manni var sagt upp hjá Isavia í gær
og 37 starfsmönnum var boðið
áframhaldandi starf með minnk-
uðu starfshlutfalli. Ástæða upp-
sagnanna er sögð fækkun verkefna
vegna COVID-19 faraldursins. En
fjölmörg lönd hafa lokað landa-
mærum sínum vegna faraldursins
og einungis örfá f lug eru á degi
hverjum til og frá Keflavíkurflug-
velli.
„Við komumst því miður ekki hjá
því að grípa til uppsagna, en þær ná
eingöngu til starfa á sviðum þar
sem verkefnum fækkar í óákveðinn
tíma,“ segir í tilkynningu frá fyrir-
tækinu.
Kjartan Már Kjartans son og
Magnús Stefáns son, bæjar stjórar
Reykja nes bæjar og Suður nesja-
bæjar, segja tíðindin af upp sögnum
Isavia vera mikið á fall. Báðir segjast
þeir vera í sam skiptum við stjórn-
völd til að freista þess að fá frekari
stuðning vegna tíðindanna.
„Þetta er mikið sjokk fyrir sam-
fé lagið hér. Við máttum nú ekki
við því. Þetta er að verða mjög
svört staða hérna hjá okkur,“ segir
Kjartan.
Að spurður út í stuðning stjórn-
valda segir Kjartan bæjar yf ir-
völd reyna að þrýsta á um frekari
stuðning. „Við erum að reyna það
svo sem. Við erum að þrýsta bæði
á þing menn og ráð herra að líta til
okkar. Af því að staðan er hvergi,
að því ég best veit, verri heldur en
hér. Og fer versnandi,“ segir Kjartan.
Magnús Stefáns son, bæjar stjóri
Suður nesja bæjar, tekur í svipaðan
streng. „Þetta eru auð vitað ekki
góð tíðindi. Þetta er við bót við
annað sem hefur verið í gangi,“ segir
Magnús og vísar þar til falls WOW
air í fyrra. „Við höfum verið mikið í
sam skiptum við stjórn völd al mennt
um stöðuna hér á Suður nesjum. En
ef það hefur ein hvern tímann verið
þörf, að þá er núna nauð syn,“ segir
Magnús. - bdj / oæg
Yfir hundrað manns sagt upp og margir í hlutastarf hjá Isavia
STJÓRNMÁL Sex mál tengd aðgerð-
um stjórnvalda vegna COVID-19
faraldursins voru afgreidd á Alþingi
í gærkvöldi. Um var að ræða fimm
frumvörp; þar á meðal um efna-
hagsaðgerðir, borgaralega skyldu
starfsmanna opinberra aðila og
þingsályktun um tímabundið fjár-
festingaátak hins opinbera.
Í nýjum fjáraukalögum við fjár-
lög yfirstandandi árs, sem sam-
þykkt voru í gær, er kveðið á um
gjaldheimild úr ríkissjóði fyrir 18
milljörðum vegna sérstaks fjár-
festingaátaks en heimildin hækkaði
um tæpa þrjá milljarða í meðförum
þingsins. Þá er gert ráð fyrir rúmum
þremur milljörðum í barnabóta-
auka og þriggja milljarða markaðs-
átaki fyrir ferðaþjónustuna.
Heimild ríkissjóðs til að taka lán
í erlendum gjaldmiðli var einnig
hækkuð um 95 milljarða.
Meðal þess sem bættist við fjár-
aukalög í meðförum þingsins eru
350 milljónir til sérhæfðrar sjúkra-
húsþjónustu sem skiptist milli
Landspítalans og Sjúkrahússins á
Akureyri, 250 milljónir til Heilsu-
gæslunnar og 400 milljónir fara í
fjármögnun veiruskimunarprófa
og hlífðarbúnaðar.
Samþykkt var einnig að veita
400 milljónum í 20 þúsund króna
eingreiðslu til örorku og endur-
hæfingarlífeyrisþega, 140 milljónir
fara í geðheilbrigðismál og málefni
heimilislausra og 40 milljónir í
aðgerðir og vinnu gegn kvíða og
einmanaleika.
