Fréttablaðið - 07.04.2020, Blaðsíða 12

Ingibjörg segist hafa átt erfitt með að festa sig í íþróttum sem barn þó hún hafi haft mjög
gaman af þeim. Hún flakkaði á
milli handbolta og fótbolta og
fleiri íþrótta en taekwondo er eina
íþróttin sem hún hefur ekki getað
hætt í. „Ég fór á sumarnámskeið
í taekwondo sex ára gömul og gjör-
samlega festist. Það varð ekki aftur
snúið eftir það,“ segir hún.
Þjálfarinn hennar Ingibjargar,
Sigursteinn Snorrason, hefur
kennt taekwondo í yfir 25 ár og
Ingibjörg segist eiga honum margt
að þakka. Í dag aðstoðar hún hann
við að þjálfa börn og fullorðna á
ólíku getustigi.
„Ég hef aðstoðað við þjálfum
frá því ég var svona 10 ára.
Taekwondo hefur verið hluti af
lífi mínu eiginlega frá því ég man
eftir mér. Ég veit eiginlega ekki
hvar ég væri án taekwondo,“ segir
Ingibjörg.
„Íþróttin hentar mjög vel krökk-
um sem finna sig ekki í venju-
legum hópíþróttum af því þú ert
bara að æfa á þínum forsendum. Ef
þér tekst ekki eitthvað þá gerirðu
það bara aftur þangað til þú nærð
því. Þú skemmir ekki fyrir neinum
öðrum ef þú nærð ekki einhverju.
Þú ert bara að byggja þig upp sem
einstakling en ekki í hópi. Þetta er
þess vegna kannski persónulegri
íþrótt en hópíþróttir af því þú færð
þjálfun sem einstaklingur.“
En þrátt fyrir að íþróttin henti
vel krökkum sem finna sig ekki
í hópíþróttum segir Ingibjörg að
krakkar sem æfa hópíþróttir hafi
líka gaman af taekwondo þar sem
þau fá að skína betur sem ein-
staklingar.
Styrkir börnin hvert og eitt
Ingibjörg segir að Sigursteinn
þjálfari leggi áherslu á að styrkja
hvern og einn og hún hafi sannar-
lega notið þess sem barn. „Hann
er svo einlægur og persónulegur
að við krakkarnir vorum farin að
kalla hann pabba. Við vorum svo
mikið hjá honum að æfa. Sigur-
steinn hefur líka verið duglegur að
fá fólk utan úr heimi til að kynna
fyrir okkur nýjar hliðar á íþrótt-
inni. Hann fær þjálfara frá öllum
heimshornum til að kíkja á okkur
en fer líka með nemendur út fyrir
landið að hitta aðra kennara,“ segir
hún.
„Ég átti til dæmis að fara til
Kóreu í dag. Við ætluðum að
heimsækja einhverja háskóla. En
það varð að hætta við það út af
ástandinu.“
En þrátt fyrir ástandið er Ingi-
björg samt enn að æfa og þjálfa á
fullu. „Það er alveg búið að loka
stöðinni. En Sigursteinn hefur
haldið ótrúlega vel utan um allt.
Hann tók upp vídeó af nem-
endum og aðstoðarkennurum
með æfingum sem hann setur á
Facebook. Svo geta krakkarnir æft
heima. Foreldrarnir eru rosalega
ánægðir með það og hafa verið að
senda okkur vídeó af krökkunum.
Það er ótrúlega gaman að fylgjast
með þeim. Það eru gefin verðlaun
fyrir frumlegustu æfingarnar eins
og kannski að gera brú í eldhúsinu
eða úti í snjónum eða eitthvað
skemmtilegt.“
Hjálpar einhverfum börnum
Ingibjörg segir taekwondo til
dæmis hjálpa börnum sem hafa
lent í einelti og einhverfum
börnum. „Þau fá svo mikið pláss
fyrir sig sjálf. Þau fá heilan fer-
metra sem enginn má fara inn á.
Krakkarnir fara á sinn kross sem
við merkjum inn á dýnur á gólfinu
og stilla sér upp þar. Við erum
með sérhóp fyrir einhverf börn
og þar fá þau enn meira pláss og
við pössum að áreitið sé minna.
Það er minni hávaði í þessum
hópi. Við öskrum til dæmis ekki
þegar við kýlum og það er lítil sem
engin snerting í þessum tímum.
Við höfum fengið að heyra margar
sögur frá foreldrum sem segja
okkur að krakkarnir þeirra hafi
ekki fundið sig í neinum íþróttum
fyrr en þau prófuðu þessa tíma.“
Krakkarnir sem Ingibjörg
þjálfar eru alveg niður í þriggja
ára gömul en þá byggist þjálfunin
meira á leikjum og að hafa gaman.
„Þá erum við kannski að gera jafn-
vægisæfingar og sparka í púða og
eitthvað þannig. Svo þegar krakk-
arnir eru aðeins eldri fara þau að
detta inn í keppnisflokkinn sem
æfir stíft tvo tíma þrisvar í viku. En
samhliða keppnisflokkum eru líka
venjulegir f lokkar fyrir þau sem
vilja ekkert endilega keppa en hafa
bara gaman af íþróttinni. Svona
eins og ég. Ég keppti þegar ég var
yngri en núna er ég bara að æfa.
Við erum líka með fullorðinsflokk
og þar er fólk alveg upp í fertugt,
fimmtugt. Mamma mín byrjaði
til dæmis að æfa núna í vetur og
henni finnst það geggjað,“ segir
Ingibjörg hlæjandi.
Draumurinn hjá Ingibjörgu
er að verða þjálfari í fullu starfi.
„En þangað til ég verð tilbúin til
þess þá aðstoða ég Sigurstein,
og mér finnst það alveg rosalega
skemmtilegt.“
Sandra Guðrún
Guðmundsdóttir
sandragudrun@frettabladid.is
Fólk er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Hjördís Erna
Þorgeirsdóttir | hjordiserna@frettabladid.is s. 550 5767 | Oddur Freyr Þorsteinsson, oddurfreyr@
frettabladid.is s. 550 57686 | Sandra Guðrún Guðmundsdóttir, sandragudrun@frettabladid.is, s.
550 5762 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf
Ábyrgðarmaður:
Jóhanna Helga Viðarsdóttir
Sölumenn: Arnar Magnússon, arnarm@frettabladid.is, s. 550 5652, Atli
Bergmann, atli@frettabladid.is, s. 550 5657, Jón Ívar Vilhelmsson, jonivar@
frettabladid.is, s. 550 5654, Jóhann Waage, johannwaage@frettabladid.is,
s. 550 5656, Ruth Bergsdóttir, ruth@frettabladid.is, s. 694 4103,
Ingibjörg hefur æft taekwondo frá barnæsku og draumurinn er að verða þjálfari í fullu starfi. FRÉTTABLAÐIÐ/ANTON BRINK
Taekwondo hentar fyrir börn og fullorðna burtséð frá getustigi.
Taekwondo er gömul bardagaíþrótt frá Kóreu. MYND/SVEINN SPEIGHT
Íþróttin hentar
mjög vel krökkum
sem finna sig ekki í
venjulegum hópíþrótt-
um því þú ert bara að
æfa á þínum forsendum.
Framhald af forsíðu ➛
2 KYNNINGARBLAÐ FÓLK 7 . A P R Í L 2 0 2 0 Þ R I ÐJ U DAG U R