Fréttablaðið - 31.03.2020, Blaðsíða 23

Ólafur Páll Einarsson, fram-kvæmdastjóri Dokobit á Íslandi, segir að þeir sem
byrji að nota rafrænar undirskrift-
ir snúi ekki aftur til pappírsins.
Með rafrænum undirskriftum
er hægt að veita viðskiptavinum
þægilegri og betri þjónustu en
áður að sögn Ólafs Páls. Rafrænar
undirskriftir eru ekki einungis
þægilegri heldur eru þær einnig
öruggari en handritaðar undir-
skriftir þar sem erfiðara er að falsa
og eiga við þær.
Dokobit er hugbúnaðarfyrirtæki
sem þróar lausnir fyrir rafrænar
undirskriftir. Á síðustu árum hefur
uppbygging félagsins verið hröð
og fer viðskiptavinum Dokobit ört
fjölgandi. Félagið er með skrif-
stofur í fjórum löndum og styður
við rafræn skilríki frá tólf löndum í
Evrópu. Í dag eru yfir milljón skjöl
rafrænt undirrituð með Dokobit
í hverjum mánuði. „Notkun á
rafrænum undirskriftum hefur
á þessu ári aukist gríðarlega en
á síðustu vikum hefur notkunin
margfaldast,“ segir Ólafur Páll.
Dokobit býður rafrænar
undirskriftir frítt út apríl
Vegna áhrifa Covid-19 hafa mörg
fyrirtæki beðið starfsfólk að sinna
vinnunni heima sé það möguleiki.
Til að styðja við fyrirtæki hefur
Dokobit því tekið þá ákvörðun að
gera allar rafrænar undirskriftir
fríar út apríl í gegnum lausnina
Dokobit Portal. „Með þessu viljum
við leggja okkar af mörkum til að
gera fólki og fyrirtækjum kleift að
halda starfsemi sinni gangandi á
þessu erfiðu tímum. Við viljum
eindregið biðja fólk um að fylgja
fyrirmælum og forðast óþarfa
ferðir á fjölmenna vinnustaði eða
stofnanir. Þess í stað hvetjum við
fólk til þess að nota pappírslaus
viðskipti með rafrænum undir-
skriftum,“ segir Ólafur Páll.
Eru rafrænar undirskriftir
fullgildar og löglegar?
Fullgildar rafrænar undirskriftir
hafa sömu réttaráhrif og hand-
ritaðar undirskriftir samkvæmt
lögum númer 55/2019. Lögin eru
innleiðing á Evrópureglugerð
númer 910/2014 sem oftast er
nefnd eIDAS-reglugerðin. Sömu
lög tryggja jafnframt að ekki megi
hafna því að fullgild rafræn undir-
skrift fái réttaráhrif af þeirri einu
ástæðu að hún sé á rafrænu formi.
„Í einföldu máli þýðir þetta að
fyrir þau tilfelli þar sem áður var
krafa um að einstaklingur mætti í
eigin persónu til þess að undirrita
skjöl er núna hægt að nota rafræna
undirskrift með stuðningi laga.
Að auki tryggja lögin að fullgildar
rafrænar undirskriftir hafa sama
laglega gildi á milli landa í öllum
aðildarríkjum ESB,“ segir Ólafur
Páll.
Hvað er eIDAS-vottun?
Dokobit lauk nýlega eIDAS-vottun
og er því fullgildur traustþjón-
ustuveitandi í samræmi við lög
númer 55/2019 fyrir fullgildar
rafrænar undirskriftir og aðrar
traustþjónustur. Með vottuninni
hefur verið staðfest að lausnir
Dokobit mæti öllum tæknilegum
og lagalegum kröfum sem gerðar
eru til fullgildrar traustþjónustu.
Ólafur Páll segir að þau hjá Doko-
bit séu gríðarlega stolt af þessum
áfanga sem hefur kostað þau
gríðarlega vinnu. Vottunin hefur
mikla þýðingu fyrir viðskiptavini
Dokobit.
Af hverju velja fyrirtæki
lausnir frá Dokobit?
Á meðal þeirra sem nota lausnir
Dokobit eru mörg þekkt fyrir-
tæki, eins og Íslandsbanki, Kvika,
KPMG, Origo, Taktikal, Swedbank,
SEB bank, DNB bank, Nordea (nú
Luminor), Sýslumaður, island. is,
nokkur íslensk ráðuneyti og
margir f leiri.