Meðal verkefna sem bættust við
fjárfestingaátak ríkisstjórnarinnar í
meðförum þingsins eru endurbygg-
ing á gangi við bráðavaktina í Foss-
vogi sem hefur verið útbúinn fyrir
COVID-19 sjúklinga, 100 milljónir
til að endurbyggja hús vínbúðarinn-
ar á Seyðisfirði, tæpar 400 milljónir
til endurbygginga og viðhaldsverk-
efna heilbrigðisstofnana á lands-
byggðinni, 126 milljónir til viðhalds
á Þórshafnarflugvelli og 170 millj-
ónir til viðhalds annarra flugvalla á
landsbyggðinni. Umhverfisráðherra
fær 50 milljónir til að veita í eflingu
nýsköpunar í loftslagsmálum, 100
milljónum verður bætt í sjóð til
úthlutunar á vettvangi verkefnis-
ins Brothættar byggðir og sérstakt
framlag til rannsóknasjóðs, inn-
viðasjóðs og tækniþróunarsjóðs
verður hækkað um 600 milljónir
og verður 1,4 milljarðar. Framlag
til menningar og lista var hækkað
úr 750 milljónum í milljarð. Þá fara
100 milljónir til nýsköpunarsjóðs
námsmanna, 200 milljónir til græn-
metisframleiðslu og 100 milljónir til
húsafriðunarsjóðs.
Frumvarp ríkisstjórnarinnar
um sérstakar aðgerðir í efnahags-
málum varð einnig að lögum í gær
með heimild til ríkisábyrgða á
brúarlánum til fyrirtækja, frestun
og afnámi ýmissa opinberra gjalda,
þar á meðal tímabundið afnám
gistináttaskatts, frestun á greiðslu
tryggingagjalds, breytingar á gjald-
dögum aðf lutningsgjalda, endur-
greiðsla á virðisaukaskatti vegna
framkvæmda, heimild til úttektar
séreignarsparnaðar og fleira.
Eftir að frumvarpið kom til með-
ferðar hjá Alþingi bættist við það
sérstakt ákvæði um eftirlitsnefnd
sem ráðherra mun skipa og er ætlað
að hafa eftirlit með framkvæmd
ákvæðis um brúarlán til fyrirtækja.
Allsherjar- og menntamálanefnd
fékk frumvarp dómsmálaráðherra
um borgaralega skyldu starfsmanna
opinberra aðila til meðferðar en
frumvarpið felur í sér breytingu
á lögum um almannavarnir sem
kveður á um heimild til opinberra
aðila að færa starfsmenn milli
starfa, stofnana og jafnvel stjórn-
sýslustiga í þeim tilvikum þegar rík-
islögreglustjóri hefur lýst yfir neyð-
arstigi. Frumvarpinu var breytt í
meðförum allsherjarnefndar þann-
ig að í stað varanlegrar breytingar
á almannavarnalögum verður um
svokallað sólarlagsák væði að
ræða sem fellur úr gildi 1. janúar
2021. Nefndin vék í nefndaráliti
að ummælum dómsmálaráðherra
um heildarendurskoðun almanna-
varnalaga og hvetur til þess að lögin
verði tekin fyrir um leið og neyðar-
ástandi verður aflétt.
adalheidur@frettabladid.is
Risapakkar afgreiddir á þingi
Alþingi samþykkti í gærkvöldi viðamiklar aðgerðir ríkisins vegna COVID-19 og fyrirséðra þjóðfélags-
legra áhrifa faraldursins. Frumvörp ríkisstjórnarinnar tóku nokkrum breytingum í meðförum þingsins.
Umræður og atkvæðagreiðslur í þingsal eru með óhefðbundnu sniði vegna samkomubanns. FRÉTTABLAÐIÐ/ERNIR
3 1 . M A R S 2 0 2 0 Þ R I Ð J U D A G U R4 F R É T T I R ∙ F R É T T A B L A Ð I Ð