„Öruggar og einfaldar lausnir
sem auðvelt er að innleiða er lík-
lega stærsta ástæðan fyrir því að
fyrirtækin velja Dokobit,“ segir
Ólafur Páll. „Fyrirtæki geta sett
upp sitt eigið útlit á tölvupósta
og aðlagað viðmót til að sam-
ræmast sínu eigin vörumerki. Þau
geta þannig veitt viðskiptavinum
sínum fyrsta flokks upplifun á
þjónustu. Öruggar og vottaðar
lausnir hafa einnig skipt við-
skiptavini okkar miklu máli þegar
kemur að vali þeirra á sam-
starfsaðila.“
Hægt að fylgjast með
undirritunarferli með appi
Með appi frá Dokobit geta starfs-
menn fylgst betur með öllum
skjölum sem eru í undirritunar-
ferli og brugðist hraðar við fyrir
viðskiptavini á ferðinni.
Í Dokibit Portan er meðal ann-
ars hægt að:
n Stilla í hvaða röð þátttakendur
eiga að undirrita skjöl.
n Velja samþykktaraðila áður en
skjöl fara í undirritun.
n Setja upp eigið útlit fyrirtækja
á tölvupósta og viðmót fyrir
undirritun skjala.
n Setja upp aðgangsstýringar
fyrir starfsfólk að mismunandi
skjölum fyrirtækis.
n Rekja allt undirskriftarferlið
með nákvæmri atburðaskrá.
n Bæta við rafrænu innsigli fyrir
stofnanir eða skipulagsheildir.
Hægt er að tengja Dokobit Por-
tal við önnur skjalavistunarkerfi
á þann hátt að skjöl sem send eru í
rafræna undirritun endi sjálfvirkt
á öðrum stað í skjalavistunarkerfi
viðskiptavinar eftir að undirritun
hefur verið lokið.
„Þrátt fyrir að efnahagsum-
hverfið okkar standi í dag frammi
fyrir miklum áskorunum er
aðdáunarvert að sjá aðlögunar-
hæfni margra fyrirtækja sem hafa
tileinkað sér nýjar aðferðir til þess
að geta áfram boðið þjónustu sína.
Eins hefur ríkisstjórnin nýlega
tekið stór skref til þess að auka
áherslu sína á stafrænar lausnir
meðal annars á vegum island.is
og víðar. Með þessari þróun eru
viðmið og kröfur neytenda að
breytast mikið þegar kemur að
stafrænni þjónustu. Notendur
Dokobit mega einnig búa sig undir
viðburðaríkt og spennandi ár þar
sem mikið af nýjum eiginleikum
og lausnum er nú í farvatninu og
verður kynnt á árinu. Við hvetjum
aðila til að fylgjast með á vefnum
okkar dokobit.is.“
Sífellt fleiri nota rafrænar
undirskriftir frá Dokobit
Með lausn Dokobit geta fyrirtæki aflað undirskrifta frá viðskiptavinum yfir netið. Með rafræn-
um undirskriftum er hægt að veita viðskiptavinum þægilegri og betri þjónustu en áður. Fullgildar
rafrænar undirskriftir hafa lögum samkvæmt sömu réttaráhrif og handritaðar undirskriftir.
Ólafur Páll Einarsson segir notkun á rafrænum undirskriftum hafa margfaldast undanfarinn mánuð. FRÉTTABLAÐIÐ/SIGTRYGGUR ARI
Appið frá
Dokobit sendir
tilkynningu í
símann þegar
undirskrift er
lokið.
Hvað er rafræn undirskrift?
Í grunninn er rafræn undirskrift rafrænt fingrafar sem notað er til að
tengja á sannanlegan hátt rafrænu undirskriftina við þann sem skrifar
undir. Hægt er að undirrita skjöl rafrænt á hvaða formi sem er en algeng-
ast er að nota PDF-skjöl. Fullgildar rafrænar undirskriftir verja skjölin á
þann hátt að ekki er hægt að breyta innihaldi þeirra eftir að þau hafa
verið undirrituð. Ef skjölunum yrði breytt yrði það auðmerkjanlegt þar
sem undirskriftirnar brotna. „Á Íslandi notum við fullgild rafræn skilríki
frá Auðkenni sem þýðir að allar undirskriftirnar hérlendis frá Dokobit
eru fullgildar rafrænar undirskriftir,“ útskýrir Ólafur Páll.
Í einföldu máli
þýðir þetta að fyrir
þau tilfelli þar sem áður
var krafa um að ein-
staklingur mætti í eigin
persónu til að undirrita
skjöl er núna hægt að
nota rafræna undir-
skrift.
KYNNINGARBLAÐ 9 Þ R I ÐJ U DAG U R 3 1 . M A R S 2 0 2 0 RAFRÆNAR LAUSNIR